唔好意思，忙咗几日，現在續談
其實呢5年呢，我差不多每星期起碼有1至2次去club，有時因公因私一个星期有4晚响club食晚飯，已經開始麻木，但係都仲係心思思成日去，好似上咗癮咁。
睇住Xavior兄嘅故事，自己亦感同身受。
不如講吓点解以前高質女会多過而家咁多。其實大家知唔知北女揾錢條數點計？我解譯俾你聽：東北妹嚟澳門十之有九都係有agent帶，即係雞頭。呢班仆街多數係東北仔，佢哋响東北溝咗D女之後帶過嚟，或者有D女係自己揾雞頭都有。D女嚟到，衣食住行全部要自己俾，最仆街係要歸底。歸底意思係由你第一個客開始俾錢雞頭，今時今日市價係十萬。即係話條女嚟到揾錢要交＋万agent fee，條女唔洗一開始俾直到交夠十万先有錢落自己袋，佢可以慢慢俾，3个月又得，半年又得，总之最少要歸底，如果唔係條女都唔洗旨意走。仲有，過時過節又要送嘢俾D仆街，總之班仆街就係正宗吸血鬼。
你或者会問點解D女咁蠢，自己做个體戶好過啦。大部份第一次出嚟做嘅女其實都未去過其他地方，仲話要去到澳門咁遠，班仆街實話会睇住你，包你冇事，所以要靠呢班仆街帶路。仲有，上面講嘅係唔包括用假証，如果agent幫你出埋假証的話，條數仲有排計。
你或者会問，D女每个短鐘 1,000大洋 (不過而家1,100，model 1,300) ，每晚唔好多，一短一長，或者兩个短鐘，一个月返20日工都有成起碼4皮嘢落袋啦。
咁你就錯晒啦！D女上房短鐘收你 1,000大洋，其實要交400大洋返公司。仲有，如果旺鐘的話，仲要醒D媽咪，因為每條女上房其實D媽咪先分得80大元。仲有，D女每日返工set 頭、化裝，最少100大元，仲有而家个个月轉promotion，又要買制服。你估D制服公司俾㗎，係D女自己俾錢買㗎，承惠600-800大洋一套。你話如果條女嗰晚只有一个短鐘，七除八扣之後有几多？最多500大洋！
如果有時坐着枱客，坐咗兩三个鈡後話唔去马，大部份媽咪都会問你俾D小費條女，呢样我絕對同意。响澳門夜總會玩同香港好唔同，因為澳門夜總會玩套票，條女坐响你間房之後一定時間內其實係冇其他所謂鐘錢收費，但係如果套票夠鐘你都唔去馬，條女係一蚊都冇得落袋，仲要蝕埋時間俾你。你諗吓，如果條女6點返工，坐1枱3个鈡冇上房，到9點多10點再坐一枱3个鈡冇上房，已經成1點，你話仲有幾多客？全日食白果，仲要蝕埋set頭、化妝，同埋飲到嘔！
另外，大部份女都係揸中国護照，佢地每14日都要出一次珠海，兩次14日之後再入嚟只可留7日，跟住要飞。可以飞越南、柬埔寨、泰國，而家大部份都飞泰国，因為平。即係每35日要飞一次，呢樣又係錢！
所以，下次D女或者媽咪問你攞小費時，如果D女服務好咪俾多少囉，但係如果態度差的話，我都唔会俾！
當你明白咗D女嘅揾錢方程式之後，你就会明白其D女揾錢都唔係易。你可能会話客多咪得囉！冇錯，客多咪得囉，但而家其實少咗好多客，好多人都去咗大陸玩。如果你有去過上海、北京、深圳等夜總會玩，你就会明白其實而家好多女寧願留响大陸做都唔想嚟澳門。
呢個其實係雞同雞旦嘅問題。正如舊年迷城開張嗰時都几多高質女，我都有每个星期去吓，但个地方真係太遠，又少生客，人客少，D女都唔願留，好快轉場，人客去到見咁少女，自然冇下次。此消彼長之下，人客同女都少，如果唔係佢點解攪咁多promotion？
到呢度你應該明白D未？唔好問我點解知咁多嘢，我唔係幫D女講說話，我亦唔係响夜總會度做，只係蒲得多，朋友多，夜總會嘅女朋友仲多咁解!
