阿仙奴：阿仙奴上年功虧一簣，家下不特止仲要星散，
好地地有個班底形成，又要從頭來過，
今屆能否保住前四都好頭痕。

利物浦：自知英超難競爭，賓尼迪斯都話過踢歐聯易過踢英超，
表現唔穩定已係家常便飯，
今年英超，睇來唔會係利物浦目標。

車路士：車大炮班主干政，大菲係禍係福都好難講，
所收購既人物，迪高年事已高，波辛華級數難稱一線，
睇怕又要食多一年白果。

曼聯：阿、利、車都各自有隱憂，
紅魔C朗單野，以費格遜咁多年經驗，應該識得解決，
加上英超其他球隊實力唔足以挑戰紅魔，
紅魔蟬聯英超，相信唔會有難度。

[ 本帖最後由 ntoreg 於 2008-7-17 21:45 編輯 ]

引用:

原帖由 ntoreg 於 2008-7-17 21:44 發表
阿仙奴：阿仙奴上年功虧一簣，家下不特止仲要星散，
好地地有個班底形成，又要從頭來過，
今屆能否保住前四都好頭痕。

利物浦：自知英超難競爭，賓尼迪斯都話過踢歐聯易過踢英超，
表現唔穩定已係家常便飯，
...

阿仙奴星散根本唔係新聞, 年年如是, 但總踢得出一d成績... 被睇低下, 賠率值搏 :p
利物蒲一向都係衰幾場之後就宣告英超無望, 人腳其實足夠, 只係目標唔鮮明, 連年係咁之後, 今年亦可能一樣... 但係加咗開始熟習英超既torres, 甚至鬥心極強既羅比堅尼之後, 情況會唔會有變實屬難料...
車路士又再換帥, 如果踢返史高拉利最擅長既單箭頭兩翼攻堅既話, 4-1-4-1 可能係林伯迪高波歷克爭中場中既兩個位, 前面杜奧巴舒夫都似會走, 安歷卡技術一流但鬥心欠奉, 依然係穩守突擊格... 長追[-1和]係唔錯既選擇~
曼聯連續兩年稱冠, 中場(連後備計)實力超班, 加埋貝碧既話進攻瓣數更多, 但費sir唔喜愛星期美點政策, 朗尼, 迪維斯都唔似要求每場正選既角色, 反而貝碧拿唔到長期正選既話似會發惡... 後防以斯維斯達同布朗做中堅替補始終唔係長遠既辦法... 而且基洛斯走咗, 費sir年紀老邁之下其實亦未算係穩勝之選...

四隊各有隱憂...

依我之見暫時黎睇今年反而係四隊同曼城, 維拉, 熱刺, 樸刺茅夫, 甚至布力般等形勢近咗既一年

引用:

我之見暫時黎睇今年反而係四隊同曼城, 維拉, 熱刺, 樸刺茅夫, 甚至布力般等形勢近咗既一年

曼城、維拉、樸茅呢幾隊講到財力同實力無疑係增加左，
但睇來志在爭取歐聯席位居多，玩下盃賽冠軍都仲有機會。

至於曼聯，C朗家下因轉會風波搞到人見人憎，誠信已接近零，
費格遜肯定會將佢雪藏。
所以貝碧托夫唔會無正選，到時由泰維斯改踢翼就得，
據講泰維斯都有踢翼既經驗。

引用:

原帖由 ntoreg 於 2008-7-20 02:20 發表


曼城、維拉、樸茅呢幾隊講到財力同實力無疑係增加左，
但睇來志在爭取歐聯席位居多，玩下盃賽冠軍都仲有機會。

至於曼聯，C朗家下因轉會風波搞到人見人憎，誠信已接近零，
費格遜肯定會將佢雪藏。
所以貝碧 ...

我當然唔係講緊話以上幾隊二線球隊今年有得爭, 我指的是今年似乎能夠左右大局 - 聯賽榜上的積分既球隊既數目增加咗... 至於志在爭取歐協席位, 爭奪盃賽等等, 絕對同意~

c朗風波人見人憎, 同會雪藏c朗等等, 前者同意, 後者未必, 等同世界盃後c朗成為英超犯眾增一樣, 佢既演出令所有人住口~

我認同泰維斯有踢翼經驗, 其實睇曼聯上年踢歐冠就知, 有好幾場c朗+朗尼+泰維斯全部出晒既時候, 踢最前既係c朗, 朗尼+泰維斯反而有翼鋒/輔鋪, 甚至係半防中...

將泰維斯墮後本身無問題, 最大既問題在於曼聯本身球員同實力最充裕既地方正正係中場... 反而前面欠缺調動既板斧...

以泰維斯同貝碧朗尼既性格睇, 都係泰維斯讓正選出黎多... 或者打輪更制... 但係邊個一無表現既話就隨時踢少兩三場, 狀態越黎越不足的話就慘喇...

兩年前c朗不過是俾傳媒亂寫野，性質同而家唔同。
泰維斯改踢翼係考慮到一旦唔用c朗，搵個最合適人選代替者。
當然最緊要既，係紅魔盡快買到一個射手。
貝碧托夫單交易，以依家情況睇，應該無問題既。

曼 聯 雖 對 貝 碧 托 夫 「 追 求 」 多 時 ， 但 因 與 熱 刺 交 惡 ， 有 傳 會 放 棄 收 購 。 熱 刺 曾 不 滿 曼 聯 非 法 斟 介 貝 碧 托 夫 ， 向 英 超 聯 賽 會 投 訴 之 餘 ， 亦 將 貝 碧 托 夫 的 轉 會 費 提 高 至 3,800 萬 鎊 （ 約 5.8 億 港 元 ） ， 令 曼 聯 卻 步 。 曼 聯 則 指 熱 刺 渴 望 出 售 貝 碧 托 夫 ， 惟 獨 是 不 願 售 予 紅 魔 。

轉載自蘋果

貝碧唔得既話真係要諗下有咩人會夾到...

睇完熱刺最近幾場熱身賽, 感覺極佳. 怕且今年Big 4想霸佔英超前四機會麻麻. 以現時人腳論, 以兵工廠最危,  利記次之.

8月 14日 星期四 05:10 更新
泰利反擊費Sir 「曼聯更老難進步」


【明報專訊】對於曼聯領隊費格遜批評車路士球員太老，難有突破，「藍戰士」隊長泰利反擊謂，「紅魔」才是眾將高峰已過，不會有更出色的表現。



泰利坦言每次看見甚至想起曼聯去季成為「雙料冠軍」的場面，便會感到心碎。他指出，曼聯不少球員在過去2季攀上巔峰，但今年將無以為繼﹕「我不認為他們還可進步至更高層次。里奧費迪南與基斯坦奴朗拿度表現超卓，但今季不可能保持這佳態。」

稱C朗里奧必「跌watt」

他又謂曼聯去季發揮已是極限，卻仍被飽受傷兵和易帥問題困擾的車路士步步進逼，今季獲史高拉利領軍，又羅致了保辛華與迪高的藍戰士必可更上一層樓。

公說公有理, 婆說婆有理啦haha

費sir講老人家難突破係啱, 泰利講幾名紅魔好難連續癲峰之類再有突破亦好合理 ^^

點講都好，
紅魔蟬聯成功形勢上已定左，
到依家都仲睇唔出有咩理由紅魔今年跌watt。

1 Chelsea 2 MU 3 Liv 4 Ars

引用:

英超開鑼, 四強只有曼聯失分. 出師不利出閘脫腳.

上季紅魔都只係打成1-1, 但最後咪又係冠軍.

引用:

原帖由 ntoreg 於 2008-8-19 22:11 發表


上季紅魔都只係打成1-1, 但最後咪又係冠軍.

我都知CHing你一定會這樣說.

引用:

原帖由 ntoreg 於 2008-7-17 21:44 發表
阿仙奴：阿仙奴上年功虧一簣，家下不特止仲要星散，
好地地有個班底形成，又要從頭來過，
今屆能否保住前四都好頭痕。

利物浦：自知英超難競爭，賓尼迪斯都話過踢歐聯易過踢英超，
表現唔穩定已係家常便飯，
...

你咁講曼聯唔通拎硬冠軍?

世事無絕對, 就算我係曼迷都唔覺得曼聯好似你咁穩.

事實上計整體實力車路士同利物浦唔會差過曼聯. 如果羅比堅尼適應會快番d, 利物浦唔會無機!

至於你所講的慣性? 唔好講笑喇, 你咁講的話, 點解曼聯02會俾阿仙奴搶左冠軍? 點解於德甲超班的拜仁隔兩三年就連霸失敗? 如果你用十年去分析可能真係有, 但逐年逐年睇就唔應該咁樣睇.

引用:

你咁講曼聯唔通拎硬冠軍?

世事無絕對, 就算我係曼迷都唔覺得曼聯好似你咁穩.

事實上計整體實力車路士同利物浦唔會差過曼聯. 如果羅比堅尼適應會快番d, 利物浦唔會無機!

至於你所講的慣性? 唔好講笑喇, 你咁講的話, 點解曼聯02會俾阿仙奴搶左冠軍? 點解於德甲超班的拜仁隔兩三年就連霸失敗? 如果你用十年去分析可能真係有, 但逐年逐年睇就唔應該咁樣睇.

對紅魔，點解要咁無信心？
之前第一場和波係就係失分，但而家咪又贏番！
紅魔既特點就係鬥志鮮明，永遠都會俾人信心，
你越擔心佢，佢就越會證明實力俾你睇！

阿、利、車由始至終都唔似得紅魔咁俾到人信心，
尤其係利物浦，用咁多錢買咁多人，但就硬係好似志不在英超，
踢歐聯仲醒過踢聯賽，
即使個個球王咁又點丫？都要有鬥心至得架!

引用:

原帖由 小大聖 於 2008-8-27 07:23 發表
今年冠軍應該車路士, 曼聯唔及車路士咁穩陣.

曼聯�麠陞J波靠衝靠快, 一碰到老孤狸就露底. AC米蘭大炒曼聯三蛋就係明證. 車路士比曼聯穩健好多. 兩年調整
期之後, 車路士應該機會最大.

師兄此言差矣....當年俾ac炒的曼聯, 連一個防中都無, 各球員的質素早就有好大的唔同, 唔應該用呢點去同而家曼聯比.

紅魔輸一場半場有咩相干？
好過利物浦，對弱隊成日都失分，  
紅魔就無呢個問題。

再過多幾場，紅魔一定追番黎既！
同時睇下利物浦又會唔會老毛病翻發！