今日上咗一個重要既一課,d扮野老闆同謀體老作人成日講一部成功既電影應該點樣做市場計算,國內就點點點,東南亞就要點點點,國際化就要點點點…估唔到今日睇咗一部[爆粗band友]真係大開眼界. Ok,搞笑完素絕對係有, 但係呢部外表[騎呢]片,點解可以在日本票房幾乎勁過[鐵達尼], 係呀, you jump Ijump既[鐵達尼], 你估heavy metal rock音樂係日本真係既受歡迎? ]原因我睇得一個就係個主題竟然係講做人要有理想,真係勁到不得了, 一而再,再而三講[年青人要有夢想], 主線圍住一句說話[no music, no dream]…,夢想到底有幾重要,你又為你既夢想做過d乜野?頂,全香港10年來既電影,有邊套問過呢種問題?又有幾多套係正正經經回答過,面對過?壹仔個大影評睇唔起呢種日式熱血電影, 認為係老土同過時.我反而覺得呢種[正能量]偏偏就係港片現下最欠缺既元素.

故事方面簡單到不得了, 一條鄉下仔出東京讀大學,本來佢在大學中仲好地地,話佢個理想係做民歌歌手, 成日同佢既學弟學妹講[no music, nodream],搞到佢地讀完書之後揀職業都有影響,但個鄉下仔自己反而讀完書之後就被人呃咗去做heavy metal rockband既主音仲要係化裝化到鬼五馬六,而且愈做愈成功…之後鄉下仔就要過住雙面人既生活,講真我覺得呢部戲描寫雙面人既茅盾同痛苦仲真實過batman…anyway,之後劇情必有溝女同band大賽等等…好多野心中有數,但係好好睇,前後有呼應, 劇情線完整, 演員方面算ok, 唔係靚仔靚女,不過做得自然.唯一唔鍾意聽部戲既rock歌,同埋部戲不停fcuk,fcuk聲, 突然諗起香港電檢既虛偽,唔知係唔係日本人發音唔正, 可以比佢出到街,反而香港電影上至[黑社會]頭目下至古惑仔,全部都講野異常斯文,真係虛偽到fcuk..........

今時今日我好希望本片在香港有好既票房,等d投資人同電影創作人好好反思下以後條電影路係應該點行…

呢套漫畫都大賣, 入面既題材反映左好多樂壇, 或者社會上荒謬既野....我未睇套戲

同意,
如果抱住想睇搞笑野/想睇松x研一既心態入去你會冇咩得著,
有騎呢位但唔會令你笑到碌晒地, 有松x研一但唔係你心目中偵探頭腦L,
所以有咁既心態既人請三思.

最main point都係夢想,
始終日本當地文化, 好多人都好negative,
所以日本好多product,有正面積極訊息都有人buy個idea.

可能有人覺得偶像一定要以身作則先可以教人,
Karuser歌曲內容已經教壞人, 點可能帶到夢想比人?
推薦大家去睇, 睇完可能會幫你諗到個答案係乜.

我都睇咗爆粗band友,好睇 好好笑 ,
電影裡無論人係點樣都可以有一個夢想
< no music ,no dream >
that's is a good film

琴日我都睇左...好唔明點解套戲粗口多到fxxk..但係竟然唔係3級片..反而hk d電影..講2句都比人嘈生哂....
係電儉處佢地祟日祟到唔知老豆姓乜??定係佢地覺得港產片易蝦呢???
個人都幾鍾意松山研一...覺得佢唔會得個樣...真係肯放底形象黎演活唔同角色...好似nana(呢套都幾蝦佢..冇計...矢澤愛畫少女漫畫既...)..L...同埋呢套...(做乜次次o係hk上映都係改篇????)....都幾期望佢之後d作品...
不過..我都唔係好明...death heavy metal 點比人希望???乜death heavy 唔係以主張消極同毀滅既咩???