[原創] 我睇咗[曾是超人的男子]

Ok, 我知部戲在香港有另一個名, 睇完部戲之後就知道香港戲名[我的超人男友]呢個名同部戲一d都唔夾, 香港d電影宣傳人簡直係超級白痴,任何戲一有全知賢,套戲個名就一定係我的xx男友, 佢老味…唔該有多少少創意呀!!!!

講番部戲先, 首先聲明呢部戲係唔好笑同唔愛情feel, 所以心中有數入場就會好d. 戲中內容都幾錯綜複雜, 基本上有一日大城之下出現咗一個男人(黃政民),周圍去幫人(但係又唔d大件事)都係d細野,例如幫阿婆過馬路,捉吓小偷之類. 而佢既行為就吸引咗一個城市大搜查之類既製作人(全知賢)注意,開始追訪呢個男人.兩人一碰面,個男人就同全知賢講佢真正身份係superman(心口有個大S字嗰位),但因為被奸人所害頭內比人藏咗粒黑氣石於頭內所有能力盡失.但佢依然要行SUPERMAN之道,盡佢能力去幫有需要既人. 之後全知賢一路周圍查發現呢個SUPERMAN原來有個平凡既過去,頭中既異物又千真萬確….未睇就唔穿橋. 有興趣就入場啦, 千忻唔好睇好翻,因為老翻字幕譯得5,6成左右.根本睇唔明…

近期唔知點解睇咗唔少良心電影, 呢部[曾是超人的男子]又係良心戲, 講真部戲手法上同劇情上都有破綻,全知賢有少少殘,黃政民唔靚仔又有少少煩. 不過我比部戲既MESSAGE所感動(竟然唔係全知賢!!!), 能夠幫人時就應該出手,多D關心社會事項. 睇番現下既香港人, 冷漠,麻木,八卦,輸打贏要,問佢地乜野係溫室效應就唔識答(仲覺得唔識係冇問題), 戲中既精神病人比而家既正常香港人[有心]得太多. 片中有場戲, 講交通意外周圍既市民就係圍觀吹水同用手機拍片, 結果車中人就由有生命變燒死…世態炎涼, 請問有良心既人你地死晒未?

[ 本帖最後由 runaway 於 2008-11-13 12:57 編輯 ]