引用:

原帖由 choihung 於 2008-10-10 20:27 發表


謝謝師兄的提問，也感謝tangkennis兄的解答，又增進了電腦知識，謝謝！

又是四哥，我喜歡他在戯�堛漲頦芊I

亦不須客氣也，只係識少少咋！

至於找圖片解說，都要貼題先得嘅！中環碼頭皇后碼頭之合照甚多，在電影中我就記得在1968年的【七彩難兄難弟】曾出現過，故拿來一用也。

阿四哥憑欄倚望 68 年的中環碼頭，無 off topic 架 ！！






[ 本帖最後由 tangkennis 於 2008-10-11 18:09 編輯 ]

周聰傍在皇后碼頭欄杆 (一於既往，阿聰哥前額一定有一執仔頭髮瀡落黎，係佢嘅嘜頭，一直到如今拍劇集都係咁喎 ！！ 與阿四哥的「側側地頭」誠然是互相輝映了！)




[ 本帖最後由 tangkennis 於 2008-10-11 18:10 編輯 ]

而阿四哥就做欄杆飛！背後是當年的海渡小輪了。

阿四哥穿白色直間條西裝，蛋撻頭，戴白色膠邊太陽眼鏡(仲係而家流行個種單框架吖！！)，好型架，在今日看來一些也不落後呵 ！！

引用:

原帖由 tangkennis 於 2008-10-11 14:29 發表


亦不須客氣也，只係識少少呵咋！

至於找圖片解說，都要貼題先得嘅！中環碼頭皇后碼頭之合照甚多，在電影中我就記得在1968年的【七彩難兄難弟】曾出現過，故拿來一用也。

阿四哥憑欄倚望 68 年的中 ...

又話叫做「七彩難兄難弟」，點解會係黑白片�鵅H

引用:

原帖由 理魯竇 於 2008-10-11 16:46 發表


又話叫做「七彩難兄難弟」，點解會係黑白片鮋？

香港電影資料館說是彩色，在大台看粵語長片時都係彩色(雖有點淡了色)，但到我買 DVD 時就變成黑白，都唔知點解？ 如果變回彩色則這些圖片便更為可觀了。

當年的中環港外綫/港澳碼頭風貌。

差不多時間，同一地點，不同角度。

引用:

原帖由 hollywoodground 於 2008-10-8 05:28 發表 [/img]
原是3層高的永安公司老店, 七十年代初改建新店+office大厦, 它左边係海事處大樓, 因建MTR站拆掉,可惜, 再左係李宝樁大厦, 它樓下有间昆和洋行, 長年陳列一两艘游艇,吸引無數窮小 ...

睇返地圖，三層高永安老店變成了今天的永安中心，海事處大樓是今天維德廣場(印證了「因建MTR站拆掉」)，李寶椿大廈仍然建在。

呢個角度有D似我公司望出去既角度....
當然，眼前景物已經差不多面目全非了

i love all those picture , it reminds me the old days , tks matey

圖中個間李寶椿大廈都拆左，
重建後亦叫返李寶椿大廈。

引用:

原帖由 理魯竇 於 2008-10-12 05:17 PM 發表
圖中個間李寶椿大廈都拆左，
重建後亦叫返李寶椿大廈。

我記得在舊李寳椿大廈有一家“月宮酒樓“

引用:

原帖由 choihung 於 2008-10-12 20:18 發表


我記得在舊李寳椿大廈有一家“月宮酒樓“

月宮在9,10樓, 有專用电梯, 一層為中式酒樓, 彫龍彫凤果種, 一層為西式酒樓夜总会, 装飾較雅緻, 在上環算高檔.

弟對月宮有d感情, 唸中学時有段時期酒樓酒席旺時系度做幫工, 職司 "埋菜" , 就是用车仔自厨房傳菜出來大堂, 再由正職的樓面分発桌上, 散席後幫手收拾碗碟比洗碗的亞姐就可收工, 約3小時工作, 工資5大元, 即晚交收, 對日常支出不無小補, 還記得个管工叫余霖, 綽号魚腩, 呵呵.

引用:

原帖由 hollywoodground 於 2008-10-13 07:46 發表


月宮在9,10樓, 有專用电梯, 一層為中式酒樓, 彫龍彫凤果種, 一層為西式酒樓夜总会, 装飾較雅緻, 在上環算高檔.

弟對月宮有d感情, 唸中学時有段時期酒樓酒席旺時系度做幫 ...

小弟的景況和你差不多，念中學的時候有時也會在中還某餐廳做替工，外賣、水吧、廚房、雲吞麵檔都做過，
幫補下使用，三個小時替工三蚊，有些闊佬些會給你四蚊。

睇見下邊幅圖我有好多回憶，好多度地方我都送過外賣，計有：
消防局，
�痗彿�行大廈(銀行已倒閉，大廈都拆埋)
廣泰來-客棧(其中一間舊樓)
統一碼頭(送外賣叫二號橋)
廠商大廈(都拆掉)
國際大廈(當時全港最高)
祺生客棧(貼近國際大廈的一間舊樓，已拆掉)

我最記得「祺生棧」有條友叫左一杯奶茶，點知原來要送上天台，行到氣都咳，但在舊樓天台，岳高頭望見
高聳入雲黑白簡條的國際大廈又幾得意，但諗起第日要再來收杯又媽聲四起。(那個年代沒有紙杯)

引用:

原帖由 理魯竇 於 2008-10-13 10:40 PM 發表


小弟的景況和你差不多，念中學的時候有時也會在中還某餐廳做替工，外賣、水吧、廚房、雲吞麵檔都做過，
幫補下使用，三個小時替工三蚊，有些闊佬些會給你四蚊。

睇見下邊幅圖我有好多回憶，好多度地方我都送 ...

好生動的描述，也令我們後輩體會到前輩年青時一般的市民生活不容易。

[ 本帖最後由 choihung 於 2008-10-14 02:02 編輯 ]

引用:

原帖由 hollywoodground 於 2008-10-13 07:46 AM 發表


月宮在9,10樓, 有專用电梯, 一層為中式酒樓, 彫龍彫凤果種, 一層為西式酒樓夜总会, 装飾較雅緻, 在上環算高檔.

弟對月宮有d感情, 唸中学時有段時期酒樓酒席旺時系度做幫 ...

小時候去過飲茶一兩次，記得那些雕花燈籠，挺古色古香的。

舊李寳椿樓上的辦公樓層也去過，好舊！

引用:

原帖由 choihung 於 2008-10-14 01:13 發表


好生動地描述，也令我們後輩體會到前輩年青時一般的市民生活不容易。

（離題一問）講起上黎，成日都聽到有人話我地呢輩人生活好過以前，我想用後輩既身份去講，其實我地呢一輩後人，生活比前人容易嗎？

面對經濟困境，可以做既工種唔多，老板比起三十年前更加科學化地進行剝削，但只能像羊枯咁無聲出，生活費用重，從畢業至今，我（甚至好多後輩）都只係睇到一個前景越加暗淡既香港…

可以說，六十年代雖然係普遍地窮，但窮得黎都睇到前景，起碼六、七十年代你只要肯捱唔愁無野做，但宜家呢？
以前人既問題，都係為解決生活及兩餐問題而煩，但宜家既香港，係一個集體倒退既問題，表面有幾風光咁又點？只怕係「金玉其外敗絮其中」者，知道嗎，一個生活既地方若然變成前景暗淡，係一件幾可怕既事呀。

做人只可以向前望，否則會使人倒退，呢一個point我好明白，不過請容許晚輩發一點牢騷，亦希望前輩們可以對我地呢班後輩多一點理解，我地唔係只懂發牢騷怨天怨地怨政府怨……，只係我覺得呢一代當前面對既問題，恐怕比起三四十年前既香港更為複雜，而社會卻一點一點地倒退而無人去正視，亦覺得有點兒無能為力，好孤獨同無助…

恐怕，需要前輩們輔導一下了。

[ 本帖最後由 bobbystar2100 於 2008-10-14 01:46 編輯 ]

引用:

原帖由 bobbystar2100 於 2008-10-14 01:43 發表


（離題一問）講起上黎，成日都聽到有人話我地呢輩人生活好過以前，我想用後輩既身份去講，其實我地呢一輩後人，生活比前人容易嗎？

面對經濟困境，可以做既工種唔多，老板比起三十年前更加科學化地進行剝削， ...

你試過霸位�埽韞慼H

你試過夏天無風扇下在無窗的房間睡覺嗎？

不要自怨自艾，

只要努力，甚麼惡劣環境也可克服。

[ 本帖最後由 理魯竇 於 2008-10-15 02:59 編輯 ]

Bobby 老弟說出多少新生代對出路的迷茫, 也印証了一句話..由儉入奢易, 由奢入儉難...試想吃慣肯德基巨型大雞脾, 對5毛子一盆的雞亦尖 (母親購自街边的酒樓厨餘)怎不倒胃, 小時穿開木屣, 有一對回力牌白飯魚己開心到瞓唔着, 買給穿開Adidas的小朋友实在讓他抬不起头.

我第一个女朋友課餘(其后工餘)幫一个西人家庭做褓姆(美加所謂baby sitter), 時維1973,4年, 事头並讓她把吃剩的食物, 舊衣等帶回家以供弟妹享用. 香港現有外傭十几廾万, job market極大, 但甘心再做這所謂 "住家工" 的 humble職業的女生(那怕是綜緩户)又有几人?

記得早前環境最差時, 有在大陸設厰的港商也想幫幫手, 在港招了一班剛中学畢業的練習生(学徒)北上学藝,厰方己對這群嬌客特別照顧, 食宿待遇己比內地同事优勝 , 点知不旋踵一个二个紛紛開小差走人 (可能是做学徒汚糟, 受气,辛苦,工資低吧), 而project亦胎死腹中.

當然新生代中亦不乏克苦勤儉, 自強不息者, 男兒當自強, 希望Bobby君勉之, 也希望各位老兄大姐對下一代不要太溺愛, 多貫输d憂患意識, 人冇千日好, 花冇百日紅, 裝備起來面對人生的挑戰.

引用:

原帖由 hollywoodground 於 2008-10-15 06:31 AM 發表
Bobby 老弟說出多少新生代對出路的迷茫, 也印証了一句話..由儉入奢易, 由奢入儉難...試想吃慣肯德基巨型大雞脾, 對5毛子一盆的雞亦尖 (母親購自街边的酒樓厨餘)怎不倒胃, 小時穿開木屣, 有一對回力牌白飯 ...

“人冇千日好, 花冇百日紅, 裝備起來面對人生的挑戰“

謝謝hollywoodground兄的教誨。我真想把上面的幾句寫在布條上然後綁在頭上。干爸爹

引用:

原帖由 choihung 於 2008-10-15 11:48 發表


“人冇千日好, 花冇百日紅, 裝備起來面對人生的挑戰“

謝謝hollywoodground兄的教誨。我真想把上面的幾句寫在布條上然後綁在頭上。干爸爹

教誨2字何克敢當, 直讓吾姐見笑了, 也說得小弟老气橫秋似的, 只是金融海嘯下, 可能又有一段緊日子要過了, 但每个年代总有那年代的困難吧

革命尚未「努力」
同志仍需「成功」？

引用:

原帖由 理魯竇 於 2008-10-15 02:55 發表


你試過霸位�埽韞慼H

你試過夏天無風扇下在無窗的房間睡覺嗎？

不要自怨自艾，

只要努力，甚麼惡劣環境也可克服。

各位前輩，小弟其實唔係自怨自艾，論五、六、七十年代既普遍艱苦環境跟宜家比較當然唔使講，
不過，我只想講出一點，「時代愈進步，社會愈複雜」，宜家香港既問題同歷史包袱太重了，似乎當前面對既困境，似一隻大海中既船，唔知幾時埋岸、都唔知理想中目的地在何方，假設你坐響呢隻船，你會點呢？

年青人們並不只是不滿現實、嬌身慣養的，其實我身邊有好多人都清楚現實，也想改變現實，我都想講一點，我唔會甘於現狀的，好似一隻蟻咁，如果呢度無乜野食，就要想辦法，包括搬去一個有野食既地方，唔可能坐以待斃的。

前人超前的，我地會超越得更前，我都要向前輩們講多謝，尤其係「何李活前輩」，多謝！

[ 本帖最後由 bobbystar2100 於 2008-10-15 20:43 編輯 ]

我又離題一下。
以前睇歷史時會想好多輝煌一時既地方(如敦煌)是如何面對由盛轉衰，甚至衰退得讓人遺忘？福建泉州曾是海上絲路之起點，又是如何面對衰落的？美國西部尋金熱時有好多地方都好興盛，當金礦挖完，那裡的人是如何面對？
地方係死既，人係活既。我地父母那一輩在鄉下怎麼走來香港搵食生活？邊個話香港人就要係香港睇住佢「前景暗淡」？
其實中國人雖然好重視「根」，但係歷史上都有好多大遷徙時期，就算和平時期都不斷有人「移民」，否則怎會在世界任何國家都能找到華人？
一個地方既興衰非一人或一輩人能改變，是隨大氣候轉移的，人如螻蟻，只能隨大氣候轉移了。

講起「螻蟻」，唸番起一段歌詞：
「人於天地中
   似螻蟻千萬」

雖然我至今都係響世上生存了二十五個年頭，但我對呢個香港裡頭既情況都係有點體會的…
其實香港還未至於似「西部金礦」般槽糕，現在香港唔係無得做，但問題卻可以係好致命：

付出點點就怕死怕蝕，妄想有利可圖至百分之百先去做，輸左就懶別人對自已唔好，唔通世上有五餅二魚嗎？
只懂眼前利益，社會上個個強調賺快錢至係「叻人」，卻忽略長期發展，以為「過到骨」就算。
現時為止無一個強而有力、以身作則既領導集體去帶領大家走出新方向
人心失衡，社會彌漫著「今朝有酒今朝醉」既氣氛，導致一代比一代風氣更壞


對比內地，或者內地既問題比我地更多，但內地社會整體氣氛都係持續向上的，相信唔需要幾耐，仲會有更多有識之年輕一輩志在四方地番內地或者外國發展既。

我唸我將來也許都會走呢條路，因為，我覺得一個地方生活得舒服，除了環境外，最重要就係「人心向上」、「朝氣無限」，我漸漸睇唔到香港既朝氣了。尤其係回歸後呢十一年…

[ 本帖最後由 bobbystar2100 於 2008-10-16 16:37 編輯 ]