[檔案] 睇咗[夜行悍探]Street Kings

入場主要是因為明星效應, 又點可以怪我? 如果一部戲有奇洛李維斯, 科力士韋德加, 基斯伊雲斯(神奇4俠既噴火人),同Hugh Laurie( 流氓醫生既Dr. House), 加埋 TRAINING DAYS既編劇第2次執導. 如此牌面陣容,又點可以唔入場睇?

Well, 戲就睇完喇, 至於部戲好唔好睇? 一時之間好難講清楚, 我祇能話如果呢部係港產片就完全收貸仲算幾好睇tim…不過在外語外既世界中,[夜行]就好似少咗一d新意. 故事方面係講奇洛係一個半邪不壞既警察, 成日自己私底下去對付d罪犯. 總之就係辣手神探加地下判官, 結果有一日東窗事發, 身邊既差佬朋友唔知邊個係好人邊個係壞人….點呀,聽落係唔係有少少似以前果d比較好既港產警匪片. 呢,有震宇,秋生,同李修賢之類個種. 可惜呢部係一部美國七大片廠既20世紀霍士出品, 所以睇戲既門檻亦應該比較高, 用西片既立場去睇, 本片絕對比唔上[非常嫌疑犯],[training days]之類既經典, 不過又唔算係爛片, 起碼故事有起伏, 動作場面節奏明快, 不過係收唔到個尾…以今時今日既水平,入場睇都係ok.