今日工買左....火雲邪神同龍虎門

睇完又有d大家0岩聽既感覺.....

如果連火雲邪神都話唔值十四元....真係諗唔到呢個世界有乜公仔書係抵買既

一班頂既作品
如果福龍有心機既一本熱血漫畫

香港漫畫就有機會返生啦

Did anyone scan any image?

引用:

原帖由 kenny01 於 2007-7-5 22:35 發表
今日工買左....火雲邪神同龍虎門

睇完又有d大家0岩聽既感覺.....

如果連火雲邪神都話唔值十四元....真係諗唔到呢個世界有乜公仔書係抵買既

一班頂既作品
如果福龍有心機既一本熱血漫畫

香港漫畫就有 ...

如果<火雲邪神>係一班頂既作品,我想,...香港漫畫接近玩完喇!! 畫功普普通通,故事更離譜...有睇開龍虎門既會明白....

至於值唔值十四元,每個人既價值觀都唔同,...我個人就覺得唔值囉!! 不過睇開龍虎門既朋友又冇辦法,故事既主線都放左落黎囉!! 兩個選擇:一係睇兩本,一係cut書,兩本都唔睇囉!!

因為睇開有感情,所以我選擇左睇兩本,但如果再係咁分拆降去,東方無敵又一本,XX又一本,外傳又一本,...咁就想唔cut都難....

引用:

原帖由 小小力 於 2007-7-6 09:03 發表


如果<火雲邪神>係一班頂既作品,我想,...香港漫畫接近玩完喇!! 畫功普普通通,故事更離譜...有睇開龍虎門既會明白....

至於值唔值十四元,每個人既價值觀都唔同,...我個人就覺得唔值囉!! 不過睇開龍虎門 ...

例子火武cut開3本,本本都咁好買
(好買即係有讀者歡迎佢咁做法)

我覺得火雲既主線係會唔同既,而且講明十二期完...

以前霸刀...武神都有出外傳,不過我諗當主角係黃玉郎,自然特別多反對聲音

我預左呢版既回應係咁架啦,火雲邪神畫面無論大位同細位都做得好足,構圖分境都無交行貨...咁我想問下有冇一本本地或外國既作品,你覺得係頂級製作既呢(真心想討論一下)

漫畫都可以算藝術既一種,當然可以有權比人批評,當然可以講好睇或唔好睇(除左果d四圍問人有冇scan既之外),但製作係咪用心認真同高質,都可以有客觀標準既


好似有個例子,當年特警新人類上畫,好多人又話謝霆峰係垃圾,套戲不知所謂...真的嗎?
果套戲明明製作認真,幾個大場面都交出水準,點解其他外國人睇完都要買片,反而香港人會有咁既反應呢...

唔知我地幾時先可以搵番個平常心,公平咁睇下野,唔好再繼續以批評為主道文化呢

引用:

原帖由 kenny01 於 2007-7-6 13:12 發表

例子火武cut開3本,本本都咁好買
(好買即係有讀者歡迎佢咁做法)

我覺得火雲既主線係會唔同既,而且講明十二期完...

以前霸刀...武神都有出外傳,不過我諗當主角係黃玉郎,自然特別多反對聲音

我預左呢版既回應係咁架啦,火雲邪神畫面無論大位同細位都做得好足,構圖分境都無交行貨...咁我想問下有冇一本本地或外國既作品,你覺得係頂級製作既呢(真心想討論一下)

漫畫都可以算藝術既一種,當然可以有權比人批評,當然可以講好睇或唔好睇(除左果d四圍問人有冇scan既之外),但製作係咪用心認真同高質,都可以有客觀標準既


好似有個例子,當年特警新人類上畫,好多人又話謝霆峰係垃圾,套戲不知所謂...真的嗎?
果套戲明明製作認真,幾個大場面都交出水準,點解其他外國人睇完都要買片,反而香港人會有咁既反應呢...

唔知我地幾時先可以搵番個平常心,公平咁睇下野,唔好再繼續以批評為主道文化呢

簡單D講,好買即係有讀者歡迎佢咁做法,...咁,我地又睇落去睇下<火雲邪神>好唔好賣就知喇!! 講真,我唔係行內人,火武賣得好唔好我真係唔知,...你點知架??我點樣可以知呀??

至於其他point,真係唔識答,我只係普通既漫畫讀者,咁深奧既解釋我唔明架!! 特警新人類我根本睇都冇睇過,..點解外國人睇完都要買片?? 我想起點解外國人去赤柱睇完D寫住大大隻中文字但又唔明佢寫乜既T-shirt,佢地都要買,...其實我都唔明架...!!

我認為頂級既作品...何志文既<絕代雙驕>,井上雄彥既<Slam Dunk>,北条司既<city Hunter>,陳某既<火鳳燎原>咁喇...相比起<火雲邪神>,呢D漫畫係唔係好垃圾呢??

總覺得,人人好似kenny01兄咁,能以一個平常心去睇香港漫畫,唔好再批評,咁香港就有救喇(唔係香港漫畫,係香港呀!!)

引用:

原帖由 kenny01 於 2007-7-5 22:35 發表
今日工買左....火雲邪神同龍虎門

睇完又有d大家0岩聽既感覺.....

如果連火雲邪神都話唔值十四元....真係諗唔到呢個世界有乜公仔書係抵買既

一班頂既作品
如果福龍有心機既一本熱血漫畫

香港漫畫就有 ...

我都買左

我覺得畫就真係好靚

但唔係咁鐘意個故事

好似又睇緊宜家龍虎門講緊既故事咁

咁我到底睇邊本先啱呀

火雲邪神我都有買,個人感覺都ok喎,福龍呢次只畫12期短編,希望佢可以好頭好尾喇

我其實覺得幾好,幾特別.....

最好得閒又出下東方無敵呀,風雷呀等等

引用:

原帖由 小小力 於 2007-7-6 14:38 發表


簡單D講,好買即係有讀者歡迎佢咁做法,...咁,我地又睇落去睇下<火雲邪神>好唔好賣就知喇!! 講真,我唔係行內人,火武賣得好唔好我真係唔知,...你點知架??我點樣可以知呀??

至於其他point,真係唔識 ...

每一次討論漫畫和電影問題,得番來都係得一個答案,我係一個普通既讀者,除左呢個擋箭牌外,我想之中還有很多討論空間的

你舉的例子都是大作,又怎會是垃圾呢,但平心而論,火雲邪神既質素,絕對唔會響呢幾本書之下
尤其是係絕世無雙,意念好,故事好,但係志文做唔到果一級既製作水準,(多數係時間同資源問題), 好多時所有既人物,後面都係無背景既...但不失為一套中上作品(個人意見)
陳某既作品,睇得出比左好多心機響橋段安排果度,但就算響呢版,何嘗不是聽到很多冷言冷語

我覺城巿獵人比較合適出單行本,如果一期三十頁咁睇,我覺得佢未必可以響香港巿場立足

入樽係上一代必睇既漫畫,香港畫青年熱血既比較少,不過有一個奇怪現象,好多成左名既日本畫家,都會放棄熱血既題材,聽說熱血漫畫既畫師,響日本會比人睇低一線既

日本畫家我最鐘意係安達充,佢果種分鏡,表達風格同埋幽默感,亦是無可代替的

而火雲邪神第一格從背脊拉拉鏈既插圖開始,已經表現出世界第一流既漫畫水準.火雲邪神由直升機跳下既透視角度...上半格火雲運功,下半格出每個角式大頭既彩圖氣勢做得好,連老邪神行出來個神態面相亦有留意...還有很多...都是香港漫畫少見的

懂得欣賞別人優點,比在雞蛋裡挑骨頭,不是好一點嗎.....

看到香港連福龍呢個級數既畫家,都會在專欄說...因為巿道而未能開書,真係有點唏噓......

引用:

原帖由 利記 於 2007-7-6 16:08 發表

我都買左

我覺得畫就真係好靚

但唔係咁鐘意個故事

好似又睇緊宜家龍虎門講緊既故事咁

咁我到底睇邊本先啱呀

我諗呢本野既故事,主要都係火雲邪神回憶錄來架喇

故事一路都係香港漫畫比較弱既一環,有個漫畫人講過,一個星期三十頁,每次結尾都要扮有高潮咁....其實好高難度

香港無乜可能好似日本漫畫咁,用幾期寫一些閑事...二期唔打...都足以比人小到媽媽聲.....

香港有冇差既漫畫作品.....多的是
而家既絕代雙驕...無論故事,畫功都係水準以下既...我諗作者連三成功力都無出
霸刀亦係同樣情況.....睇睇直頭奇怪....到底係咪馮志明自己起槁既呢

又好似李小龍咁,首都高速既主筆水準一定未夠,但係都睇得出,佢係有用心機去畫...
剩係呢樣...己經唔可以用垃圾來形容

兩本(龍虎&火雲)一齊睇,效果幾新鮮
龍少如果生性KEEP到十二期就好~

引用:

原帖由 kenny01 於 2007-7-7 01:31 發表


我諗呢本野既故事,主要都係火雲邪神回憶錄來架喇

故事一路都係香港漫畫比較弱既一環,有個漫畫人講過,一個星期三十頁,每次結尾都要扮有高潮咁....其實好高難度

香港無乜可能好似日本漫畫咁,用幾期寫 ...

故事一路都係香港漫畫(電影)既弱點

所以我宜家最鐘意睇邊荒係因為個作者多

o岩o岩睇完，不過出完post先見到呢條thread，真系唔好意思。

我都讚成而家"邊荒"故事系最好...

引用:

原帖由 利記 於 2007-7-6 16:08 發表

我都買左

我覺得畫就真係好靚

但唔係咁鐘意個故事

好似又睇緊宜家龍虎門講緊既故事咁

咁我到底睇邊本先啱呀

我睇完之後頭都暈埋, 講明係新龍前傳, 突然間又講通天百年大典??  

咁如果唔買"火雲邪神"既話, 淨睇新龍係咪會無左連貫性???  

又或者係咪要買哂兩本, 先至可以睇哂成個通天百年大典??  

引用:

原帖由 休谷客 於 2007-7-7 14:51 發表


我睇完之後頭都暈埋, 講明係新龍前傳, 突然間又講通天百年大典??  

咁如果唔買"火雲邪神"既話, 淨睇新龍係咪會無左連貫性???  

又或者係咪要買哂兩本, 先至可以睇哂成個 ...

我諗係...之前既智囊提供既......意見

好多人都覺得龍虎三皇越來越唔似主角,所以以三皇為主既橋段就放回龍虎門

而抄橋就好明顯來自火武,兩個故事, 一個世界...互動而生,又各自獨立
有好處亦有唔好處....

係「火雲邪神」裡面,所有人,包括老天尊,在邪神眼內,只是一群螞蟻,邪神一隻手指已可他們瘁死!
看看邪神能否把通天殺個「片甲不留」!

普通啦，不過不失。但對睇開龍虎門嘅我好唔慣。人物性格、語氣、甚至武功威力都格格不入…失望

引用:

原帖由 cdlover 於 2007-7-8 08:46 發表
普通啦，不過不失。但對睇開龍虎門嘅我好唔慣。人物性格、語氣、甚至武功威力都格格不入…失望

agreed!火雲充滿老黃情意結!
龍少擺脫不了他對老黃的情意結,他無法突破至另一境界!

希望越大失望也越大，又話封面齊晒人，夜枭白鷲去咗邊？
畫得烈陽神又唔畫天地人三長老，玄災劫難一樣。

我唔係反老黃，基本上我依家除殺道行者之外，就只睇老黃個幾本。但係話火雲邪神係頂班之作？真係當我地傻嘅咩。剩係囉翻今期龍虎門對比下都高下立見啦。不過作為龍虎門迷我都會買埋嘅，除非之後水準太差啦。

引用:

原帖由 dickylhl 於 2007-7-8 13:53 發表
希望越大失望也越大，又話封面齊晒人，夜枭白鷲去咗邊？
畫得烈陽神又唔畫天地人三長老，玄災劫難一樣。

玉郎之前講０左封面會有劍妖，最後都係冇出

大概限於題材，龍少的個人風格唔夠強烈。

專欄亦唔夠大聖王時咁攪野…

冇計，我買本書係因為龍少，NOT邪神

頂......班之作??

老黃只係諗到無o野好諗.....技窮表現!!

龍少我都好支持~~

但好明顯火雲唔係龍少真係鍾意畫...係老細要佢畫o者!!