打印

2007/08年博友比賽容易玩規條,報名區

HJ2127_ATR1

紅巴

moderator

Rank: 8 Rank: 8

帖子: 42283
積分: 1000560
金錢: 228975
性別: 男
註冊時間: 2001-11-20

Medal No.9 Medal No.10

1^# 大中小發表於 2007-8-31 10:27 只看該作者

[隱藏廣告]

2007/08年博友比賽容易玩規條,報名區

引言：

在呢個論壇都差唔多玩左博友賽馬比賽 5 季賽事，一季比一季多會員參加，發覺到大家有一個良性競爭，而且參考價值越來越高，今季希望大家都一齊嬴多ｄ馬會錢。

目的：

(1) 讓各位人士有多一個參考價值，齊齊羸馬會錢。
(2) 可以考考大家眼光，又有多一種遊戲玩。
(3) 希望大家養成有一個體育精神，永不放棄，無論得分有幾多，一季玩到底。

簡單規條：

(A) 博友賽馬比賽容易玩

(1) 所有馬會接受投注場次，賽期係 2007 年 9 月 9 日至到 2008 年 7 月 1 日。
(2) 每次賽事前 2-3 日，主持人會貼出馬會排位在排位區兼會有更新退出及後補馬，方便大家參考，亦都歡迎各博友及會員幫手更新。
(3) 每次賽事計算，大家鬥足一馬季：全部跟足馬會賽馬彩池玩法，過關最多 6 關 6x63。
(4) 每次賽事會有 1,000 分買，買淨分數不可以累積下一次賽事買。
(5) 每次賽事自由買，請寫清楚場次，馬名，方便計分員，缺席唔會扣分。
(6) 每次得分會扣除本金，所以如果係冇分收，係會有負數出現。
(7) 每次排名會跟賽後累積結餘排先後，到最後一次賽事完畢，邊位博友排第一就係博友冠軍。
(8) 加注問題：如博友上回自己積分係正數，歡迎加注，金額冇限，同埋如果發現超額投注，如買單項就會被更改到最多可以投注金額，多項投注，就會按先後投注，再計唔掂，主持人有權取消是次參賽資格。
(9) 每次只可以貼在同一帖子內，第 1 場開跑前是可以編輯，第 1 場開跑後係唔可以編輯，方便計分員。
(10) 每次賽事截止時間係每場開跑前 3 分鐘，但主持人係建議盡量第 1 場開跑前貼文，方便所有博友參考。
(11) 每次賽事後，主持人會在下一次賽前盡快更新積分表。
(12) 每月一小結，一季一大結，有時間就再做每月分析表之類，讚下高分人事，踩下低分人事，希望大家唔好介意。

(13) 2007/08 年馬季賽馬期間，歡迎各會員中途加入，但要到報名區報名先。

(14) 主持人有權隨時截止報名，原因係太多人，計分計唔切，又有權取消博友參賽資格，原因係多次冇參賽，或多次犯規張貼。以上希望唔會發生啦。

(15) 報名時，請自選一個 3 位數字幸運號碼，同埋名字稱呼，如冇提供，主持人就會用番報名時見到你地既網名，幸運號碼一欄就會留空。
(例如：網友 HJ2127_ATR1 報名時可以叫金巴，幸運號碼係 127)
(16) 如有錯漏，規條會隨時修正。
(17) 所有爭論，最終會由主持人作最後決定。

(B) & (C) 係附加遊戲，一季開一題，如大家有心水或死狗可以提供，主持人會在賽後做番個小小統計。

(B) 博友賽馬每日一心水
(1) 參賽者只需在報名區報名一次就可以自動參加呢個比賽。
(2) 如果大家有心水，每日只可揀一隻心水馬，跑入前三名，得分會跟馬會獨羸及位置比分，主持人會紀錄住每次 W, P, 及上名率排先後。
(3) 呢個題係要有心水馬先會貼文，所以唔一定要次次參賽。

(C) 博友賽馬每日一死狗
(1) 參賽者只需在報名區報名一次就可以自動參加呢個比賽。
(2) 死狗馬定義係不入三甲的熱門馬。
(3) 暫時規定死狗馬係大次三熱門或係 5 倍以下，有需要時再更新。
(4) 呢個題係要有心水死狗馬先會貼文，所以唔一定要次次參賽。

(D) 子論壇：賽馬基金龍虎榜
(1) 各博友會員自由貼文參賽，金額大小，參賽次數全部由各博友話事。
(2) 真金白銀無任歡迎。
(3) 主持人每月一小結每季一大總結。
(4) 賽馬基金龍虎榜會每月及每季賺蝕排先後。
(5) 每月冠軍者會下個月頂置及亮橙一個月，方便其他人事參考。
(6) 最好各基金經理自行報最新基金價格，方便計分員。

[ 本帖最後由 HJ2127_ATR1 於 2007-9-6 17:17 編輯 ]

相關搜索目錄: 賽馬