港製銅油燈

因為學校讀既科目關係,對輪船用品尤其珍品更有興趣, 自我的雜架灘一帖,都有一些前輩回應, 所以將今日買到的珍品分享雖然香港航運業只限於所謂物流,抄吓航運股同波海乾散貨指數,至於舊日香港既帆船已絕跡香港, 但仲有一些香港製造航海珍品


香港舊日有兩間公司為政府特許製造銅造航海燈, 為東和號及合利號. 東和早已結業, 合利則在電話簿中找到了電話, 原來仲未執!
買的是6寸白環照燈多用為(ANCHOR LIGHT) 同一火水燈分別不大,但全為人手製造,老細話以前有個八十幾既老師父造,死咗就無再造, 我買的是老細自己造,所以証書手寫2001年出廠,電話中老細講燈為德製, 但拎到上手其實都是打合利招牌. 此燈可用於船長五十米以下, 話雖港製,但有部份重要部件都係老路嘢,


燒油需要一個BURNER, BURNER 是UK製 BRIMINGHAM SHERWOOD LTD 造 STARHINGE BURNER (製造年份不詳), 見EBAY,只是這個BURNER頭已要USD 27
至於塊GLASS 學名為 Fresnel lens 與燈塔的用的同一類, GLASS 打有GGG三個字,看來不是合利自製, BURNER 是連一個GLASS CHIMNEY
共銀HKD 1680, 此價與佐敦船具店賣的是同價


老細不免問長問短 因為呢啲燈是無人買的, 但見外國人識貨, 响EBAY連用過的都要, 唔識門路可去上環的古玩舖,但都係爛都唔爛. 反而响香港用EBAY價已經買到全新並連証書.


與之前買的俾小船既船燈, 手工係好好多, 少咗銲接位, 多用鍋釘, 老細仲有啲超大幾千蚊的, 但都係俾人响外國當客廰大燈, 香港地方細,想照死人咩, 老細再講又係鬧政府唔推廣, 結果香港既船燈係無人賣, 俾啲大陸頂爛市, 合利都有電既賣,不過老細話個樣係無燒油咁靚. 這些銅製燒油既航海燈, 八十年代初已經係落伍, 估唔到2001年香港仲有人會造. 而老細對自己既製品十分自豪




因為仲未時間影相,所以响網度找同廠的,但相中的是用過的,出廠NUMBER為 A 119, 我買的是A 2004, 相中就是SHERWOOD STARHINGE BURNER, 網上估價為75-120USD, , 照片不日送上

[ 本帖最後由 liao_marco 於 2010-11-11 00:18 編輯 ]