(以下有【Delete 愛人】內容嚴重劇透)
真心的
如果我條女話一定要睇【Delete愛人】，我會好痛心
但我仍然會抱著公民提名既半絲希望，嘗試了解您既原因
我喜歡您，您原來喜歡許冠文……so good！對於您對長輩既尊重，更添一份孝心
我喜歡您，您原來喜歡王莞之……so good！對於您對音樂既熱誠，更添一份品味
我喜歡您，您原來喜歡王祖藍……so good！對於您對偶像既豁達，更添一份個性
我喜歡您，您原來喜歡葉念琛……WTF！
您連咁低質素既導演、咁扭曲既愛情觀、咁糜爛既劇本，都咁認同？！
坦白講，正如：
喜歡養寵物既女仔，唔會差得去邊；喜歡葉念琛既女仔，唔會好得去邊！！
你硬係晚晚要睇西遊，價值觀相差咁遠，我點樣同您再走落去？！
葉念琛從來拍唔出什麼好東西
由佢響朵個下，我已經咆哮！！
咁能爛既導演，點解仲可以生存！？
【獨家試愛】【十分愛】【我的最愛】堪稱佢既成名系列
情況其實同而家國內爆紅【小時代】系列既郭敬明一樣
都係將扭曲敗壞既價值觀無限美化包裝，理直氣壯咁拍出黎！
郭敬明炫富拜金，葉念琛扭曲愛情
分別只係郭敬明係2012年中國作家富豪榜第四名年收過億版稅既粉腸
葉念琛係2012年上映【溝女不離三兄弟】香港票房三百萬都冇既雜碎
葉念琛D戲，永遠扭曲愛情觀
拍到現代既愛情唔係爾虞我詐，就係爾詐我虞
要愛就要搶，搶完又被搶
愛情就係佔有，愛情就係計算，愛情就係手段
冇信任，冇體諒，冇真心，冇誠實，冇付出，冇犧牲，冇承諾
將愛情好能膚淺地永遠定格係溝與搶呢個過程
只係堆砌一連串既偷食、欺騙、背叛、隱瞞、報復
扭完又扭，沒完沒了
明白當代文化就係「認真，就輸了」，乜能都得過且過是Q旦旦才是王道
好多人話睇套戲姐，得啖笑就算啦，Sorry，我唔能認同囉！！
電影係普及文化之一，係傳媒既一種
唔能同你咁高層次講傳媒操守，都要有最基本既傳媒責任
唔能可以真理歪曲！
葉念琛套套戲都扭曲愛情，而且為扭而扭，潛而默化咁洗青少年腦
佢仲可以上電視台做主持做戀愛專家
仆X，大家醒未！？
點解仲有人buy佢？！仲姑息呢D雜碎？！
你可能小我，今套【Delete 愛人】，葉念琛終於冇玩扭曲愛情啦
小你老X，我駛唔駛即刻頒個好市民獎俾佢啊？！
人膠，戲就膠！人壞，戲就壞！
基因爛，點拍點包裝，都係一套爛片
你問我2014，仲搵返1974響朵既許冠文黎拍Out唔Out？！
我睇法持平既，Out就一定Out，但唔代表冇價值
So far 刻薄老闆呢個角色，確實係有需要搵個壓到場，而又有返咁上下份量既人
許冠文亦用返自己代表作之一【摩登保鏢】既演繹
撞唔撞到喜劇效果？我覺得冇
但我會懷念，亦有親切感，勾起集體回憶
而且公道D講，許冠文只係配角，實際出場時間只係頭尾段，加埋都冇半粒鐘
你問我王莞之，我Buy！
由上一套【金雞sss】破格驚喜彈出後
今次表現一樣咁出，演繹收放自如
拍笑得，又可以拍認真
可塑性非常高
而且好有親和力
套戲最唔掂，除左結構性葉念琛之外，就係王祖藍！！
其實王祖藍既浮誇演繹，和詹Sir一樣
舞台劇、揀篤笑都okay，但做戲就唔work囉！
由佢福祿壽開始，睇到膩晒，賀歲片或許還可以，其他戲真係睇到好煩好厭
王祖藍係有喜劇效果，係有笑位，但永遠只可以做配角，做綠葉，攪下氣氛
要佢擔正，完能全錯晒！【黑色喜劇】仆直，呢套一樣
至於劇本，又吹到荷里活有片商買左黎翻拍
大家唔好以為劇本好有創意
其實條橋舊能到喊，同阿拉伯神燈冇咩分別
而且嚴格黎講佢唔係Delete，只係Change
全套戲笑位真係數唔出，係完全冇人笑過
車輪魯芬、黑仔收數、家燕姐食雞腳、Ironman表白、針管插完又插
真係冇人識笑，而且唔應該會笑
2011年【猛鬼愛情故事】一百萬都冇 (抵！)
2012年【天生愛情狂】收七百萬 (有Cool魔都仆到咁)
2013年【第一次不是你】二百萬都冇 (抵！)
【溝女不離三兄弟】三百萬都冇 (抵！)
呢套【Delete 愛人】
我期望一百萬都冇
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
