溝通--

大家好。多多指教。

今日上o黎checko下自己留低o既標題有冇人回應，結果有63個朋友睇過，不過零回應。可能冷門，又可能唔o岩哩度朋友o既口味。

之後開始surf，因為好少有時間上o黎。一般上親網都係同工作或學業有關。哩度好多標題，好難睇得哂，所以我就揀o左D自己有興趣o既o黎睇。

今日發現哩度好多朋友都經常留言，有好多仲同大家好熟悉，應該已經識o左好耐。其實論壇好多時真係令人與人之間多o左溝通。不過另一方面，唔知係唔係我o地自覺咁保護自己，所以選擇網上溝通多於面對面溝通呢？

面對面講o野時間性快好多，不過出錯機會高；網上溝通慢D，不過可以諗過度過先post。前者好多時只留有記憶，而我估好多時會記錯；後者留有證據，寫o既人難D番轉頭。

我寫o野唔叻，不過我都鐘意同朋友用寫o既o黎溝通，因為我好鐘意拎朋友D舊信出o黎睇。另一方面，我好懶講o野，加上除o左工作時，好少遺背良心講大話，所以有時朋友迫我讚佢o地，我會覺得好慘。如果係用寫o既溝通，可以扮收唔倒或唔記得覆。

因工失眠--

兩點左右醒o左，`典'o黎`典'去都訓唔番。

諗o下自己諗緊乜所以訓唔番，原來一腦子都係今日o既工作。跟住諗o下不如諗
o下有咩可以distract自己，諗o下周末做乜、睇咩戲好等等，不過唔到三分鐘，又諗番工作上o既o野。

自從三月開始做哩個position之後就壓力大o左，因為日日都有新o既o野比你去解決。解決方法唔完美，除o左上層同下屬o既壓力，仲要同政府機關交代。依家就諗緊`Snowy' o既問題。

Snowy係一隻街貓。三個tenanto既其中一個成日餵佢，所以佢一想食o野就
o向屋外面`瞄瞄'聲。其實都冇所謂，但係夜晚當個tenant食o左藥，佢就訓到一隻死豬咁又聽唔倒D`瞄'聲，而D聲就經常嘈醒另外兩個tenant同個做overnight shifto既staff。

我o地試過：
1. 勸佢唔好餵--不過唔聽；
2. 趕Snowy走--不過個tenant一叫佢佢就番o黎，好醒；
3. 希望有人收養--不過未有人要。call動物協會又話好快會人道毀滅佢，因為佢o地都有好多貓。

我依家諗住叫個staff叫醒個tenant去攪番掂Snowy，不過連帶會叫醒埋另外兩個tenant，好唔fair。而我o地個機構又唔忍心就咁趕哩個tenant走，怕會映響佢個病。

哩度有冇人可以suggest倒解決方法呀？

哇，差唔多四點，希望依家上床訓得番。多謝。

歡迎響貓blog開thread

人對動物的感情是很真緻的
愛貓愛狗....有些時候比愛人更好

所以那心情,我是能睇會到的..

引用:

原帖由 morningowl 於 2007-8-21 01:43 發表
因工失眠--

兩點左右醒o左，`典'o黎`典'去都訓唔番。

諗o下自己諗緊乜所以訓唔番，原來一腦子都係今日o既工作。跟住諗o下不如諗
o下有咩可以distract自己，諗o下周末做乜、睇咩戲好等等，不過唔到三分鐘， ...

搵幾個自由行去參觀, 跟住講一隻會生金條o既貓的傳說.

包保唔駛三日, 咩貓都唔見曬, 包括醉貓同熊貓

猫 一 般 要 訓 十 六 小 時,
如 果 可 以 早 上 接 觸 佢,
你 唔 好 俾 佢 訓.
改 早 上 餵 佢 啦.

你o地又幾鬼好心喎，諗o下幫我解決問題之餘又咁care隻貓。我唔識用D特別字體等等fuction，所以Dpost會bald D。

Kenny01--多謝。不過我可能停o下post0下，唔好見怪。一切隨心。

細摩--多謝。你都幾好笑，而且個方法一定見效。可惜暫時要用你o既建議我有心無力，到我唔做時就會print哂你D suggestion出o黎一次過攪掂哂佢。

WURTH--多謝。不過Snowy來無影去無蹤，我估佢唔倒。

點解冇人健議o下點解決失眠？

恐怖場面--

今日番一點，所以可以寫o下o野。

沉晚一覺訓到天光，連有冇發夢都唔記得，唔錯。

前兩日睇o左`Pan's Labyrinth'。一路睇就一路唔知自己會唔會當晚發惡夢，因為有D場面都幾核突。

我好鐘意睇戲，但唔同以前乜都睇，依家少0左睇戰爭片同恐怖片。原因係隨住化妝，道具同視覺效果0既進步，好多場面都好震撼。

場面多到數唔哂，包括：天災、橫禍；用工具0黎虐待、虐殺、斷肢、玩七孔、毀容；用武器製造突然同快速死亡；利用豐富想像力製造0既妖魔、鬼怪等等。而受害人無分男女、年齡、身型、職業同種族，真真正正anti-discriminate，等你可以想像倒哩D場面有可能發生o向你身上。

我睇親都要一段時間先淡化倒D記憶，因為睇親都好投入，所以依家睇少好多。`Pan's Labyrinth'之前係`Blood Diamond'，唔係隔0左好耐，依家要睇番多D鬧劇0黎平衡番先得。

有冇D冇formula0既comedy介紹一0下？

多謝關照。

引用:

原帖由 morningowl 於 2007-8-22 07:56 發表
恐怖場面--

今日番一點，所以可以寫o下o野。

沉晚一覺訓到天光，連有冇發夢都唔記得，唔錯。

前兩日睇o左`Pan's Labyrinth'。一路睇就一路唔知自己會唔會當晚發惡夢，因為有D場面都幾核突。

我好鐘意 ...

simpson!!!!

引用:

原帖由 細摩 於 2007-8-22 12:48 發表


simpson!!!!

­剛落o左畫，應該唔錯。

o向library借o左`少年阿虎'o黎睇，我睇o左唔夠十五分鐘就頂唔順。初時借以為有得睇打交。

好難做--

沉日繼續勸個tanent唔好餵貓，而且個情況已經持續o左兩個月，映響倒其他tenanto既訓覺時間。我同佢講如果佢再唔停，我唯有要佢搬。

佢阿媽跟住打比我，話佢個女夜晚去洗手間有聲我就趕佢走係唔適當。然後我要解釋我其實同佢個女講o左D乜，而唔係佢所聽o既故仔。三十分鐘o既對話後，佢阿媽同我道歉。

今日個tenant0既家姐打比政府機關，同佢0地講同一個`去洗手間發聲'0既故仔，然後政府機關打比我向我`顯示關注'。跟住我又要解釋二十分鐘加多禮拜一要寫一份報告`詳盡顯示有關情況'。

我都知個tenant本身好困難，有病又冇愛人、冇兒女。家人又對佢冇信心，成日想搵機構`睇'住佢，攪到佢自己都對自己冇信心。

有時我都唔知自己有冇入錯行，放錯個心落份工度。如果我入另一行唔洗我用`heart'0既，錢又多D，又冇咁傷心。