引用:

原帖由 至尊豪庭9 於 2009-1-10 12:50 發表

纖十?唔係一流,航空母艦?遠東發展中國家有咩?講好多專有名詞?即係得個講字啦!!

起碼要識先有得講��

引用:

原帖由 netvigator 於 2009-1-11 04:14 發表


起碼要識先有得講��

要做好reserach, 先答得嘴

[quote]原帖由 屍屠華 於 2009-1-10 22:40 發表
英戰機被美國導彈擊落

其實一般現代導彈既命中率都好高(八成以上)。

所以擊落唔奇怪，唔中先奇怪。

歐盟仍然斷緊氣

呢餐飯食足成個星期先返嚟再寫.     
而歐盟斷氣呢壇嘢搞足成個星期一樣未掂
歐洲天寒地凍, 都咪話唔金
其實, 北極熊明要鞭打烏克蘭
點知連歐盟班財主佬都要一齊捱打

北極熊好明顯一定唔會俾格仔同烏克蘭有喘息機會
烏格俄結怨根源其實要追溯到前蘇聯解體開始講起

蘇聯解體初期, 以往北約與華沙公約集團對峙情況唔再存在
起初北約答應俄羅斯唔會向東推移
誰知其後十幾年
政治經濟為主嘅歐盟陸續將前蘇聯一堆衛星小國吸納為歐盟成員
軍事上, 北約大力向東擴張
蘇聯解體後頭十年, 北極熊掌門人葉利欽簡直係賣國咁賣
經濟政策以 Friedman (佛利民) 為顧問度出一個所謂震盪治療法
將前蘇聯所有經濟體制全部摧毀
呢一震未能將北極熊經濟震起, 反而震到內傷兼吐血
終於1998年, 技術上其實係國家破產
俄羅斯宣佈國家債劵信用違約 – 即係賴債
亦係咁, 俄羅斯人忍無可忍
特務頭子出身之強人普京唔知揸住葉利欽某 d 把柄, 迫佢讓位
果十年八年北極熊被所謂西方自由經濟模式折磨到嚴重內出血時期內
美國為首嘅北約, 法德為首嘅歐盟無所不用其極步步進逼北極熊腹地

而北極熊賴以為生嘅兩樣資源 – 黃金與石油
黃金跌到地板價 (即係將黃金壓成薄片鋪地板, 平過木地板 ) – 200美元一盎司
石油低至 12美元一桶
北極熊日子悲慘如賣血度日
普京上台後鐵腕剷除寡頭,黑幫,壟斷國家資源
加上科網股爆破後美國全力催谷金融資源泡沫
石油黃金價格飆升, 直接令北極熊財源滾滾
但地緣勢力已經所餘無幾
最後腹地烏克蘭, 格魯吉亞亦相繼顏色革命
北約已經將兩者吸納為成員建議提上議程
烏克蘭為俄羅斯黑海艦隊主要基地
格魯吉亞位於北高加索地區, 為北極熊通向中亞之路
兩者戰略地位關乎北極熊自身安全, 北極熊退無可退也
所以, 將呢兩件前衛星小國打殘打謝係必然手段
亦向其他東歐小國殺雞警猴 : 唔好欺人太甚 !   

[ 本帖最後由 飛毛腿 於 2009-1-17 21:49 編輯 ]

毒打格仔一役, 歐盟忙於調停 – 動口不動手
超級大隻佬美國袖手旁觀
終於德法帶頭反對將烏格兩國納入北約
相信其他小國睇見都心寒

近年北極熊每年都借輸氣問題折磨烏克蘭一劑
又睇吓今次兩個大佬又做 d 咩幫自己隻馬撐 ?

美國 – 跟格魯吉亞簽署 “ 戰略伙伴憲章 “
--拿, 大佬實睇你架
--你放心, 繼續去做砲灰, 唔好停……
- 烏仔, 你俾心機撐住呀…..  

歐盟 –
俄烏雙鬥初期, 關人隱事, 你兩個打餐死, 唔好累我就得喇
北極熊 " 好無奈 " 地切斷供氣累及歐盟, 歐盟被拖落水去調解
歐盟只著手搞一份 “ 俄輸歐天然氣過境烏克蘭的問題 ”, 你地俄烏之間供氣糾紛, 價格分歧, 唔關我事…
俄羅斯與歐盟簽署供氣協議後，歐盟卻與烏克蘭之間卻增加一份 " 附加協議 "  
協議迴避俄羅斯, 唔想牽涉入俄烏之爭…
歐盟想側側膊過關, 北極熊俾面的話隻眼隻眼閉都算喇, 點知….
梅德韋傑夫話 : 你歐盟同烏克蘭雙方同意乜, 唔關我事, 我地唔會承認份附加協議 !
歐盟話到尾都係地球上有頭有面大佬級人物, 照理點都要同北極熊撐兩嘢先啱….
點知, 歐盟鵪鶉一樣拿拿聲撤銷相關附加協議，只求俄羅斯儘早供氣….
歐俄間問題傾妥, 照計可以供氣啦………咪住 !
輸氣線路之爭未傾掂, 俄要供氣俾歐盟就一定要經烏克蘭
北極熊話烏克蘭偷氣, 中間抽水….一日唔解決俄烏之爭, 一日都解決唔到供氣歐盟
即係話, 歐盟難以置身度外, 想煩少一鑊都唔得
到今日為止, 新聞報導話歐盟, 烏俄仍然繼續就輸氣問題開會…..  

格仔一役之後, 繼而雷曼兄弟拉閘
歐美兩個北約大佬陷入深度金融危機, 自身難保
北約成員國冰島陷入破產邊緣, 賒借無門之餘, 英國仲要凍結冰島政府在英資產
大家兄弟幫, 冇人出手相救仲要落井下石
所以冰島谷氣之下, 揚言要向俄羅斯借錢救急….
今日烏克蘭俾北極熊折磨
歐盟自顧不暇, 唔通向北極熊話烏克蘭條數入我數啦 ?  
美國 ? 奧爸媽上台第一件事就係..... 撲水 !   

講講吓, 我又忽然諗起....
前兩年梁家傑咪去歐洲議會向洋主子詐嬌, 李大狀就去美國議會哭訴...
講香港點樣冇民主呀, 冇言論自由呀, 港燦們俾中共折磨到生不如死....
唔知如果有日佢地好似格仔烏仔咁俾人酷刑毒打時
歐美洋主子會點出手呢 ?  

喂﹐飛sir﹐仲有無﹖請繼續。

引用:

原帖由 收買佬 於 2009-1-22 04:23 發表
喂﹐飛sir﹐仲有無﹖請繼續。

栽下梧桐引鳳凰
又引到你呢隻鳳凰飛入嚟喇

歐俄條氣順晒

俄羅斯天然氣工業股份公司１９日與烏克蘭石油天然氣公司在莫斯科簽署了２００９年至２０１９年
天然氣購銷合同。
這為俄羅斯恢復過境烏克蘭對歐洲輸送天然氣創造了條件。

俄羅斯總理普京與烏克蘭總理季莫申科出席了當天的簽字儀式。普京在簽字儀式後說，
俄烏雙方達成的協定符合兩國利益，有助於俄羅斯與烏克蘭和歐洲夥伴建立“長期、穩定、可靠的關係”。


不過
阿蘭子-烏克蘭好似好委屈, 神情落寞
有圖為證 :

[ 本帖最後由 飛毛腿 於 2009-1-22 17:41 編輯 ]

今次北極熊折磨蘭子
歐盟淪為人質, 谷到大頸泡
但對北極熊敢怒而不敢言
對蘭子就唔慌會有好面色俾佢睇  

蘭子弱質女流
俾北極熊左一巴右一巴教訓
指望兩個大隻佬出手相救
區區廿幾億美元贖身費啫
點知超級大隻佬掛住搞世紀新王登基大典
眼尾都唔望多眼蘭子
歐盟大佬心諗同你搞掂呢次贖身
出年你又欠一身債點搞 ? 長貧難顧也
而且我地歐家班咁多窮兄弟
個個有樣學樣郁 d 就伸大手板, 得了 ?
蘭子感懷身世, 自家弱女子無財無勢, 卻又人情冷暖
有乜辦法唔傷感落漠