本人中七畢業後，在私人公司做了五年文員，後因犯傷人罪被判感化一年，留案底，兼被公司革職。

之後本人嘗試應徵政府工，看看是否有案底的人真的不能入政府做。本人在半年間，在政府各部門面試近二十次，當中已無紀律部隊部門、司法部門，只有食環署、康樂及文化事務署、教育署、選舉事務處、民政事務署、學生資助辦事署、漁農處、機電工程署、衛生署等等，且無論是一年合約的月薪長工，三至半年的短期月薪合約，甚至時薪，都去應徵，但結果全部落選。

本人中七畢業，成績2A3O，操流利廣東話及英語，略懂普通話，中文打字30wpm，英文打字40wpm，精通Word,Excel,PowerPoint，每次interview都對答如流，表現良好，但都考不入政府，可見一個原因，政府不請有案底的人。

雖然政府口口聲聲做宣傳助更生，支持更生，但根本講一套做一套，因此在此勸籲有案底的人不要投考政府工，免浪費你的見工時間及車錢。況且香港除了政府工，還有很多工作，各位有案底的人努力吧！

正苦做得好
鬼叫你有案底牙

政府工, 架構複雜, 毫無伸展機會

我私人市場近兩年都有4-6個月花紅
自問有實力, 使乜要鐵飯碗?

無得好埋怨架喎，有好多野無得番轉頭。

曾德X一樣有案底。

算了吧．．．事實已經改變不到，香港又唔係得政府工，
仲有好多工作可以做的，可能仲有更大的發展呢．．．

算把啦！！！！！！！！！！！！！！！！！！

有案底既人唔係罪過，只要自新既心無變，東家唔打（無得打）咪打西家羅！
況且，我們偉大的「特區政府」宣傳「助更生」係叫私人老板請哂更生人士咪得羅，自已最好唔好上身就得啦，可見這個政府誠信認真…

案底乜有分普通同唔普通架?? OL9

我一路都唔信政府所謂的洗底計劃，雖然我唔係黑社會，但係我一個外人都分柝到，你係黑社會，走去報比政府聽，佢就算口頭上話洗底啫，你估佢冇記錄咩，咪一樣全政府各部門通消息！最後咪一樣唔洗到底，當你要移民，外國一查香港政府，咪一樣通哂天！最後洗底咪即係露底！
問心果句，作為顧主，梗係要請個穩穩陣陣的人做員工啦！你有過案底，唔洗講請你的機會一定細好多，更不用說政府佢有齊你資料，邊有可能請你丫！
我從不信政府呢一套，從理性分柝一吓都知，佢只係一些門面工夫啫！
所以我好主張，做人唔好行差蹅錯，一行錯路，要走回頭路，你要比人花更多氣力，浪費青春，試問一個人又有多少青春可以花呢！？
但係咁，你如果要得回社會認同，你要咬梗牙關，涯一輪，社會見你有成績，自然會接受返你！千祈唔好放棄，你的努力只係為了追返你做錯的事，你要比人付出比其他人更多，都係合情合理，天底下沒有白吃的午餐！
仲有千祈咪再行錯路！