[原創] 不打‧短評57：罪迷宮 (有內容)

港產不打

超高級用戶組

Rank: 5 Rank: 5

帖子: 124
積分: 1796
金錢: 744
性別: 男
註冊時間: 2013-6-1

1^# 大中小發表於 2013-11-6 05:21 只看該作者

[隱藏廣告]

不打‧短評57：罪迷宮 (有內容)

不打評價：星期二特惠$44

不打總評：罪迷宮最迷既其實係觀眾，佈局故弄玄虛令人失望

網上影評一致激讚，有人更話比美經典【沉默的恙羊】
坦白講完全吹大左，呢套只係一套好普通既驚慄犯罪類型片
和神作【沉默的恙羊】完全爭幾班

套戲主題係罪同埋迷宮
導演嘗試以家長為求尋回被擄女兒而擄去嫌疑犯折磨逼供既矛盾去刻劃人性
以兩個真實連環殺手及兩個疑似連環殺手為本，更故意以迷宮圖案為破案關鍵
只可惜眼高手低，到頭來最墮入迷宮既，明顯係觀眾

套戲最失敗既地方係破案既轉折位，竟然係其中一個被擄女童逃出
差佬其實睇唔睇到廳果張相都好，女童最終都會講出真凶
咁之前查既野就變得多餘，用豬血同膠公仔模仿連環殺手呢條支線就變得多餘
之前用心佈下教父地庫死屍和迷宮圖案既伏筆都變得多餘
坐左兩粒幾鐘，到頭來一場空，佈局最後一剎間摧毀晒，好難唔覺得係故弄玄虛囉！
而個凶手明知女童逃出一定通天，點解仲留係屋企搏拉唔著草？！
燥狂老豆之前已經去到咁盡，點解估到真凶後唔一入屋就打獲佢？仲會背住佢？

既然要寫人性，黑人父母理應刻劃深d，和主角要有更強既衝突和辯論
先寫得出家長既痛苦抉擇及人性矛盾，而家個黑鬼存在感太弱又冇主見淪為大茄
雙方家庭既長子長女實在太廢，既然佈影板都不如，索性cut左佢仲好啦
既然要寫人性，殺手既邪惡理念又冇詳細交代，仲吹到話要挑戰聖經咁高層次！？
既然要寫罪，主角理應受返相同級數既折磨，而唔係中一鎗跌落洞咁簡單
硬加主禱文嘗試滲入宗教元素但又唔到
講罪與罰又兩頭唔到岸，結局更係大團圓主角搵得返仲在生！？

唔計本身劇本上冒故弄玄虛，套戲本人拍攝和剪接手法都好拖，節奏鬆散
你俾我剪呢套戲120分鐘點都夠晒，淨係影住架車入黎D track shot都可以cut晒佢啦

既然係拍驚慄犯罪類型片，可唔可以加返d驚慄位呢？
犯罪片最後冇犯罪經過又冇乜交代犯罪動機，係唔係拍錯左方向？
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************

www.youtube.com/cheungsecond
www.facebook.com/cheungsecond

TOP

‹‹ 上一主題 | 下一主題 ››

重要聲明：本討論區是以即時上載留言的方式運作，本網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。本討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。