[原創] 睇咗[Across the Universe](戀愛心曲)dvd

當初點解要睇呢部戲,當然唔係因為個導演Julie Taymor之前拍了部[frida](筆姬別戀)(雖然都幾鐘意部戲),最主要係因為知道有33隻Beatles既歌伴住部戲既內容, 身為Beatles歌迷點可以唔睇.

先講故事,背景係60年代既美國, 一個英國仔叫Jude去美國搵佢老豆,結果識了兩兄妹Max同Lucy, 之後佢地3個人去了紐約生活,之後佢地經歷了美國既大事, 韓戰完結, 黑人民運, 越戰….之後3個人離離合合十幾年之後,由一首[All You Need Is Love]完了部戲. 睇完之後對部戲都幾有好感, 成套戲兩個幾鐘箇中小支節唔少, 不過平實之中都幾動人. 戲種方面唔算係歌舞片, 應該當係音樂電影, 因為大型舞蹈場面唔多, 但歌就唔少. 而33隻Beatles由他人代唱, 不過落位非常有心思. 其實一睇人名就已經估到有得聽[hey, Jude]同[Lucy in the sky], 自己在家中睇碟, 邊睇邊唱都好有feel. 其他野…美術同攝影因為有錢所以搞到好靚, 特別係男主角high了之後既世界搞得好迷幻. 演員方面, 因為要唱要跳舞, 香港熟口面既名演員就冇,除了……….杜麗莎個女(個名叫T.V. Carpio), 在戲出演出一個小角色, 不過佢都有唔錯既發揮….

總括部戲情懷十足,歌又好聽…不過如果閣下年紀太少可能樂趣比較少, 我估起碼30中尾歲又熟識beatles既歌就非常very good呢部戲…..