轉貼 : 約會qq女出街報告
早幾日約會 qq 女北上見面, 坦白講, 約得qq 女出黎都係為左想 foc, 好啦, 其實我地係見面前已經約好左係邊度見, 並且同佢講我唔會去到再打比佢因為大陸卡斷分鐘計錢, 好重皮 ,我地見面之後, 佢見我渣住幾個惠康膠袋, 問我係咩黎, 說時遲那時快 佢已經打開左我個膠袋來睇, 依家女 人真係冇禮貌, 好啦, 之後佢同行行下街, 佢突然話要去睇衫, 仲話想我送件衫比佢, 佢真係有撚病!!!!!!! 我當然斷言拒絕, 冇幾耐行行下又話肚餓要去茶樓食野, 好彩我早有準備, 頭先所講既果幾個惠康膠袋入面, 其實我預先係屋企自已煮好左既豐富午餐同晚餐 ,之前果晚食淨既隔夜冷飯同送菜, 一舊腐乳,?二條白菜仔, 仲有成半塊 2 mm厚既午餐肉, 一式四份, 打算一人一份, 午餐一份晚餐一份, 膠袋入面除左有飯盒之外, 仲有幾卷廁紙, 以供抹汗同"完事後"之用,當然其他必需品都有, 好似係屋企裝定幾支水出黎, 同埋有幾塊嘉頓方包同一樽花生醬, 行行下街肚餓可以做零食.... 所以話我都算係唔話得, 對qq 女真係好大方!佢一見到我果d 食物, 即刻黑起晒口面, 其實我明白, 呢一種係一種極度高興同感動而產生既反面情緒表達方式, 中國人有句話"喜極而泣" , 太開心就反而會喊, ...所以佢黑起口面 其實即係 對我為佢親手準備既午餐而感動!! 好啦, 開餐啦, 佢竟然話唔舒服, 唔想食.... 其實我知呢d係佢藉口黎, 只係佢唔捨得去食我親手整比佢既野姐~~ 之後行街, 佢又係繼續話想要買呢樣, 買果樣, 可惜到最後我都係冇買到比佢, 好啦, 由同佢見面左差唔多 4個幾鐘 , 我都冇消費過一毫子, 真係好成功! 佢好似前世係餓鬼來, 4點幾鐘又話肚餓, 咁我又囉個晚餐飯盒出黎啦, 點知佢話未有咁早食飯, 叫我去同佢搵個地方涼冷氣, 食個tea... 咁好啦, 我就同佢去左附近 一個有空調開放既商場, 然後搵地方坐, 點知 原來果個商場入面冇chair 比人坐, 咁佢就指住間餐廳話要入去... 梗係唔得啦!! 就係咁, 我係個膠袋入面囉左塊嘉頓方包出黎, 查上d 花生醬, 之後就比佢, 佢就發我火, 話依家唔駛我請佢食, 叫我唔好囉d 垃圾出黎比佢 :唔怪之得咁多ching 話大陸妹物質主義, 原來真係架.. :smile_39:好, 既然唔駛我請, 我就即管同佢入去坐下, 我有我食我自已帶來既花生醬方包, 佢就有佢飲既什麼珍珠奶茶, 我一望個餐牌, 佢杯什麼珍珠奶茶成 15蚊杯, 唉, 15蚊比左我好過啦.咁之後佢飲完, 佢好似想等我叫埋單, 我心諗, 我叫咪要我埋, 彩你都傻, 就係咁樣 我同佢鬥坐, 坐左成粒鐘我都若無其事, 之後佢都係忍唔住叫左服員去埋單~ 行到出門口, 佢竟然同我講話有事要走先......... 之後我就去四處搵公巴, 同d 大陸佬一齊逼上去架車度, 點知呢架車唔係入錢, 係有個女仔係度賣票既, 咁我靜靜雞係後門上, 等佢個頭拎轉左先上車, 然後上到去, 佢向車尾行, 我就向車頭行, 佢向車頭叫人買飛, 我就走番去車尾,
好彩成架車夠多人, 最後係個車入面閃來閃去之後, 佢都唔認得我, 冇叫到我買飛! yeah!!!!!! 落左果時, 行到羅湖商業城, 外面有個11,12歲既女仔走來同我講話佢自已幾日無食飯, 好慘,..... 咁我就一路行一路問佢點解唔食飯, 佢就話冇錢食飯, ..... 咁我又問佢點解冇錢....佢又同我講話佢媽媽冇錢...咁我又問佢點解佢媽媽冇錢.... 佢又話佢地好窮.... 唉,講來講去都解釋唔到冇錢既原因, 不過算啦, 我份人一向都好慷慨而且唔計較既, 所以我就停低左, 咁佢就伸隻手出黎, 我就叫佢囉個兜出黎, 佢就真係係身上面囉左個兜, 嘩, 個兜好污糟, 仲有二三蚊係裡面, 唉, 唔理佢啦, 我就囉左本來為qq 女預備既隔夜冷飯菜汁, 撥落去佢個兜度, 佢就即刻呆左咁企係度,..... 冇再跟上黎., 可能... 可能佢幾日無食飯, 一見到有米有菜仲有半塊 2mm 厚既午餐肉感動到呆左... 包膠完畢
我係想轉貼比師兄睇下,居然有d咁賤嘅人
相關搜索目錄: 茶
