第二日
珊瑚島 + SPA, 跟團逛菜欄
響酒店食完早餐就出發去珊瑚島
去到沙灘涉水行出海坐快艇
首先坐快艇到一個人工大浮台玩降落傘,350銖一個圈,
700銖買2送1加埋三個圈,中途可揀落水全濕或半濕身
玩完降落傘就坐快艇到珊瑚島,自由活動另可自費玩海底漫步1500銖,
香蕉船300銖一位,3個人先開船,最多坐5個人,重有水上電單車(唔記
得幾錢)我地淨係有玩降落傘,其他都冇玩,水清沙幼下遊水好爽神
遊左一陣水上岸訓響沙灘椅發覺隔離既沙灘椅全部俾一團韓國團包晒,
馬上去買個椰青,一面飲一面睇下靚女真係都幾寫意架
自由活動大概兩個鐘玩夠就到餐廳食飯,有蝦有蟹有魚,隻蟹最好食,好
新鮮,其他就一般喇
玩完珊瑚島就去一間酒店既側樓做SPA,團費己包一個鐘,加鐘要另加錢
房內環境幾柔和,按摩技師態度友善融和,笑容好親切
唔加鐘既做完可以自行附近行行一個鐘,等埋加鐘既圍友一齊去食晚餐
見到滿街都係"爽tell' (芭堤雅既專營的士,上車前要先講好價呀)
重要見到一架流動既 ATM 自動櫃員機車,都幾得意啊
做完SPA就上車去食晚飯,今餐去既係張大X酒樓,算係食得好D既一餐,
特別係個豬手真係做得幾入味,好肚餓淨係掛住食唔記得映相:loveliness:
食完飯就安排睇人妖 Show,唔睇秀既就自由活動兩個鐘行行商場,我
地兩人興趣不大,所以揀行商場我地就去行芭堤雅既 Big C 百貨商場
Big C 百貨係泰國本土資金攪既,一D都唔輸俾外資攪,做得有聲有色
商場內有 Live Band 即場演奏,為商場增添幾分優雅氣氛
個商場好大好靚,貨品齊全,有大牌子既鋪頭亦有好多小商店並存
有做緊減價既名店亦有小商店,大多係賣小擺設或小飾物
有男仕專賣店,有恤衫訂造,行到累或者睇返場戲都得,閒日只係一百銖
(大多都有泰語或英語揀,買票前要睇清楚)
當然亦有女仕專門店,女伴就買左個W字頭既 Bra 480 Bht,另外重會搵
到好多香港品牌既連鎖店,不過就算做緊六折計返匯價都平唔過香港
肚餓可以去食下野飲返杯,你會見到好多人拎住雪糕一面食一面行鋪
頭,真係好隨意都得,行得悶悶地亦可以打返鋪機都重得
遊戲機都有好幾種,夾公仔就見得多,夾手錶都有,10 Bht 就有得玩喇
個商場真係包羅萬有,見重有時間剩就走出商場再行遠D,想行去 Night
Market 睇睇,途經一間保齡球場都幾大幾靚,分時段70/80/90 銖一局
過左保齡球場再行五分鐘終於搵到 Night Market,主要都係一D小攤檔
擺賣小飾物或T-Shirt 披肩之類,地方好細似香港廟街,好快就行完
行完 Night Market 小攤檔旁邊發現有另一個人妖歌舞團
呢個人妖歌舞團似乎比旅行社帶去既更大型更具氣派,不過係唱英語歌
舞既,睇既大部份都係洋人,連小費連有規定
見到時間差唔多兩個鐘就行返去集合地,等埋睇 Show 既團友坐車走,
有團友想去食翅叫導遊帶路,導遊帶我地去食套餐,好旺差唔多爆滿,
揀左 800 銖兩人餐有一窩翅同兩個椰青燕窩,幾好食都 OK 既
可能香港電視節目真係好受歡迎,食完翅,導遊居然帶我地逛菜欄,介紹
左好多菜我地認識,有泰國既水種通菜(同中國種唔同,較黑較粗)
重有泰國至搵到既 ▼百姑菜 與及 臭豆▼
有幾種唔記得喇,重見到芒果糯米飯 50 銖一個,行完街巿就返酒店訓
