香港寶馬谷新聞一則~
各位親愛既寶馬谷會員
好高興話比大家知
小弟既戶口已經被現任會長取消左喇!
原因係小弟o係對上果一年入面
不停咁查核谷入面既收支
而現任會長由去年11月會慶到而家(5/2011)都未能提供會既現金往來明細
只係草草交代收左4千幾以作將來既支出
去年會慶時
會長先生盡負致極
會慶當晚未埋酒水數就已先行離去
但會慶當晚之現金收入不足以埋單
最後要由小弟先行塾支
會長先生完全不聞不問
咁個會爭小弟既錢點解決呢?
唯有靠各板主兄弟合力去造會員product出售去籌集
但可笑既係, 造product既錢都係要由各兄弟先行塾支
會長先生不單沒有任何支援
仲四處造謠話小弟中飽私囊
但會長先生造謠期間, 竟然仲可以拎返5年前既會員cap叫小弟幫佢手賣晒佢!
由於小弟至今仍努力查核往來明細
到今日會長先生終於忍唔住刪除左我戶口喇
玩左寶馬谷7年
由小弟初初入會車尾箱咩都冇
到今日成個車尾箱都係有待出售既會員product
tee廿幾件, polo十幾件, jacket又10幾件
仲有貼紙會証會貼
同埋一幅幾呎長既寶馬谷banner
o係呢7年入面總算識到一班志同道合既好朋友
今日雖然被迫離開
但相信除左寶馬谷之外我地仲有好多途徑方式可以聯繫呢~!
現任會長先生
我想問下你
你除左掛住會長個名去招搖撞騙之外仲做過d咩?
報名區入面頭果幾頁既活動9成係我搞
你到都唔到, 請問你貢獻過d咩?
有既, 咪就係去派私人咭片sell你自己係保險agent
叫谷友同你買囉
今日我比你刪除左戶口唔緊要
但我可以大大聲話比人聽我做事光明磊落
清清白白
所有錢銀往來都有根有強
歡迎任何人士查閱
我絕對唔會為果區區幾千銀就出賣自己既人格
亦希望會長先生你可以回頭是岸
悠悠眾口
你刪除左我一個戶口唔代表你做過既所有事情都可以當無事發生
天網灰灰
疏而不漏
請好自為之
前 寶馬谷管理員
大河馬僅上
19/5/2011 0943 update
今朝一早收到現任會長短訊
話我知戶口開得返
仲比左個新密碼我！
到底點解呢？
相關搜索目錄: 保險
