據悉吾兄在東邊街住了40多年，
現在是否仍住東邊街呢？
你應該知道呢間屋係邊，
可否講少少典故來聽下，
此屋現時好次被政府列為二級保護文物。

理兄,沒有40多年,由出世至搬走,剛好40年.厘楝樓距我舊居不足100米,打格仔都認得.但係真的是沒有聽過甚麽古仔或新聞,10多年前記得仍有老人家住地下,面孔就冇印象,旁邊巷仔有檔做補/改衣服都10-20年,依家唔知仲有冇係度,
(小弟08年中拍攝的)
反而右邊間舖做了30多年,果陣時做衣服配件,用衣車做閘骨,打鈕門之類,同埋做晒相冲印,估計80年代中,改行做嬰兒用品到衣家,一直經營至今.
抱歉令你失望,
另外個人意見,正街/電車路單邊果棟酒莊,反而比較更似文物.更值得保存.
(小弟08年中拍攝的)
睇番前幾頁見理兄提及如下,
說起來真巧，我出生時在第二街，住過大馬路，第一街，高街37及第三街37，
都好近兩儀坊，附近有一間東莞義學，我倆肯定係街坊。
原來係舊街坊,我真係班門弄斧,失敬失敬.



[ 本帖最後由 陳六三 於 2009-3-9 08:30 編輯 ]

六三兄見笑矣，學無先後，達者為師，枉我住在西營盤50 多年，竟然
不能肯定該街道不是東邊街。

我亦曾請教我另一位朋有友，他應該一出世就住在該東邊街舊樓，迄今
已有50多年，他亦一口否定是東邊街，因為80 年代之前那條斜路還是佈
滿大排檔，重問我記唔記得其中一檔賣玩具有三個女兒(都好靚)幫手賣野，
另外巷內的「李湛記織補」已有近 70 年歷史云。

至於厚生酒行，我亦曾在 08 年中拍攝過，莫非英雄所見略同？

該建築物設計頗為前衛，廳房皆有環保露台，現時之新樓近幾年先至有咋。

[ 本帖最後由 理魯竇 於 2009-3-9 16:05 編輯 ]

六三兄所講那條帖叫「是不是東邊街？」，
去年六月底由網友 hk3dman 提出，
小第因曾在中環做事，認得間燒臘舖，
雖首先提出該條街係閣麟街，
但只是齋up，未能引起共鳴，
但「宇宙大王個手下兄」卻能列舉証據，圖文並茂，抽絲剝繭，獨到精闢，
豈能不令人拍案叫絕，五體投地，
有此網友，幸甚、幸甚。

[ 本帖最後由 理魯竇 於 2009-3-10 01:31 編輯 ]