有無人係果到幫襯過呢?
我麻麻以前係果到開粥檔,向最新南昌街果到, 叫做 東記 呀~~
有無人記得呢?..

i remember there was a beautiful twin in the front and sold the noodle,,,

有孖女??
唔知添...因為我果時都係好細個...haha

我細個都係南昌街出入,但唔知南昌戲院係邊?

但隱約記得有:龍慶酒樓, 有男酒樓, 德興茶室, 旺記燒臘, 南昌大押, 人和悅酒莊, 成記書局.......

當年嘅南昌戲院就喺南昌街近大坑西街近白田邨果度，即係有間失明人仕中心斜對面，我以前住南山邨中一至中三喺廠商會中學讀書(當年仲係職業先修學校,喺男校  ),而家改為中學男女校 ，好多時食飯或者放學都會同啲同學一齊行去戲院對面一字平排既熟食檔食嘢，檔檔都有幫襯過，麵檔、粥檔、燒臘飯。セ有對孖女喺東記咩？ 無セ印象喎 ，最記得食完嘢就行過對面南昌戲院齋睇貼出黎啲相，因為早場喺播鹹片 。最近經過見戲院变咗商場(聽聞已經好多年了)，熟食檔都变成空地，諗番都三十年前了。

i studied in 協同 from 1976-82, my cousin live in 白田邨 so when the school off i would go to 南昌戲院睇 5:30

i remember the first portion of the 熟食檔 was 麵檔 and sorry, maybe or not maybe twin but they are so beautiful

明白了,原來南昌戲院在街頭,而我通常行到恆生银行即大埔道,就搭巴士返屋企,好小機會行到白田
照咁睇,如果行過Ｄ就可以見到嗰兩個ＴＷｌＮＳ喎,走雞添！:-(

以前成日去大排檔食晚飯, 因為阿姨同阿婆住白田
出左來做野之後, 都好少去阿婆度, 只係年年生日見一次

大家分享..................現在已經消失在歷史巨輪下?難忘!!!難忘!!!

原來咁多人住白田,開番個白田童年回憶先,想問下南昌戲院對面既白田商場拆左未?成廿幾年冇去那裡了

引用:

原帖由 夕陽戰士 於 2009-1-31 13:19 發表
當年嘅南昌戲院就喺南昌街近大坑西街近白田邨果度，即係有間失明人仕中心斜對面，我以前住南山邨中一至中三喺廠商會中學讀書(當年仲係職業先修學校,喺男校  ),而家改為中學男 ...

我都係廠商會讀中學架！你個時係咪余sir做訓導主任？

舊校友你好！我當年喺廠商會讀Form 3 H 班,個年啱啱開始攪Form 4 ,新班得兩班,但Form 3 好似有8班(記得唔係咁清楚), 自已升唔倒原校 ,最後派咗去紅磡間聖匠
(得一班F.4) ,喺CMAPS時當年訓導主任叫佘志剛,佢黑蚊蚊碌大對眼好惡死 ，不過我好乖好少俾佢罸 ,佢係教我地工業繪圖嘅,當年校長叫范錦平。