我一向唔欣賞呢位鄭生
但佢所講的，完完全全講出我的心聲!


時事評論
P15 1 . Hong Kong Economic Journal
鄭經翰
2007-06-01

大班人語
耳聞目睹新聞行業的怪現象


形象包裝反客為主

　　人貴自知，時下記者欠缺自知，毫無識見，不全是他們自己的錯誤，傳媒的制度更有以致之。以目下流行新聞女主播明星化的怪現象而言，始作俑者便是有線電視，其後競爭對手無不趨之若鶩，形成男新聞報道員買少見少，幾近無處容身的地步。據悉最新的發展，就是部分女主播連新聞也不用跑，光靠樣靚聲甜讀稿便可以了。這些「新聞演員」是本港繼「財經演員」後又一畸型產品，教有理想、有抱負做新聞工作的年輕人無不弄得糊塗，氣餒不已。做主播不單收入更佳，出鏡逐個騷計，知名度又高，還有「粉絲」在網上聚眾追星拱月，極盡滿足個人虛榮感之能事。久而久之，新聞報道員的形象包裝已經反客為主，比新聞報道本身更為重要、更有市場價值，於是形成歪風，教不少不做藝人明星做記者的少女也可大發另類明星夢，在大學選讀新聞不是為了做好新聞工作，而是準備走上名成利就的捷徑。

　　事實上，資深記者轉做公關、企業傳訊主管以至窩輪推銷員外，做富豪貼身跟班和女朋友，甚或嫁入豪門的也大有人在，儘管這些不是大多數，但產生的負面影響，卻不容小覷。最新的例子就是被國家領導人江澤民一罵成名的靚女記者張寶華，也行將出任富豪林建岳旗下公司的副總裁，脫離新聞界行列。

　　我無意一竹篙打一船人，事實上，上述歪風還是處於萌芽階段，有識之士只要有心糾正，完全可以扭轉局面。記得，當年亞視起用藝員何守信、朱慧珊等讀新聞，也曾引起新聞界的非議。豈料世界輪流轉，今天剃人頭者自剃其頭，竟然大搞新聞報道員明星化的歪風。大部分現役記者仍都是有理想、有抱負的新聞工作者，希望做好呢份工。可是，如果歪風當道，甚至成為主流，實難免影響未來入行的新一代，以為做新聞只是過場的手段，完全忘記新聞工作真正的社會意義，從而危害本港新聞的質素。招搖過市的「財經演員」已經令人側目，最近更因利益衝突、分贓不勻而反目成仇，「新聞演員」一旦成行成市，難保一天也會出現爭寵奪利的醜聞。作為資深傳媒工作者，我在心為志，引以為憂，耳聞目睹新聞行業的怪現象，又豈能默不作聲？


＊由於原文太長，所以我只登主播部份!

先有蔡生，後有鄭生，不知所謂。

佢地只不過得把口，咁巴閉自己試吓，睇吓有幾多人會睇佢地。

言之有物。一語中的。
不過此網仍有很多小友未知「新聞傳播」為何物。

引用:

原帖由 popswong 於 2007-6-7 11:38 發表
言之有物。一語中的。
不過此網仍有很多小友未知「新聞傳播」為何物。

其實講下邊個主播靚我又覺得冇所謂
但我覺得而家好多人都唔理主播表現，而係只留意佢個樣
你睇下連李家文、周潔儀都比人鬧「咁老仲出黎報新聞收皮啦」就知

引用:

原帖由 lovelyrics 於 2007-6-7 12:19 發表

其實講下邊個主播靚我又覺得冇所謂
但我覺得而家好多人都唔理主播表現，而係只留意佢個樣
你睇下連李家文、周潔儀都比人鬧「咁老仲出黎報新聞收皮啦」就知

果d人唔知咩叫「資深」，唔好浪費時間同佢地解釋！

雖然好難接受,不過佢講得無錯

乜張小姐越做越高級...
所以我覺得cap圖之餘可以對該段新聞作出一些理性ge comment
唔好淨係睇人，亦都要睇埋表現

引用:

原帖由 super720a 於 2007-6-7 12:42 發表
乜張小姐越做越高級...
所以我覺得cap圖之餘可以對該段新聞作出一些理性ge comment
唔好淨係睇人，亦都要睇埋表現

趙珠都$80000一個月
以張小姐性格，佢點會輸比趙珠?

[ 本帖最後由 lovelyrics 於 2007-6-7 13:02 編輯 ]

唉.. 人望高處.. 點可以一句『專業』去剝奪他人自由選擇職業的權利呢..

引用:

原帖由 lovelyrics 於 2007-6-7 12:45 發表

趙珠都$80000一個月
以張小姐性格，佢點會輸比趙珠?

你竟然信D雜誌講o既野…

我都唔信八萬蚊一個月...............

即管放長雙眼睇下呢個要招人妒忌ge專才可以係BNP立足幾耐
我就唔信有咁多散戶去炒窩輪

佢都離開左呢行,算啦,無謂再計較佢囉,哈哈

引用:

原帖由 cy418721 於 2007-6-7 13:50 發表

你竟然信D雜誌講o既野…

唔係信唔信的問題
雜誌寫得出，全世界人都以為做女主播=賺大錢的途經
第一個有五萬、第二個有八萬、第三個有一百萬
做得第四個，點會肯係全香港人面前輸比幾個妹妹仔?

引用:

原帖由 super720a 於 2007-6-7 16:21 發表
即管放長雙眼睇下呢個要招人妒忌ge專才可以係BNP立足幾耐
我就唔信有咁多散戶去炒窩輪

香港人好貪新忘舊
你估一年後仲有幾多人會記得佢?
最好笑係開頭係威係勢，而家仲見唔見佢出現先?

其實依個係現實問題!
如果個主播唔夠靚女,觀眾一定會流失!
所以電視台偏向揀靚女做主播,以遷就觀眾!

其實,就算係外國,d主播都係要包裝成靚仔靚女!
只不過係專業行先,外表為次,但係都唔可以太難睇!

其次係,香港o既記者待遇普遍偏低,
又好難怪佢地唔會轉行做公關,甚至好似趙海珠咁,轉行做窩輪之花!
講到尾,都係互相利用o者!
法巴貪佢有名氣,可以做生招牌,其實佢人工係行內唔算高!
佢自己都覺得記者無乜前途,不如趁後生,出去闖闖又有可不可呢!

引用:

原帖由 fredng 於 2007-6-8 01:37 發表
其實依個係現實問題!
如果個主播唔夠靚女,觀眾一定會流失!
所以電視台偏向揀靚女做主播,以遷就觀眾!

其實,就算係外國,d主播都係要包裝成靚仔靚女!
只不過係專業行先,外表為次,但係都唔 ...

無錯樣係重要
但問題係而家香港的風氣係以樣行先，本未倒置
得罪講句，而家香港某幾個靚女主播都係出晒名「癡脷根」，一間電視台咁多記者，點解唔搵個講野清楚的報新聞?電視台用乜野黎做選主播標準，路人皆見!我作為觀眾，只係想聽到新聞內容，因為我唔係時時可以安定坐係度半個鐘望住部電視，但問題係而家好多時唔望字幕都唔知佢講乜，咁究竟那位主播的價值在那裡?

：有能力，就有價值。

       而何謂「能力」，係無一定標準。而係由 市場 去決定。
       你 o既「價值」有幾多？係要睇 市場 需要乜野「能力」，
       而你有無？同有幾多？

       市場 最需要 o既 能力，必定最有 價值。

[ 本帖最後由 Double.Zeta 於 2007-6-8 04:30 編輯 ]

：send 左兩次，仲亂碼添。

[ 本帖最後由 Double.Zeta 於 2007-6-8 04:26 編輯 ]

引用:

原帖由 lovelyrics 於 2007-6-7 12:45 發表


趙珠都$80000一個月
以張小姐性格，佢點會輸比趙珠?

Sharon Cheung唔係�鑨��鴾H

現在社會咁講包裝,女主播都一樣
吓吓都講番以前,咁先唔專業!!

i also want to see beauty anchor...
but i do think if tvb also need 李家文、周潔儀 etc to talk ...i thinnk it is better lor ....since i really not need to see monitor...only listen can know all the incedent occur that they say

引用:

原帖由 batxhim00 於 2007-6-8 19:22 發表
現在社會咁講包裝,女主播都一樣
吓吓都講番以前,咁先唔專業!!

唔係叫佢地唔好包裝
但包裝除左外型，仲有好多方面!

引用:

原帖由 lovelyrics 於 2007-6-9 01:33 發表


唔係叫佢地唔好包裝
但包裝除左外型，仲有好多方面!

可惜現在的觀眾只顧外表,包括我自己都會以外表行先.
而新聞高層更會以她們外表做籌碼,
你估主播們想吓吓畀人話只有外表而無內涵咩
只是時勢使然.