發口痕講吓：見工，顧主問你expect個人工係幾多，你會點答？

多數面試者會怕兩個心理關口：
開得高會嚇怕顧主
開得低會自己蝕卓，顧主亦會佔了著數∼∼

高明一點的人會老老實自己認為值幾多錢，實話實說∼∼出唔起唔做佢，出得起先做∼∼但如果你個履歷唔係好勁，又等工開要錢洗∼∼你未必可以咬到個價返嚟∼∼

所謂輸人唔輸陣，我最近才真正領略到此話的真義，講個個會講，冇幾多人會明點樣叫唔好輸陣∼∼
簡單講就係話事權，可以左右對手的一種虛假權力∼∼在面試時，顧主一定口大過你，你一定係輸人，除非你係打工皇帝，個朵行哂∼∼大把顧主排隊請你，咁你就唔輸人∼∼否則你輸到一條毛都冇∼∼
但係呢個時侯係你發輝唔輸陣的機會∼∼
當顧主問你，你預祈人工係幾多時，其實係個顧主無意間設下一個陷阱比你，讓你落入開題所講的兩難心理情況∼∼
此時你可以輕鬆同佢講：無所謂啦∼∼你公司認為我值幾多錢，你就比幾多囉∼∼；或者：睇你哋啦，你覺得比幾多就幾多囉

表面上你要裝到好似無所謂，實際上你係把個波交返比佢，你之前會面對的兩難情況，轉眼會全部彈返比顧主∼∼如果你合佢心水的話，佢開得高個顧主會蝕，低又怕你唔入職∼∼佢一定會綜合一個你Background及公司情況下，開個最高的價比你∼∼
問題是個主動權會落在你身上，如果佢最高的價唔合你心水，你可以唔理佢，一係你馬死落地行∼∼
但係你要夠Guts，有不少人會怕，其實唔洗怕∼∼做多幾次你會熟能生巧∼∼加上你面試官見你答法和眾人不同，印象一定會深；如果個面試官有料到，一眼睇穿你玩權謀之術，佢一定會對你另眼相看，請你都請唔切∼∼但用此權謀之術前，你一定要Well trained，重點係好輕鬆，裝到好似求其無心一句∼∼

如果對方回你一句：咁即係幾多吖∼∼（總之追問你）
你可再試吓回一句無綾兩可的答法：哦∼∼咁你可以借我之前的薪酬作參考（根手指裝作好求其指一指你履歷表上最高人工果份工作，但你要預先揭好位置，而指的時候你要給對方清楚看到你指的公司名及銀碼）（這招是冷讀術上的心理暗示）

如果佢明玩嘢，再迫你比佢一個價，你無奈，可以開一個較高的價，示意這個價留下都可以了∼∼例如你搵開二萬五，你可以同佢講二萬八左右樓下咁啦∼∼

但留意本權謀心理戰不合用於老麥或清潔等工作，因為這些工作，顧主一定有哂標準∼∼而且市場上這些位置的薪酬差距細∼∼
備註：木納者忌用，因為權謀及心理術，要出奇不意地用，要用咗對方都唔知才叫上品∼∼木納者一路無乜嘢講，一句起兩句止，無乜身體語言，你一用權謀及心理術，會給人古怪的感覺，進而可能拆你西洋鏡∼∼

要我说就不要怕，什么事都可以解决的