今天先睇到呢篇留言,雖然遲左咁多,但也不得不說一句: 實在講得太好了!
其實蔡瀾,陶傑以前都有好多對香港女人極抵死到肉的諷刺,可是每每都有女讀者覺得男人寫的都是踩女人,不值一看!
但是今次連女作家如李敏都寫到咁到位,我就真係不得不拍爛手掌!終於呢個社會都有番個有良知的女作家!
不知幾多女作家靠睇唔起男人,寫稿串男人而上位,
賺了不少稿費,受盡女讀者歡迎,我成日覺得呢批爛女作家同寫書教人減肥果批一樣咁折墮,響姊妹眼中無論你幾瘦都叫肥,同樣,響呢班女作家筆下,幾好的男人都係賤!
不過我始終覺得其實一路以來最唔抵爭的是香港男人自己,其實好多依然未北上或仍迷戀港女的男性,始終未能擺脫娶個香港老婆先叫威的心態,始終會覺得大陸女仔係次選.....
於是在一個願打,一個願捱的情況下,我真係見過無數身邊的折墮男真係做妹仔咁做,幾廿年前本來應該係新抱仔做的事而家變成男人做.....
.......跟得公爵,管接管送,斟茶遞水,陪女血拼,俾埋錢,拿埋貨,送到上樓等等都未算,連未過門的女友父母都要服侍埋,仲慘過以前服侍老爺奶奶的家嫂們!
所以,我覺得問題不在港女身上,是港男不爭氣!
正如只要成條街都唔俾陀地,惡霸就唔敢再響度搵食一樣!只要有一兩戶怕事屈服,咁惡霸就會有恃無恐,慢慢其他就會羊群心理下照跟!到最後堅持唔俾的人反而會變成係犯眾憎,滋事份子!
仲唔明?再簡單D,只要全部港男都肯重整男權,聯合抵制野蠻女友,試問港女仲邊有得惡?
唔該各位男人唔好再扮鬼佬啦!成個李蓮英咁款斟茶俾打緊麻雀的女朋友,仲要洋洋得意咁話 : [呢D咪叫gentleman囉!]
俾錢埋單果陣你幾何見到港女同你講西方AA制先?
要男女平等唔係唔得,不過要求未得利益前係咪應該先放棄既得利益呢?
坐男人車仲要人俾哂泊車錢,上去取完車轉完幾十層
落度黎,條女仲要響停車場門口等上車,一邊說 : [乜咁耐架?]
食飯係咪餐餐AA先?供樓係咪一人一半先?
女人係咪以後上落車自己開門先?
出入係咪唔會再叫男人開門拿野先?
p.s. 電視台果D賣鑽石的廣告就應該禁播啦,幾個女人響度鬥鑽石有幾閃,睇得多你話港女唔貪慕虛榮就假啦!
[ 本帖最後由 火山孝子 於 2007-3-1 16:14 編輯 ]
相關搜索目錄: 減肥 茶 廣告