－空号－
一直都無林到，今日會輪到我。
之前同學講起呢件事，我都以為系電腦故障嗟… …（對於我，系網路上黑得多，自然部機就會多問題故障，但好歹都自己搞返掂。）
到左今日，個件事終於發生自己身上了… …事后我都仲未接受到呢件事，但經我查閱左好多資料，由報紙、書籍、雜誌、月刊到互聯網足足穩左一個月（包括請教過計科系的老師），都未穩到答案……除左系個D靈異故事書上穩到相似既案件外，就再無其它線索了……就系個時，我死心了，命∼∼
2006年6月6日，凌晨00︰20，地點︰我校宿舍3棟201室，人數︰8。當時，正系度上緊msn既我聽到室友問，距系一邊傾緊電話一邊同我講既，對話系甘︰
“少明，知無知道部電腦點解會突然間出聲既？”
“有好多原因咖哦，可能系距主板設置個度有問題，或者距中病毒，又或者系瀏覽網頁個時都有可能會伴隨著D聲音咖。”
“距話都無上網（指瀏覽網頁），殺過毒都無中毒”室友問完電話入面個人答覆我。
“甘阿，系咩聲阿？”我林左一下就問。
“距話系咩︰”就算死左都要同你系埋一齊∼ ”，系一把女人聲……”
“下﹗真咖？？？”我呆左一陣問。
“系阿﹗”距答得好爽快。
“痴線，米講笑拉啦。系米真咖？”我半信半疑甘問距。
“系呢﹗﹗﹗傻既，邊個厄你嗟﹗”
“我未聽過，好邪阿﹗”我打緊冷振講。
跟住，我其它個D室友聽到我地既對話，都開始有回應了，邊議論邊話好邪阿∼
問我個位室友得唔到答案就對距女朋友講︰“唔知阿，我地都唔知咩原因，你問下其它人啦。”跟住就收線了……
上面既呢件事就系之前同學講既個件事，以前我都當系電腦故障放埋一邊無理，但系到左今日我至知道系咩感覺，畢竟下面系自己親身經歷。
2006年7月16日，深夜11︰40，地點︰我既狗窩，人數︰1。當時，正系度P緊圖既我，突然聽到手機響左，睇左一下，系一個陌生的手機號碼（來電顯示13302807939──我仲抄低左），我接左。呢件事就系甘開始了。
“喂，你好﹗”
“系﹗我系×× ，你系米明哥 ？”
“哦﹗我系，有咩事啊？甘夜打黎既。”
“無咩事，我部電腦有D問題想問下你嗟∼”
“哦﹗甘有咩事啊？” 又系電腦，我抹下汗就講。
“我部電腦呢，唔知點解，隔一段時間就講野啊，之前都唔怕，尋晚一開機就甘了。”
“隔一段時間就講野？隔幾耐啊？之前個晚做過咩黎啊？”
“系啊…5分鐘到啦，之前個晚甘米同平時一樣上QQ啊，上網啊甘羅∼”
“甘啊，有無試過殺毒啊？”
“有啊，都唔得﹗”
“甘你講俾我知具體系點樣既？”
“咩點樣啊？”
“即系依家部電腦同平時操作起黎有咩唔同啊，具體有咩聲音發出啊之類羅。”
“哦﹗其它就無咩，就系硬系有聲出黎羅﹗”
“形容黎聽下，咩聲啊？”
“就是咩”死都要同你一齊，跟住你……”系把女人聲黎咖，好煩啊﹗”
“…… ……”我當時呆左，出唔到聲（系喉嚨個度根本叫唔到出黎），跟住起晒雞皮，心跳加速。
“喂？…喂﹗… …聽唔聽到？”
“哦﹗聽到… …”我回過神黎之后就即刻應距。
跟住，“嘟…嘟…嘟…”隔無耐，電話傳黎嘟嘟聲，對方收左線。
當我慢慢甘清醒翻D，知道仲未幫人解決到問題，或者講無能為力，心寒緊我就再次打電話過去，道歉先前既無言。
當我回撥剛才個電話，話筒傳黎左……
“你撥打的號碼是空號，請查證后再撥… … … … … … …”
…… ……
個時，我干笑左兩聲，睇住部手機一陣間，就即刻將塊電池除左出黎，扔到電腦台上面……
第二日，我就好戲劇化甘按照一般既情節甘去核對呢次通話了。首先，我用固話打左幾次呢個電話號碼，結果都系一樣，系一個空號……跟住我就去穩個位同學了（就系16號晚同我通話個位），我穩到左距，同距傾左下，就步入正題了。
“系了，你尋晚有無用手機打電話俾我啊？”
“無啊，無端端穩你做咩啊，你又唔系我條女，哈哈哈∼∼”
“認真D，真系無？”我好嚴肅甘講。
“無。我都唔知你電話號碼。”
“無？你部電腦無事？”我追問。
“無啊，我部電腦會有咩事啊，又無裝寬帶，上唔到網會有咩事啊﹗﹗﹗”
“講…講真？”我開始驚了… …
“我做咩厄你嗟，傻既，你撞邪啊你﹗哈哈哈∼∼”
“無﹗系甘問下嗟…… 系了，都無你手機號碼，俾我啊”我故意羅出手機想套出距個手機號碼來做證實。
“1363×××××××”
“呢個？我打下﹗”
跟住我就打距俾我既號碼……果然通左，距手機有響。
…… ……
一切一切……黎得太快了∼∼
慢慢甘，我承認自己接到左一個空號，但個晚同我講話既個件野究竟又系咩黎呢？
人？鬼？……
相關搜索目錄: 電腦 雜誌 手機 電池 報紙
