廿幾年前在黃金商場附近有一間蛇店，店主人稱蛇佬操東莞口音，劏蛇喜歡用口把蛇頭咬甩(唔使刀)再把蛇膽挖出賣俾阿伯即場用配酒生吞蛇膽！！！　當年此人玩蛇劏蛇極有娛樂性（雖然女性認為好殘忍），　近年可能安全理由已經沒有街頭表演 。不過當年經過蛇檔見到毒蛇在寵中張口吐舌都幾恐怖！唔知有冇人記得可以分享一下！！！

[ 本帖最後由 keve0223 於 2009-1-15 23:50 編輯 ]

咁咬法又真係幾核突.

果檔野好似叫蛇王善,黃昏一開檔表演,就吸引幾十人圍觀,條友講野非常攪鬼

我也曾在仙樂戲院門外看見有人劏蛇取膽,手法同樣頗殘忍.

記得條蛇佬仲上過香港早晨接受余文詩訪問,問佢余文詩正唔正,條友好招積話:麻X麻, 結果全場笑到死!!! 條友正如樓上朋友講的確幾攪笑,依家仲有沒有在街表演呢?

[ 本帖最後由 keve0223 於 2009-1-15 23:51 編輯 ]

約二十年前,我係油麻地榕樹頭附近晚上,見過有位唔知蛇王x,作過相同表演,人咬蛇,咬斷後即刻放血落杯賣,都好多人即買即飲,滿口血,好似吸血鬼吸完血,這位蛇王x君,唔知系咪你地講個位??

行徑相當相似但我見到的是在深水埗黃金附近,條友自稱蛇佬,以前依稀記得條街好似有兩間蛇王X, 一間叫蛇王成一間叫蛇王善,不清楚是那一間!

十多年前一個大清早  路過油麻地街市近西貢街口  也親目睹上演這幕  剛巧有兩美少婦悠閑經過  好奇駐觀  毫無心理準備  被弄蛇人突然其來的倒胃動作  嚇至目瞪口呆  艷容失色

有可能都是這個蛇佬的所為,大陸有蛇咬雞,香港重威,有人咬蛇 ,唔知邊個会有相片,可post上來睇下。

引用:

原帖由 Lawrencetoo 於 2009-1-17 00:38 發表
有可能都是這個蛇佬的所為,大陸有蛇咬雞,香港重威,有人咬蛇 ,唔知邊個会有相片,可post上來睇下。

原來很多網上都有談論這位人兄  名蛇王燊  我記憶中所見的演出者並不是他  而是余文詩訪問中在葉特生旁的那一人。

正確，　正是葉生旁的那位，此人表演十分攪笑，只聽他說自己是東莞人

[ 本帖最後由 keve0223 於 2009-1-18 18:47 編輯 ]

同意,應該是靚女詩隔離那位。

引用:

原帖由 Lawrencetoo 於 2009-1-18 00:52 發表
同意,應該是靚女詩隔離那位。

我指的是葉生旁比較肥那蛇佬

yes ar......................

講開蛇佬比D新鮮蛇血人飲,除了恐怖外仲好危險,因為生血好容易有沙門氏菌,D阿伯都唔識危險

配酒生吞蛇膽，一樣危險呀！

此情此境,在泰國也見過很多次啦

其實係鬧市放蛇出來玩危險性是有的,不知會否觸犯法例???

大家提及的蛇舖我小時都見過佢表演，真係十分恐怖！
我仲記得有一次行過該蛇舖時，有條蛇，印象中好似仲係眼鏡蛇，突然由舖頭內走了出來，就在我前面望著我，好在蛇舖內立即衝出一個人把蛇捉住，想起都仲覺得驚！