[轉載] 愛巴多過家

HJ2127_ATR1

紅巴

moderator

Rank: 8 Rank: 8

帖子: 42283
積分: 1000560
金錢: 228975
性別: 男
註冊時間: 2001-11-20

Medal No.9 Medal No.10

1^# 大中小發表於 2008-12-19 12:27 只看該作者

[隱藏廣告]

[轉載] 愛巴多過家

[轉載]

癡看：愛巴多過家
12 月 6 日是九巴 70 號線行駛最後一天，近 300 名巴士迷送它最後一程，為其拍遺照，可見香港巴士迷的確不少。瘋狂如郭炳華，更神化地對巴士產生一份擬人化感情，豪擲 20 萬買四架巴士、開設 7 間巴士精品專門店，對巴士多過對屋企人，愛巴多過愛家。

狂迷編號： 014
姓名：郭炳華（ 50 歲）
年資： 45 年
職業：巴士模型設計師及模型舖老闆
總花費：約 50 萬
最珍藏： 10 歲時攡有的丹拿 A 型火柴盒巴士玩具，當時售價 $0.1 ，而且是香港製造的。
夢想：與巴士迷搞巴士歷史回顧展。

霸氣十足　巴不得不愛
不難發現身邊總有一兩個巴士迷，我初戀女友、副刊同事、中學同學就是巴士會會友，一提巴士停不了口，由巨龍講到丹拿，再談到歐盟三期，巴士歷史背得滾瓜爛熟，身旁的郭炳華笑言是其中一分子，愛巴士全因它那份霸氣，情況一如弱小女孩愛大肥仔，貪那份不能言喻的安全感，「細個我生得矮，巴士好大架，感覺好威猛，自己讀緊小學三、四年班，屋企唔係好有錢，無得坐校車，每日搭 2E 返學放學，當年車費幾毫子，由大角嘴去石硤尾都要搭成 45 分鐘，不過自己好 Enjoy 遊巴士河，試過遊足一日，我只會坐我最鍾意  兩個位，一有人坐  ，我就會企足全程，好怪呵？」我搖頭笑說：「不怪不怪！」
若沒這些堅持，他又怎會由開畫廊轉為開模型舖，再由畫油畫變成畫巴士設計圖呢？「細個最有錢  時間一定係二月，因為新年有利是嘛，每年大概有 $500 ，我會狂買巴士仔；平時日子呢，會死慳死抵買價值 $0.1 一架  香港貨，手工當然輸畀英國貨啦，六十至八十年代期間，我已經儲  超過 100 部玩具巴士，我應該由當時開始中巴士毒，哈哈。」

玩物壯志　公諸同好
巴士是港人集體回憶一部份，由熱狗到冷氣巴，由售票員到八達通，一切一切都在轉變中，人大了，為節省時間我們乘的士多過乘巴士，問郭炳華會否因為人大了錢多了，就和巴士關係疏遠？「無錯我係少坐  巴士，但唔等於對巴士  熱情減卻，我  家比細路仔  陣更瘋狂，經常為設計新巴士模型捱通宵。有次為  設計一架加 LCD Mon  新巴，我足足花  三個星期研究，我  時間同精力全部放晒  巴士，關係從來無疏遠過。愛一樣  係唔會轉變，只係層次唔同  之嘛，以前，我享受自我陶醉，巴士係滿足自己  兒時玩物，開舖頭，識到好多志同道合的朋友，我鍾意將巴士模型公諸同好，多入貨多設計新款式，獨樂樂不如眾樂樂，有知音會更開心。」
他創業，要由 1994 年說起，那時他在上環西港城租舖，邊賣他的油畫邊從英國購入巴士模型出售。當時香港的巴士公司並未推出自己的巴士模型，所以他要由英國入貨，但由於英國本土巴士比香港短一些，為令顧客覺得模型逼真，他要把英國入口的金屬巴士模型切開再加長，玩得非常認真。

助養巴士　勞心勞力
除巴士模型外，他還「助養」了好幾架巴士，實行做巴士爸爸。「買一架巴士大概 $50,000 ，不過要架巴士行得走得就一定要大修，人工加零件費起碼要 $100,000 ，再粉飾一下外貌又要幾萬，好似裝修間屋咁，每一樣都係錢，不過有架私人巴士，可以自己一個人遊巴士河，感覺真係好正。」
每月維修費及停車場費要 $5,000 ，他笑言送一架給我，我只有苦笑耍手擰頭。「我自己最鍾意就係呢架 1954 年  丹拿 A 型車款，係當年行駛九龍路面  第一批雙層巴士，呢架巴士足足維修  十幾萬，  家見佢行得走得好安慰，遲  載埋你一齊遊巴士  。」樂此不疲的與別人分享自己所愛，這才是真真正正的狂迷。

唔係小兒科
身為巴士狂迷，應該對巴士有一定常識，我出三條問題考郭炳華，講明不准打電話問朋友兼答中無獎：

1. 那條是現時全港最短巴士線？車費幾多？
郭生：「九巴 71B ，大埔去大埔每位 $1.6 。」（ Bingo ， 71B 由富亨村總站去大埔中心，循環線行車里數 2.3 公里，車費 $1.6 。）

2. 那條巴士線停站最多？
郭生：「應該係城巴 698R ，由小西灣藍灣半島去黃石碼頭，全程 72 個站。（對！不過九巴 53 號與城巴 698R ，都是全程 72 個站。）

3. 記不記得巴士阿叔姓甚名誰？
郭生：「呢個真係唔記得。」（巴士阿叔名叫陳乙東！不記得也很正常。）

TOP

‹‹ 上一主題 | 下一主題 ››

[轉載] 愛 巴 多 過 家

[轉載] 愛 巴 多 過 家

[轉載] 愛巴多過家

[轉載] 愛巴多過家