英超：曼聯
- 英超除左紅魔以外，有爭標實力既就只有阿、利、車。但阿仙奴大星散，元氣大傷；利物浦長期都海鮮波；車大炮班主干政，大菲前景難料。只要貝碧托夫一加盟，紅魔將會以極輕鬆姿態蟬聯。

意甲：國際米蘭
- 假波案得益者，兩年來一隊獨大。羅馬、老A都資源緊絀；祖記財政因假波案今非昔比；其他都唔係財困，就係實力有限。國米唯一隱憂，就係摩連奴帥位問題，始終國米班主係「大有為」既人。

西甲：皇馬
- 巴塞大換血有排搞，新任教練又欠執教經驗；其他都受到自身問題困擾。皇馬應該會似上季一樣。

德甲：拜仁
- 德甲既形勢係拜仁一隊獨大，其他既實力難以抗衡。除非拜仁自身出問題，冠軍無理由唔係拜仁。

法甲：里昂
- 法甲既情況不但同德甲類似，仲比德甲更加嚴重。里昂實力絕對超班，其他既根本毫無還擊之力，幾乎等同魚腩。要法甲唔由里昂蟬聯，除非里昂內亂。

[ 本帖最後由 ntoreg 於 2008-8-5 01:24 編輯 ]

引用:

原帖由 ntoreg 於 2008-8-5 01:17 發表
預測五大聯賽來季冠軍誰屬英超：曼聯
- 英超除左紅魔以外，有爭標實力既就只有阿、利、車。但阿仙奴大星散，元氣大傷；利物浦長期都海鮮波；車大炮班主干政，大菲前景難料。只要貝碧托夫一加盟，紅魔將會以極輕鬆姿態蟬聯。

意甲：國際米蘭
- 假波案得益者，兩年來一隊獨大。羅馬、老A都資源緊絀；祖記財政因假波案今非昔比；其他都唔係財困，就係實力有限。國米唯一隱憂，就係摩連奴帥位問題，始終國米班主係「大有為」既人。

西甲：皇馬
- 巴塞大換血有排搞，新任教練又欠執教經驗；其他都受到自身問題困擾。皇馬應該會似上季一樣。

德甲：拜仁
- 德甲既形勢係拜仁一隊獨大，其他既實力難以抗衡。除非拜仁自身出問題，冠軍無理由唔係拜仁。

法甲：里昂
- 法甲既情況不但同德甲類似，仲比德甲更加嚴重。里昂實力絕對超班，其他既根本毫無還擊之力，幾乎等同魚腩。要法甲唔由里昂蟬聯，除非里昂內亂。

好耐無見

haha, 長話短說.
英超方面阿仙奴應該都率先退出爭霸行列, 睇來都係以亞軍/保前四為目標, 但對整個形勢仍有大影響.
利記係就係海鮮波, 但去季買的中堅同埋羅比堅尼個人認為絕對係有料之人, 紅軍今年仍不可睇小.
曼聯其實絕對唔係你想像中咁穩, c朗呢個計時炸彈唔知幾時爆, 貝碧係唔係買到亦係問題. 傑斯退居後備問題還不算大, 但雲達沙同史高斯又老一歲對紅魔不無影響, 尤其係個人對古斯鍚一d信心都無  
最後, 最唔認同的係車路士, 史高sir領軍能力不弱, 講整體陣容連後備的話係英超20隊之首, 中後場亦無年老/退化問題, 只要前面擺一個醒醒定定的前鋒, 曼聯要繼續keep住個1st會好有難度.

意甲大致認同, 不過羅馬年年都有人走, 但相信只要有totti係度, 仍然係3甲之選. 不過個人覺得唔好睇少祖記. 至於AC.... ...希望佢地呢個似打winning的陣式可以有d驚喜俾大家喇 .... 同埋預計佢地後防可能會更差, 馬甸尼超過40無可能場場出, 尼斯達成日傷, 最可靠數數下已算卡拿迪斯, 跟住其他已經唔多俾到人信心....

西甲巴塞教頭無exp.係一大隱憂, 不過個人覺得今季陣容係近2年最好(唔係實力問題, 而係排陣上同埋球隊氣氛). 皇馬拎冠軍機會無錯係最大, 但唔多覺會好似你講得咁穩, 尤其係o岩o岩收到佢地買埋雲達華治, 小心中場大塞車

德甲....唉, 連保路斯基都過埋去拜仁, 雲達華治又走埋, 仲有咩睇?

法甲....無乜睇, 唔太清楚形勢, 不過睇積分榜其實佢地上季已經係嬴得較以往幾屆險. 歐聯表現所見, 卡斯度好似有d停滯不前, p祖老化得幾快, 老鋼門又走左....真係靠雙賓就搞掂?   by the way, 呢隊里昂已經唔係能夠不時係歐洲場上俾到驚喜球迷的果隊波了

大家好~
球壇收咧呢度都靜晒~

意, 西, 德基本上同樓主睇法一致~
里昂年年賣星賣咗咁多年, 其他隊又年年增強, 其實候利亞走個年我己經覺得里昂未必咁穩, 今年似乎有少少唔同, 照波爾多vs里昂一仗睇, 里昂未必再係「超晒班」既行列, 法甲既大戰開始對爭霸有d影響喇! (之前好多年都係里昂輸幾場大戰都照輕鬆棒盃...)

英超曼聯無錯中場兵源充足, 但前後其實都缺兵, 戰術上亦其實變化不大, 霸氣不足... (無錯我係悲觀既魔迷)
阿仙奴連年賣星, 今年變化更大, 雖然話雲格既強項亦於始, 當年買個不知名既「多哥球皇」亦掂, 戰力不足, 氣勢卻其實不俗, 只要保持到全年平穩, 雖然未必有力爭霸, 但係實力同表現絕對會影響到最終既結果~
利物蒲一向都海鮮, 但係托利斯絕對係當今最強之一, 加埋羅比堅尼, 攻擊力絕對數一數二, 自九零年代利物蒲都以防守足球作主導, 個人認為今年既利物蒲只要輪換得不太過份, 絕對可以挑戰冠軍!
車仔由史sir執教, 相信對阿巴鐘愛既悅目/進攻足球有幫助, 加上迪高既加盟, 絕對對行軍既流暢度有正面幫助, 我心目中佢地要面對既問題反而係史sir點樣排條中場線, 艾辛係必然正選, 要以林伯迪高波歷克填滿中場線, 球員既特性上似乎問題不大 (既然林伯波歷克己經成功融合), 實際上做唔做到係另一個問題, 咁樣做既效率/效果亦係另一個問題, 但個人對迪高加盟車仔既睇法係正面既!
另外, 個人認為保辛華亦係另一個好重要既加盟, 費拉拿一向被評為車仔後防弱點, 以係今年歐冠表現突出(特別係斬波路線, 力度&落點)既保辛華, 加上另外三名有名有實既超名牌泰利,卡華路& a高爾, 陣容十分完整, 絕對不在曼聯之下

通常聯賽冠軍都有個慣性響度，撇開五大聯賽，近幾年，葡超都係由波圖贏，荷甲由燕豪芬贏，蘇超則由些路迪支配。

法甲里昂從上季聯賽睇確係有所退步，之但係唔駛輸，原因係法甲其他球隊實力實在太渣，最有機會挑戰里昂既馬賽，根本就打唔成氣勢。睇今年法甲各隊收購，都見唔到邊支球隊有驚喜。響歐聯里昂可能會差好多，但聯賽就可憑欠缺競爭對手而蟬聯。

五大聯賽中以西甲算係無咩慣性，各支球隊積分差距並唔過大。本來都諗住貼巴塞，不過考慮到今年大換血，以新教練既能力睇，磨合唔會咁快，其他隊伍又欠缺有利條件挑戰皇馬，所以先至貼皇馬贏。

至於英超都係果句，
紅魔無錯c朗係大隱憂，但以費格遜既經驗，應該會處理到，唔會影響紅魔士氣。
而阿、利、車各自既問題，都會構成爭標障礙。
阿仙奴、利物浦搞局未必有，保住前四都仲有機會。
車大炮唔係大菲有無料，而係班主干政，大菲既才能未必會充分發揮到；
車大炮就係因為班底太過雄厚，排陣有困難，加埋班主插手，問題可能會複雜好多。