點解入場睇[魔術男]? 最主要係想睇黃修平既導演vision...因為低沈既電影圈,係要有大量有才華既人先可以起死回生.同時我亦佩服曾志偉同winnie tsang依然投資這類賺唔到錢既戲,無論投資多少起碼給了新人一個機會.

最初我仲以為這戲會似陳果同劉國昌一路既寫實+年青男女電影.點知睇完先知道原來導演選擇另一個方法去講佢既兩男一女.
講穿了其實本戲既世界係一個比較夢幻同純真,男女既拍拖感情事,沒有肉體交流, 拖拖手已經係拍拖同現代年青人真係兩回事.
故事方面係楊淇同一時間喜歡了兩個玩魔術既年青人故事,一個年青人係片中主角張曉豐,佢係新人仲係近期玩魔術既Henry哥哥既入室弟子,所以片中大量魔都係真人表演.而徐天佑就係大配角, 佢都好努力表演魔術不過...
講番部戲,劇本方面算合格起碼我都冇搵周公,最尾時都有幾下精句...真係同[有錢]導演既戲比....唉
演員方面,天佑就ok啦,木木獨獨...張曉豐就比想像中好,我起碼唔反感...至於楊淇...真心講佢演技係ok,我本人覺得佢唔夠靚for呢部戲, 亦因為呢個三角故事既開始係兩個男仔對女孩乳溝既迷戀, 但係楊小姐既身材,真係....

睇完之後,我自已就諗左唔少野...因為散場時睇片尾credit發現有唔少新名字,同大量apa同ive學生參與呢件事,希望呢班人日後可以同圈中轉血. 同時我亦希望本片可以唔使蝕本, 因為起碼可以再比機會其他人...同時亦想起廿年前既[戀愛季節]...

如風住事...住事如風...如果有意支持香港電影,就應該入場支持下...

[ 本帖最後由 runaway 於 2007-11-23 04:36 編輯 ]

睇左~~ok既
60分~~有的悶~

咁好唔好睇牙?
...........