局長邀功急就章 防疫中心豆腐渣
局長邀功急就章 防疫中心豆腐渣
27/05/2008
風 水 輪 流 轉 ， 一 都 唔 假 。 以 前 港 人 話 內 地 人 係 「 阿 燦 」 ， 家 陣 港 人 已 淪 為 「 港 燦 」 ； 以 前 港 人 嘲 笑 內 地 工 程 質 量 差 ， 係 豆 腐 渣 ， 點 不 知 又 被 內 地 同 胞 笑 番 轉 頭 ： 你 香 港 咪 一 樣 有 好 多 豆 腐 渣 工 程 ， 大 家 彼 此 彼 此 。
人 必 自 侮 而 後 人 侮 之 ， 自 己 唔 爭 氣 ， 怨 得 邊 個 ！ 問 題 百 出 昂 坪 ３ ６ ０ 唔 使 講 ， 本 港 首 家 傳 染 病 中 心 又 被 踢 爆 係 一 個 十 足 十 豆 腐 渣 工 程 。 該 中 心 舊 年 年 中 先 開 幕 ， 未 足 一 年 ， 已 經 霉 爛 到 甩 皮 甩 骨 ， 病 房 牆 身 同 浴 室 企 缸 爆 出 裂 縫 ， 走 廊 洗 手 盆 脫 落 ， 自 動 門 變 成 手 動 門 。 唉 ， 真 係 冇 眼 睇 囉 ， 成 個 中 心 十 七 層 ， 一 百 零 八 張 病 床 ， 僅 得 半 個 中 心 共 五 十 六 張 病 床 可 堪 使 用 ！
呢 個 傳 染 病 中 心 來 之 不 易 ， 當 年 沙 士 一 役 奪 走 近 三 百 條 人 命 ， 換 來 血 訓 ， 當 局 斥 資 五 億 三 千 八 百 萬 元 瑪 嘉 烈 醫 院 建 造 呢 個 傳 染 病 中 心 。 點 解 要 使 咁 多 錢 呢 ？ 當 局 解 釋 ， 因 為 成 棟 大 樓 係 密 封 式 最 高 規 格 設 計 ， 避 免 室 內 污 染 空 氣 流 到 清 潔 區 ， 保 障 市 民 健 康 ， 淨 係 空 調 系 統 造 價 就 達 八 千 七 百 多 萬 元 。 鬼 咩 ， 呢 座 中 心 「 甩 漏 」 處 處 ， 病 毒 要 傳 播 出 去 話 咁 易 啦 ， 萬 一 再 有 大 型 疫 症 爆 發 ， 沙 士 一 幕 又 將 重 演 ！
建 築 署 承 認 ， 中 心 進 行 緊 復 修 工 程 ， 但 就 推 莊 畀 瑪 嘉 烈 醫 院 ， 話 中 心 轉 移 畀 醫 院 後 ， 該 署 冇 接 獲 運 作 上 有 問 題 報 告 。 喂 ！ 建 築 署 負 有 監 督 之 責 ， 工 程 質 量 出 問 題 ， 班 庸 官 係 盲 咩 ？ 當 時 點 收 貨 ？ 係 真 唔 知 定 係 扮 唔 知 呀 ？
建 築 署 識 卸 膊 ， 醫 院 亦 係 姓 賴 。 院 方 發 言 人 話 ， 中 心 建 造 工 程 同 跟 進 事 宜 ， 係 由 建 築 署 同 承 建 商 直 接 聯 絡 ， 企 圖 將 個 波 踢 番 畀 建 築 署 。 狗 咬 狗 一 嘴 毛 ， 個 個 置 身 事 外 ， 好 似 問 題 同 自 己 無 關 咁 ， 但 係 病 人 安 危 就 置 之 不 理 。
之 不 過 ， 要 講 到 罪 魁 禍 首 ， 梗 係 非 醫 管 局 莫 屬 。 呢 個 中 心 係 由 醫 管 局 申 請 立 項 建 造 ， 醫 管 局 對 工 程 不 監 不 管 ， 但 係 又 好 大 喜 功 。 當 年 中 心 奠 基 ， 食 物 及 生 局 局 長 周 一 嶽 邀 請 生 部 長 高 強 觀 禮 ， 舊 年 中 心 開 幕 ， 周 一 嶽 又 邀 請 高 強 作 嘉 賓 ， 換 來 高 強 幾 句 讚 美 ， 話 中 心 條 件 優 良 ， 適 逢 回 歸 十 周 年 啟 用 ， 意 義 尤 為 重 大 。 一 語 洩 露 天 機 ， 原 來 醫 管 局 建 造 呢 個 中 心 ， 唔 係 為 防 範 傳 染 病 ， 而 係 搞 政 績 工 程 ， 向 中 央 邀 功 請 賞 ！
唔 怪 之 得 工 程 趕 得 咁 快 啦 ， 知 情 人 士 話 ， 懷 疑 有 人 急 於 完 工 ， 朝 早 落 石 屎 ， 下 晝 鋪 人 造 石 ， 牆 身 內 水 分 未 乾 就 被 人 造 石 覆 蓋 ， 由 於 未 乾 透 ， 日 積 月 累 下 逼 爆 牆 面 出 現 裂 縫 。 真 相 大 白 ， 原 來 係 醫 管 局 政 治 掛 帥 ， 急 於 求 成 ， 中 心 根 本 未 能 開 幕 情 況 下 夾 硬 開 幕 ， 卒 之 搞 到 漏 洞 百 出 ！
傳 染 病 專 家 、 沙 士 康 復 者 異 口 同 聲 ， 狠 批 醫 管 局 無 王 管 ， 好 多 醫 院 工 程 貨 不 對 辦 ， 浪 費 納 稅 人 金 錢 。 呢 ， 連 審 計 署 都 睇 唔 過 眼 ， 決 定 開 設 檔 案 檢 討 興 建 中 心 進 展 ， 睇 呢 次 周 一 嶽 走 唔 甩 ， 就 快 變 成 周 身 蟻 咯 。
一 句 講 晒 ， 公 立 醫 院 醫 療 事 故 不 斷 ， 建 個 傳 染 病 中 心 又 係 豆 腐 渣 ， 周 一 嶽 咁 無 能 無 德 ， 仲 有 何 面 目 賴 死 唔 走 呀 ？ 早 收 檔 讓 賢 啦 ！
