突然記起中學年代（１９８０）有一間幾出名既美而廉餐廳
唔知大家有冇印象
一個快餐賣幾錢
記得旺角及深水埗都有店

梗係記得！
我o靚仔第一次食扒就係o係荃灣的美而廉餐廳，新開張頭2日，仲要排隊等位。

now still one in sai yee street next to China Travel Service/ Macpherson

嗰度 d 食物都仲 keep 到唔錯嘅水準o架 , 間中都有 d 型男索女去幫襯

我小學係九龍城美而廉開飯, 下午叫常餐有餐湯(多數係淡到乜既羅宋湯又或係類似麵粉水既忌廉湯), 一碟飯多煮菜少既飯, 再加好似茶餐室洗刀叉既水杯咁大既加凍飲, 如果加兩元可轉特餐, 特餐多數真係會多舊魚(炸魚一塊)咁大把, 其實食物的確係廉宜不過唔稱得上美

旺角洗衣街重有一間！

still in SSP

引用:

原帖由 algg 於 2008-11-19 21:52 發表
still in SSP

algg 兄，
【深水埔】【福榮街】果間【美而廉餐廳】，無做o左成五、六年喇！...原址現在係【馬德里餐廳】...睇o黎你好耐冇落【深水埔】.....

以前美孚新村都有一間, 90年代已消失

引用:

原帖由 11111186 於 2008-11-19 20:46 發表
旺角洗衣街重有一間！

23 年前幫襯過一次, 難食到嘔!!!

Still one in
Lockhard Road/Canel Road
Wanchai

引用:

原帖由 ali 於 2008-11-19 03:36 發表
梗係記得！
我o靚仔第一次食扒就係o係荃灣的美而廉餐廳，新開張頭2日，仲要排隊等位。

記得好似係$5.5, 84年後因為小弟番全日制學校日日都出去食飯所以好記得係6.5元左右, 買盒飯當時都要4至5元不包飲品,所以都算便宜

引用:

原帖由 11111186 於 2008-11-19 20:46 發表
旺角洗衣街重有一間！

70年初己在, 學生時代經常去.
對面有間好似叫"金牌"西餐廳, 也是當年蒲點

引用:

原帖由 public59 於 2008-11-20 22:29 發表


70年初己在, 學生時代經常去.
對面有間好似叫"金牌"西餐廳, 也是當年蒲點

"金牌餐廳"最近執咗啦,
個學生餐又平又正,凍飲唔加錢,重有甜品送.
食完飯會走去麥花臣球場猜留2腳,"得寶"轆令,
及"依館"玩吓,不過"依館"就快拆想去懷舊請早.

[ 本帖最後由 dynmv 於 2008-11-20 23:55 編輯 ]

七零年在潮州公學放學後常到麥花臣球場 必經之路 有無見過呢 ？.

引用:

原帖由 cooolman 於 2008-11-19 22:08 發表

algg 兄，
【深水埔】【福榮街】果間【美而廉餐廳】，無做o左成五、六年喇！...原址現在係【馬德里餐廳】...睇o黎你好耐冇落【深水埔】.....

oh!!  :  )  tks for the info.

1975年中一時經常去洗衣街果間.

我的中學時代也在'美而廉'渡過不小日子...........

我去果問響太子近旺角差館地鐵站旁...而家中資银行果個位罝...

果間美而廉有兩層'樓上雅座'...小時候有疑問點解樓上一定係'雅座'...咁樓下咪

不雅......

所以多數上樓上.....

記得當時一個快餐大慨要$9.00

包括~超熱餐包,一粒牛油+紅湯or白湯+朱扒反(唔記得可唔可以改意粉)+一杯很多冰的汽水.....

常餐大慨$12.00 ~多舊魚同多杯通常都唔食嘅白色雪糕.......

食物方面當然稱不上好味但咁嘅價錢同環境都十分唔錯

有師兄提過洗衣街'金牌'執左拿...早兩年仲去過又係座樓上重有街景tim

又冇左拿

唉.......小弟有一難忘回憶........

第一次同女同學食晚飯就響金牌,果陣大約1985....

得幾'條'响身同個女同學去文華戲院睇戲(現在朗豪坊對面)睇完戲個袋得番廾皮唔夠.....

散場後人頭湧湧(以前真係好多人睇戲架)...佢問我去邊呀....心諗得堆"神沙"去得邊鴉...

當時她提議不如去食飯....嘩!大檸樂~~食飯~~當時立即暗數褲袋究竟仲有幾多錢

結果都有廾零蚊....當時腦袋一轉美而廉即時出現眼前(即洗衣街宜家仲建在果間)...

點之去到~~冇位~~

跟住女同學望向對面手指一指:不如過對面金牌好嗎?

當時支唔以對 心諗最多叫一個餐兩份食都應該夠掛,死就死啦最多洗碗...

那一條馬路十分長我當時望實美而廉的大門'快d有人出嚟'........

結果我響金牌遙望對面馬路的美而廉連門也未被打開過......

回頭一望餐板(門口好大塊紅底白字)晚餐$22.00.......

這時有一隻十分温柔的手...拉著我當時仍在擅抖的手上了'雅座'....

'兩位想食d乜野'打了bow呔的(當然不是曾特首)侍應問我........

am.....我想要..........           女同學忽然插咀:兩個晚餐吖,唔該!

:Q :Q

今次仲唔洗硬碗.............

隨住bow呔離開落單時..女同學:你今日請左我睇戲呢餐我請番你吖!.........

咁唔係咁好喎............

得啦....我打電話番屋企話唔番去食飯先....餐飲幫我叫杯凍o茶吖........

跟住佢就走左落樓梯轉角打電話......

果餐飯食得非常非常開心

除左因張單我冇錢埋之外..........

有多小感觸~~唔係話而家d女仔唔好.....但感覺以前d女仔有情有義多d

當然我能夠遇到佢,亦都係我嘅幸福...........

引用:

原帖由 lainick88 於 2008-11-26 11:56 發表
我的中學時代也在'美而廉'渡過不小日子...........

有多小感觸~~唔係話而家d女仔唔好.....但感覺以前d女仔有情有義多d

當然我能夠遇到佢,亦都係我嘅幸福...........

絕對同意!
我同女仔出街一定唔使女人比錢(大男人死要面) ,
一杯雪糕2份食,一支可樂一齊啜.
都唔知幾溫馨浪漫.

引用:

原帖由 lainick88 於 2008-11-26 11:56 發表
我的中學時代也在'美而廉'渡過不小日子...........

我去果問響太子近旺角差館地鐵站旁...而家中資银行果個位罝...

果間美而廉有兩層'樓上雅座'...小時候有疑問點解樓上一定係'雅座'...咁樓下咪

不雅. ...

咁你有無好好珍惜呢個比到幸福感覺既女同學呀？

引用:

原帖由 orange22 於 2008-11-26 01:48 發表
1975年中一時經常去洗衣街果間.

旺角洗衣街果間美而亷係响1963年開業, 當年快餐$1.2, 特餐$1.5, 右鄰鋪是九龍體育用品公司.
其實鮮有人提及美而亷在最全盛時, 1973年開業在旺角西洋菜街/奶路臣街(現銀行中心後對面)之一間餐鋪,鋪高兩層, 佔地很廣, 相信是美而亷餐廳經營規模最大之一間. 其最特式及慷概的是在地下鋪門口外掛上有三個橙色街綫電話, 供路人任用, 但該三個電話內置了時間, 每通話三分鐘便會自動咳綫一次, 非常實用, 並吸引很多路人使用, 間接造成了門面頗熱閙的情景.

90年代尾灣仔鵝頸橋側開左間叫美而廉
但環境裝修同以前完全唔同
唔知係咪冒牌....
不過好快就執左
依家做左銀行

引用:

原帖由 ces 於 2008-11-20 00:32 發表
Still one in
Lockhard Road/Canel Road
Wanchai

Last week went there
the cafe is still there
but the name has changed

Alas
the fading away of another memorable place

引用:

原帖由 11111186 於 2008-11-26 19:40 發表
咁你有無好好珍惜呢個比到幸福感覺既女同學呀？

我都想知喎, 之後點呀?

唔知大家仲記唔記得幾年前美而廉曾經有過一單官司呢？

明報2002年4月：

一對男女到旺角洗衣街美而廉茶餐廳進餐，兩人共享一個廿七元套餐，由於茶餐廳列明「每人最低消費十二元」，茶餐廳職員指他們只點了一份餐，故要另付十二元。該對男女認為不合理，並指茶餐廳職員態度惡劣，遂入稟小額錢債審裁處，追索不合理徵收的十二元，連同訴訟查冊的支出共追討卅七元。

申索人及男性友人一度堅持不會多付十二元，茶餐廳職員即時報警，又惡言相向，指他們「無錢就唔好食﹗」何指到場的警員稱，若得到別人服務後不付款便屬違法，兩人於是照價付出卅九元。他們曾求助消委會不果。

由於申索人填報與訟公司的資料不正確，需要重申入稟追索。申索人表示會繼續追索。美而廉茶餐廳經營逾三十年，以廉價作招徠。茶餐廳職員表示，「每人最低消費十二元」已訂立多年，縱然最近市道低迷，仍無損生意額。茶餐廳職員表示，每位顧客均要點食物或飲品，而事發時正值繁忙時間，曾有職員提醒兩人多點一份食物，但兩人沒有理會。

最後應該是美而廉勝訴

[ 本帖最後由 atlantean 於 2008-11-29 20:55 編輯 ]