培記我都有幫趁過，細過果陣我地係叫佢做培伯．
培記前身是賣芝麻糊我冇印象了，只有印象培記係70年代中期出現．
佢間舖頭好近你屋企喎，會唔會同培伯好熟呢？
培記在"老犁"入面都出現過一個鏡頭,放上黎俾你睇下

好珍貴的圖片，照片中的港島東感覺好荒涼，只見一堆堆漁船及木屋．
太古船塢後面山上那清晰山路，相信是柏架山道．

我和培伯好熟，我也試過幫他寫信的!他姓"鍾".

我老豆又係同培伯好熟,佢成日去佢舖頭傾計,佢傾計時,我就會係斜路玩.
瞭望台上小小位置係咪有檔賣公仔書既呢?
好似有小小印象,係70年代初期啦,你記唔記得呢?

賣公仔書，是否瞭望台上小小，培伯隔離的平海人開的鋪，是各樣東西都有的士多。
你爸爸又係同培伯好熟,佢成日去佢舖頭傾計，我可能認識他也未定！
斜路的人，有那些名字你還記得？

我也常問培伯借報紙看，他最愛看"早報".他每年都是回鄉渡歲的。

引用:

原帖由 瞭望台 於 2008-9-4 21:33 發表
賣公仔書，是否瞭望台上小小，培伯隔離的平海人開的鋪，是各樣東西都有的士多。
你爸爸又係同培伯好熟,佢成日去佢舖頭傾計，我可能認識他也未定！
斜路的人，有那些名字你還記得？

應該係呢間鋪,那時候年紀太小了,已經冇乜印象,後期係咪將間鋪改建成木屋,賣左比人住呢?
斜路的人我唔識啊,只記得70年代油叔,蘭姐,三個米佬,瞭望台既朱伯,
到左80年代,斜路已經開始改變左好多,油叔間鋪頂讓左比其他人做,
蘭姐,生果檔,好多都結業,繁盛既日子開始過去了.

對。因為當時很多人覺得快要清拆，所以紛紛改建成木屋售出。
我在80年也遷出，看到你的描述，也很感嘆!可否多說一些？

係啊,瞭望台兄,80年代開始,好多街坊知道耍拆村,好多都賣屋搬走,
印象中唔係人人都可以上樓,有d居住年期唔係太耐既街坊,要搬去安置區,
而政府係分階段安置村民,但選擇搬遷既地區唔多,只有三次機會,所以當時好多街坊都搬入沙田,因為係新樓,而且租金比較平.
眼見街坊一個一個搬走,條村就愈來愈冷清,感覺有點淒涼,而再後期d,感覺直情係恐怖....所以某些本來要求多多的街坊,後期都會降低要求自動遷出,政府收村很成功,無需要強行封屋拉人.

真感概！
我有些朋友搬了到柴灣,有些已不知所蹤了。
你是否最後一批才搬出?

我就係去左柴灣果批，呢度有時都會見到ｄ舊街坊，
我未算係最後，但好多朋友都搬先過我，見住一個個咁走，條村一日冷清過一日，當時心情都幾沉重．

原來如此。
姓蔡的現在也好像是住在柴灣，姓楊的也是!
你有沒有聽過"大頭蔡"這個人?

你說姓蔡的是否賣涼粉那一家?我好像未見過,或者他們居住地方不是和我不同,而姓楊的偶然也會見到.
"大頭蔡"這個名字聽過啊,但好像有好多個都叫"大頭蔡",你所指的是那一個呢?
可否形容一下?

我說的"大頭蔡"，是住在由夏園轉左上未到張師奶之前。他有幾個仔女，本人身高，膚色帶黑，常在斜路打牌的。

哦,原來你講呢位,知道啊,佢住我隔離屋,當然認識啦.
佢個大仔,係我老死黎添

佢個大仔，我也記得。他的屋也很大！他們現住在那裡?

你都識佢大仔,啊~~即係你都係好百厭啦
佢地係比較早搬出一批,係搬去北角村,
依家就唔方便透露了,因為呢位老死同我仲有聯絡,
呢度始終係公眾地方,費事話我暴露佢行蹤,
比佢發現屈我食飯咪益左佢

我還記得他也是四圍走的。
呢度係公眾地方，當然不可多說私隱。
根據消息，姓蔡的賣涼粉那一家，是住將軍澳。
至於那家在斜路養兩隻雞當寵物的，現在住柴灣!

今天是中秋節，想起以前在村玩自製燈籠，也想起鸞鳳的大中秋油畫！祝中秋愉快!

我記得鸞鳳一到雙十，就在外牆掛起一大幅青天白日旗國民黨的油畫。你們有沒有印象?

引用:

原帖由 瞭望台 於 2008-9-15 20:41 發表
我記得鸞鳳一到雙十，就在外牆掛起一大幅青天白日旗國民黨的油畫。你們有沒有印象?

我記得有個立體的紅色大雙十！

無錯！但當時我的家長很不喜歡。但其實在藝術角度，也很精美。

兩位師兄所講的青天白日旗國民黨的油畫,相信香港再無機會目睹了
鸞鳳之後的冠男有冇在大日子掛大圖畫作為表示呢?

淺水碼頭村中醫個故事,都係來呢邊講貼題d
太約79年某天,小弟同幾個朋友仔到聖馬可公園玩,在一個大約5尺高既地方跳下地面時,左腳落地時落得唔正,聽到啪一聲,之後傳來一陣劇痛,行唔到,要由兩個朋友挾住送返屋企.
老豆帶我到梁x睇鐵打,經診斷後話我扭傷腳踝,敷幾次藥就冇事了....敷左幾日藥後,發覺情況冇改善,痛的位置在腳脛,老豆帶我到村口的鐵打醫生再診治,醫生建議去照x光,之後先知原來上五寸下五寸骨裂左.......

在村口那個鐵打醫生診治期間,只係天天替我捽鐵打酒,過程係好痛好痛,佢話要捽散d瘀血,(在骨裂的位置狂捽,痛苦程度可想而知 )
之後再包d唔知乜藥,大約兩星期過後,情況冇改善,而且整過腳脛位置發黑,病情仲惡化了.....
有位相熟街坊見到我呢個情況,就帶我到村上面一個醫師診治,
記得呢位醫師居住的地方,屋外面只不過係平凡不過的石屋,但屋內面,入面的藥材,比其他鐵打佬要多,而且很多很名貴同稀有.
當呢位醫師弟一眼見到我隻腳,已經驚嘆地講:你隻腳已經開始壞死,如果再過兩日就冇得醫,要切除了......