|
超高級用戶組
 
- 帖子
- 266
- 積分
- 1644
- 金錢
- 541
- 性別
- 男
- 註冊時間
- 2007-6-3
|
1#
大 中
小 發表於 2007-7-21 13:10 只看該作者
．天 地 豪 情．
各位好 
我係甘量宏 , 大家可以叫我細 B 都得 。 
反覆思量 , 決定開一個自己既 " 地盤 " , 談天說地 東南西北 上天下海
無所不談 。
首先介紹下自己先啦 , 我係一個香港人 , 普通到一街都係果 d ; 唔靚仔 , 唔醜樣 , 正常四正 眼耳口鼻頭髮齊晒 , 聽到 講到 睇到 寫到 , 托賴啦 ! 多謝媽咪
年紀 ? 今年剛好三十 , 男人係冇年齡既秘密既 , 比你地知都冇所謂 。有冇老婆 ? 有 , 一個囉 , 哈哈 。同佢結左婚年幾啦 , 非常幸福 同幸運 , 因為佢實在太愛太錫我喇 
平日鐘意 做咩 ? 晌屋企就睇下書啦 , 咩類型 .... 好多架喎 , 公仔書呀 , 漫畫呀 , 足球雜誌 , 各類既小說 , 甚至 cosmo 我都睇既 ; 咸書 ? 讀書年代就有睇 , 人大左 , 冇睇喇 哈哈。不過我個人睇書得黎 , 又唔係幾想用腦思考 , 一 d 太深既書唔 o岩 我 , 吳漢源先生既作品係我既心頭好 , 喂喂喂 , 唔好對號入座丫 , 我唔係話吳生先既作品無深度 , 只係簡單 , 易明又有代入感咋 ; 邊位係吳漢源 ? 自己去書店搵答案啦 , 哈哈。
咁唔只睇書既 , 我都打機架 , wii 既保齡啦, ps 2 既 winning , 捉馬騮 , GTA系列 , DMC 等等我都愛玩 ; nds 呢就玩孖寶兄弟 d game 多囉 , 應援團 同埋 超執刀 有時都會玩下 , 不過好難玩呢 
另外既一大嗜好就係足球 , 踢同埋睇都鐘意 ! 賭 ? sorry , 我係球迷 , 唔係賭徒 ! 同好多人一樣 , 我愛隊係曼聯 , 最欣賞既球員係簡東拿 。
仲有一樣野我亦係好鐘意既, 就係煮下野食 , 我唔係好鐘意食 , 但係就好鐘意煮野食 ( 係咪好矛盾呢, 哈哈  ) , 叫做見得人 , 拜得神 , 食唔得死人囉 , 呵呵 。
當然 , 音樂同電影我諗無咩人唔鐘意 , 我亦一樣。偶像 ? 有兩個 , 郭富城同埋 candy 盧巧音。
至於電影 , 外國既我鐘意睇 tom hanks 既電影 , 佢既飛越童真 同埋 緣份的天空係我最愛。太陽神十三號 , 阿甘正傳 , 雷霆救兵等等當然同樣精彩 , 不可不提。
本地既電影 , 個人覺得都係舊既好似好睇 d , 暗戰同埋 安娜瑪德蓮娜 係兩套我百看不厭既電影 。最鐘意既演員丫 ? 不如話我比較欣賞劉青雲 , 智叔廖啓智 同埋 秦沛大哥呢幾位啦 , 佢地做戲真係好好睇。而家多左一個 -- 陳奕迅 ! 佢做既戲的確唔錯 , 十二夜既演出非常精彩 , 當然林愛華既編導居功至偉 ; 但其後既常在我心 , 賤精先生, 愛．作戰 同 神經俠侶 亦都係不俗既電影 , 陳奕迅等緊既 , 應該係一套代表作。
我知我長氣 , 又或者大家都冇咁好心機去睇以上既肺話 , 唔要緊 ha ha ; 歡迎大家多 d 入黎我呢個小天地 , 傾心事講政治 ,探索人生意義 @@
相關搜索目錄: 雜誌 小說
家咩姐啫 , 我姓甘架嘛 !
|
