我婆婆同舅父一家仲住喺橫頭磡，我媽咪都係喺徒置區長大，所以我咪經常聽番好多佢以前細個啲嘢囉，同埋可以食番好多橫頭磡啲街邊小食(係媽咪整)。
我好開心揾倒哩板網頁，我仲專登嗌埋媽咪一齊黎分享，真係令我更清楚了解以前橫頭磡嘅生活係點樣，睇倒咁多咁真貴嘅圖片，我哋真係好雀躍呀！我見倒我媽咪仲感動到......算啦！總之，佢哩幾日就猛咁喺度睇完又睇啲回憶錄啦，又過隔離Uwants.......
我媽咪好得意架！哈~哈~哈~！我覺得佢係廚神嘞，佢得閒就好仲意喺屋企整埋啲古怪嘢食，但就真係超好味喎！依家睇番各位長輩啲帖子，原來哩啲食物係咁經典！例如粉仔、艇仔粥(海皇粥同我媽咪冇得fight)、豉油麵、咖喱魚蛋、碗仔翅佢都整過，有啲依家街上都有食，不過都唔及我媽咪煮得咁好味。
大家請不要懷疑我吹牛喔！我依家終於明白，我媽咪其實係想透過食物回味一吓昔日啫，阿Maryki2010都係其中一位呢 ！

[ 本帖最後由 乖乖大口仔 於 2010-10-31 13:48 編輯 ]

吾知豉油麵兄當年住五樓那一邊呢？

引用:

原帖由 lamlamchem 於 2010-10-29 20:41 發表 嘩, 睇到我流哂口水, 直係想重溫吓呢味咁出名既地道橫頭磡菜, 咁如果大家覺得試菜可成為聚一聚的理由, 而 Maryki 又唔介意將鑽研成果整少少比大家試吓, 大家可以喺度扒表吓態, 如成事,  ...

當然唔小得我啦!!!

引用:

原帖由 乖乖大口仔 於 2010-10-30 14:16 發表 我婆婆同舅父一家仲住喺橫頭磡，我媽咪都係喺徒置區長大，所以我咪經常聽番好多佢以前細個啲嘢囉，同埋可以食番好多橫頭磡啲街邊小食(係媽咪整)。我好開心揾倒哩板網頁，我仲 ...

大口仔兄:

你媽媽以前住那座?

[ 本帖最後由 舊足跡 於 2010-10-30 16:03 編輯 ]

引用:

原帖由 舊足跡 於 2010-10-30 16:01 發表

大口仔兄:

你媽媽以前住那座?

winwin730囉 ！

引用:

原帖由 乖乖大口仔 於 2010-10-30 19:21 發表 winwin730囉 ！

阿!原來住1座!!!歡迎,可借無迎新禮物,就相一張啦!!!(舊相轉貼,謝原貼者)

[ 本帖最後由 舊足跡 於 2010-10-30 20:47 編輯 ]

引用:

原帖由 乖乖大口仔 於 2010-10-30 19:21 發表 winwin730囉 ！

有無見過nihoiam兄所貼的相片?

[ 本帖最後由 舊足跡 於 2010-10-30 21:39 編輯 ]

引用:

原帖由 舊足跡 於 2010-10-30 20:40 發表
阿!原來住1座!!!歡迎,可借無迎新禮物,就相一張啦!!!(舊相轉貼,謝原貼者)

Uncle舊足跡唔使客氣
這裡d人情味真是滿瀉，我媽咪好開心，仲話很多謝你呀！
就是這幾張相喇，最最令佢感動啊
之前媽咪講番舊時是點樣，我完全憑想像，因為尚未出世，這些圖片實在太真貴了   
真真要講多聲，多謝原帖者
我媽咪有一位好朋友Auntie張，以前屋企在橫頭磡開士多，
我經常聽佢哋講有關進記，今次終於有機會見到，原來係第2座

引用:

原帖由 Maryki2010 於 2010-10-28 15:10 發表

無問題呀！快D找樓主出來攪Gathering，我負責煮豉油麵

Auntie Maryki2010
我媽咪好開心咁話，如果gathering成事，她和你齊齊煮嘢請大家食喎

引用:

原帖由 乖乖大口仔 於 2010-10-31 13:19 發表

Uncle舊足跡唔使客氣
這裡d人情味真是滿瀉，我媽咪好開心，仲話很多謝你呀！
就是這幾張相喇，最最令佢感動啊
之前媽咪講番舊時是點樣，我完全憑想像，因為尚未出世，這些圖片實在太真貴了: ...

請問進記是否士多 ?
記得第一 / 二 座有一檔後生仔小販賣粉果燒買，
熱騰騰的，非常好味，跟現在的機制燒買無得比
呢 !

引用:

原帖由 乖乖大口仔 於 2010-10-31 13:19 發表 Uncle舊足跡唔使客氣 這裡d人情味真是滿瀉，我媽咪好開心，仲話很多謝你呀！就是這幾張相喇，最最令佢感動啊 之前媽咪講番舊時是點樣，我完全憑想像，因為尚未出世，這些圖片實在太真貴了: ...

真係要多謝 nihoiam 兄,因他的相的確令人感動,謝謝!!!

重有這張

[ 本帖最後由 舊足跡 於 2010-10-31 20:44 編輯 ]

tchwpsa035 你好！大家街坊好！
冇錯是進記士多，是在第2座橫邊的位置，以當時來講算是一間很齊備的士多辨館呢！
至於你講那檔熱騰騰的粉果燒賣嘛，我當然記得啦！他們賣的是很地道的潮州粉果，雖然粉皮較其他粉果皮厚，但勝在黏韌軟滑，加入醬油和辣椒油，簡直令人回味至極呀！

引用:

原帖由 乖乖大口仔 於 2010-10-31 13:36 發表


Auntie Maryki2010
我媽咪好開心咁話，如果gathering成事，她和你齊齊煮嘢請大家食喎

你真係人如其名很乖呀！歡迎你mommy可以幫手，希望成功攪到啦

承 Maryki2010 的慷慨, 願以他自行參透的豉油麵製作方法試作一次, 以餉眾街坊思念之情, 由於集會地點不大, 因此, 人數方面不能無限制及太多, 暫時有數名表示有意參加, 若還有街坊有意共聚品嚐此味地道橫頭磡菜, 順道共叙閒話當年,  各位可連同常用 email address 以短消息發送給本人. 以方便之後跟進及日期的討論!

舊足跡你好！
真的是無言感激，怎樣說就才是呢！那麼真貴的圖片，一幅又一幅呈現眼前，多麼振勘人心啊！
這張是我兒時每踏出家門，就可以收入眼簾的景物，那個公園是樂富地鐵站的前身，有沒有街坊記得那個低洼的路口？每次大雨必然水浸。這是我們最想看到的情景，車子經過的時候，就會濺起很高的水花，當看見有車半路「死火」，大家就會高聲歡呼喝采！我現在也忍不住笑了出來呢！
還有公園斜坡的引水道，這條水渠大雨後，就像一條瀑布，不禁令我諗起哥哥英勇的往事；一次，我和他在門口看著幾個人在那條「瀑布」玩水，當時哥哥還一邊咀咒他們，誰不知話未說完，竟有人從渠中呼救，旁邊的孩子嘗試把他拉回，但是……..，我哥哥二話不說，用50秒速度跑到對面支援，合力把他捉緊拉回渠邊，那個男孩都是住第1座的，當時他的褲子已被衝脫失掉了，我哥哥揹他回家，用背部幫他遮擋下體，但他的「八月十五」就暴光了！

[ 本帖最後由 乖乖大口仔 於 2010-11-2 22:03 編輯 ]

引用:

原帖由 乖乖大口仔 於 2010-11-2 14:19 發表 舊足跡你好！真的是無言感激，怎樣說就才是呢！那麼真貴的圖片，一幅又一幅呈現眼前，多麼振勘人心啊！這張是我兒時每踏出家門，就可以收入眼簾的景物，那個公園是樂富地鐵站的前身，有沒有街坊記得那個低洼的路 ...

大口仔兄,

你不用客氣,這些圖片之前巳在這裡見過的了,我只是怕你因頁數太多,未能一時找到,所以找來給你看看.

另外,正如之前所講,在我們那代通山走的野孩子,只要唔死,的確有很多驚險故事!!!

引用:

原帖由 Fngai 於 2010-10-7 21:47 發表
有誰記得這是那一年?

我記得當年地鉄開時我有排隊攞麗的個天龍缺金牌。
你地有冇?

引用:

原帖由 舊足跡 於 2010-10-27 08:21 發表

20 座紅色郵筒,帶比我很深回憶.

我以前成日擒上個郵筒頂坐係度看富美街d車來住d街景，呢個郵筒留下好多回憶！

我都好鍾意食豉油麪!!!!!!!
預埋我呀!!!!!

我係住係第7座ge 2樓,通常飛機欖吹哪叭的時候,我都會走上7樓然後擲1毫子擲向飛機佬,跟住我係7樓大聲哎"喂!飛機佬~呢度呀!"...跟住我跑落街,走去執欖,通常飛機佬都飛唔到上7樓,多素都係撞騎樓或者撞向6樓邊,咁你話1毫子可以執到5包欖,你話抵唔抵?

你地有冇試過呀?縱記唔記得起呀?

歡迎你！
當然記得啦！不過，我就記得先後有兩個人在橫頭磡賣過飛機欖喎！
前者是個高高瘦瘦戴眼鏡的，他的功夫很少失準，我還記得他的眼鏡自動會跳的，樣子廷有趣！後者是個矮矮的，他經常被我們「柴台」取笑啊！原因就是令你有機可乘呢！

2008年10月見到以前在屋企樓下彈結他唱歌賣飛機欖的他，當時他正在賣飛機欖。

引用:

原帖由 lamlamchem 於 2010-11-1 23:37 發表
承 Maryki2010 的慷慨, 願以他自行參透的豉油麵製作方法試作一次, 以餉眾街坊思念之情, 由於集會地點不大, 因此, 人數方面不能無限制及太多, 暫時有數名表示有意參加, 若還有街坊有意共聚品嚐此味地道橫頭磡菜, 順道 ...

由於聚會地點所限, 及有意人數約有 10 人, 若尚有街坊想參加的此刻開始只作後備, 若仍有街坊有興趣可留短消息及email address 給我, 若有空位可再頂上.

引用:

原帖由 nihoima 於 2010-11-8 20:32 發表
2008年10月見到以前在屋企樓下彈結他唱歌賣飛機欖的他，當時他正在賣飛機欖。
1524561

飛機欖 絕對是我們一代的集體回憶, 隨著都市發展到出現多層大廈, 剛好是到達 7, 8 層樓高, 很適合擲飛機欖, 因再早一個年代, d 樓太矮, 擲欖無睇頭, 再後一個年代則d 樓太高, 超越人力可達, 唯獨是7, 8層高的徙置大廈, 細路通街走, 加上層層都有一條打通哂的騎樓, 一有飛機欖, 即刻有娛樂無窮的免費show 睇, 真令人難忘. 更順便多謝呢位呀伯造就了一代集體回憶的貢獻.

[ 本帖最後由 lamlamchem 於 2010-11-9 00:01 編輯 ]

不错 不错 历史了已经！！