恭喜阿筆蛇塭番個散細妹
話時話我懷疑閣下小時花名叫瓦風嶺
莫非九龍城'性欲強'中學幾拾年前已有獨立思考能力教學
根基穩固
小弟凡人看問題只看表面一般普遍性
阿筆蛇就
寧舍不同創意無限
佩服佩服欽敬欽敬

引用:

原帖由 維圓阿伯 於 2011-5-21 18:05 發表
恭喜阿筆蛇塭番個散細妹
話時話我懷疑閣下小時花名叫瓦風嶺
莫非九龍城'性欲強'中學幾拾年前已有獨立思考能力教學
...

嘩，維圓蛇咁大巴醒過嚟，唔使咁客氣嘛！

我梗係想跟黃小妹認親認戚喇，之不過大家social status唔同，都係遙認算嘞，否則有日佢帶大佬我出席佢啲親友上等人飲宴場合，我唔出聲淨係識傻笑還好，一出聲好似My Fair Lady咁，又粗鲁又冇料到，就穿崩兼失禮人矣！

小弟中學讀嗰間係「性、慾、望」，「性慾強」係隔離嗰間，不過聽講啲哥哥仔俾阿Sir你哋拉哂去戒色所閹鬼哂了！

我小時花名叫「不見天」，因無法無天兼無天裝，連神聖不可侵犯嘅偉大父母都敢將佢哋拉下馬，仲寸過紅衛兵。It’s all Chairman Mao’s fault,我聽毛主席的話，做個毛主席的好學生，佢話「與天鬥、與地鬥，其樂無窮」，仲教導我們話「爹親娘親不及毛主席親」，我多得佢唔少！


[ 本帖最後由 mtpen 於 2011-5-21 21:46 編輯 ]

引用:

原帖由 mtpen 於 2011-5-21 21:43 發表



嘩，維圓蛇咁大巴醒過嚟，唔使咁客氣嘛！

我梗係想跟黃小妹認親認戚喇，之不過大家social status唔同，都係遙認算嘞，...

to be honest 我和 筆兄 並非 100% arm key, 同飯票都唔會啦.   

但民主社會, 要有言論自由. 而且個人不喜歡一言堂. 很多科技/學術/藝術/文學 上的突破, 就是有人 瓦風嶺, 特立獨行, think differently. 只要理性討論, 沒人身攻擊, more than welcome...

btw, 要照顧老人家, 遲 d 我地都要搬入尋常百姓家...

引用:

原帖由 維圓阿伯 於 2011-5-21 18:05 發表
莫非九龍城'性欲強'中學幾拾年前已有獨立思考能力教學
根基穩固 ...

維圓兄若果有留意，小弟從來冇叫我中學讀嗰間「性、慾、望」係野雞，而呢個咁猥瑣嘅名係班死仔改而我覆述而已。

其實當年九龍城呢間聖若望除咗校舍不合格、冇操場及對正啟德機場嘈啲之外，師資亦算不俗了，英文科肯請隻鬼子佬嚟押陣，以當時嚟講算係重本矣。公平啲來講，此校雖有野雞之名，惟無野雞之實。

老兄問我之獨立思考能力是否從那裡受教而來，冇錯，不過並非全部。嗰度的確有两位啟蒙老師幫我種苗就真。國文老師是其一，佢卅多歲後生仔，姓名太耐記不起，只記得佢台灣受教育，課本佢依足課程就算，叻在多嘢講，題外話滔滔不絕，講佢自己人生觀及經歷先至吸引我哋冇閤眼瞓。因此吸收不少正確做人道理及價值觀。

Geography老師是其二，叫John Mak，班死仔改佢叫猪嘜。佢身兼訓導主任，就係佢罰我抄「我以後不再遲到」而令我一生無論做何事皆不再遲到。  

某日我遲到，問我因乜解究？答曰塞車。再問是否初搭此巴士，答曰已乘此線多月並經常如此塞車。即鬧no excuse,既然係咁，因何唔早啲出門口？抵鬧！

其實佢最叻係冇教死書，當年大約係1964-1965年，我最記得佢講世界從此不一樣，因航運上會採用container作集裝貨運及Jumbo 747飛機會啟用。佢叫我哋走出教室，去對面啟德機場PanAm, BOAC櫃台及中環總統輪船公司攞航班leaflets，又教我哋集郵，從始視野擴闊起來。


𠵱家呀猪呀狗上網就全世界乜都睇到，但若不是佢鼓勵，機場及輪船公司呢啲有錢佬先至去嘅地方，我哋貧下中農冇需要踏足，係呢一世都冇需要踏足！

引用:

原帖由 suewong 於 2011-5-21 17:01 發表


我反而覺得應該懷孕前攞 approval....

黃小妹講得啱呀！即係想做人老豆老母皆要考個牌先！

我先前曾講過，子女孝順父母，猶如呼吸張口，口渴飲水般自然，有需要而必然，故做得好係應份，並不值得／亦無須嘉獎。

同一道理，養育子女乃父母天職，連係任何禽獸皆有之天賦基因，唔使人教亦無須學習。

養者，一雌一雄動物行埋 (an activity/behaviour that comes natural to human/ animal)，而人類會（或者不會，it all depends）獲付加歡愉於此之上)一般都會養（懷孕／生）出BB動物。

育者feed也，餵飼也，亦是任何動物皆會給自己BB之自然行為，有些或會做得比人類更好，更偉大。例如企鹅就是，佢哋俩公婆分工合作凑大隻BB企鹅，冰天雪地咁企住凑，又何曾四圍去同人講自己幾咁偉大呢？更無成日响BB企鹅面前呻過半句，又無附加條件或small print規定佢就算失職第日都要養番佢俩老，幾瀟灑呀！好鵝！抵冇人會有興趣去食佢哋！

大家請留意「養育」跟「教導」並非同一樣嘢。在現今社會豐裕，尤其是我哋凸區啲錢多到唔知點使，去醫院生仔，日後小朋友衣食住行，以至供書教學及新增觀光旅行，基本上已是阿公嘅，換句話說，「養育」已無須父母打皮，除咗麻煩你要填張form申請／報咁大把！

總之咪使响度詐形呻賴佢要使你錢飬，第一，佢係你俩搞嘢搞出嚟嘅，第二，今時今日你唔怕面懵大可攞綜援，攞公屋，最新金礦乃關愛基金，有幾千億等住你去攞，衹要打跛嚟醫即可。

反而子女要極度感恩並且一定要報答偉大的好爸爸、好媽媽，乃動物唔識做嘅「教導」也！

所以如果那些聲稱為人父母而沒有又或疏於「教導」子女者，那跟普通有四隻脚一條尾嘅物體有何分別？

惟「教導」係需要love, I doubt very much that how many people in Hong Kong could afford offering such kind of precious love to their children?

引用:

原帖由 mtpen 於 2011-5-25 21:27 發表



黃小妹講得啱呀！即係想做人老豆老母皆要考個牌先！

...

exactly...

上次返南山邨,
經過東龍樓,
地下仲有九龍仔既"遺跡"
影返張相留念先

時間過得好快,
阿仔已經滿左月,
雖然身心俱疲,
不過睇住佢一日一日甘大,
呢種開心, 好難用文字來形容

筆兄, sue 姐, 何老大, 及各位網友....不能盡錄...
多謝各位

真係無乜時間剩, 為左睇住隻小魔怪
少左上來吹水, 唔好意思

引用:

原帖由 scottiehong 於 2011-6-16 12:10 發表 上次返南山邨, 經過東龍樓, 地下仲有九龍仔既"遺跡"影返張相留念先時間過得好快, 阿仔已經滿左月, 雖然身心俱疲, 不過睇住佢一日一日甘大, 呢種開心, 好難用文字來形容筆兄, sue 姐, 何 ...

第三點失手，可幸尚算雄壯！

引用:

原帖由 scottiehong 於 2011-6-16 12:10 發表

時間過得好快, 阿仔已經滿左月,  ...

係就係三級咗啲，不過寫真係咁㗎啦！


佢表情睇嚟好似唔係幾滿意你咁影法喎！

努力！加油！幫國家好好哋湊大佢呀！

火呀...........................當年摧毀了多少人的家園

下面這張照片同火災有沒有關連？

引用:

原帖由 理魯竇 於 2011-6-16 18:51 發表
下面這張照片同火災有沒有關連？

一定有關連！


問kintsun兄佢實知！  

背後那個山是窩仔山抑或九龍仔山呢？

引用:

原帖由 理魯竇 於 2011-6-16 18:51 發表
下面這張照片同火災有沒有關連？

靠估無痛苦...
睇落似係窩仔山,
下面個告示牌既位置,
好大機會係而家陸軍球場出入口

引用:

原帖由 scottiehong 於 2011-6-16 22:21 發表


睇落似係窩仔山, 下面個告示牌既位置, 好大機會係而家陸軍球場出入口

我都覺得係窩仔山多啲，唯一疑點係近山嗰排四層屋，因嗰個位置會係
後來起七層大厦N & O座（即1 & 2座）嘅位置？

[ 本帖最後由 mtpen 於 2011-6-17 08:58 編輯 ]

引用:

原帖由 scottiehong 於 2011-6-16 12:10 發表
上次返南山邨,
經過東龍樓,
地下仲有九龍仔既"遺跡"
影返張相留念先

時間過得好快,
阿仔已經滿左月,
雖然身心俱疲,
不過睇住佢一日一日甘大,
呢種開心, 好難用文字來形容

筆兄, sue 姐, 何 ...

好可愛的 baby 呀.

引用:

原帖由 dirtyoldman 於 2011-6-16 13:05 發表



第三點失手，可幸尚算雄壯！

睇唔到相, 唔制...

大家好.
小弟1955年出生於廣東番禺
1956年因飢荒逃到香港
1957住在蕉園那兩間厠所對面
1958or1959火災,家當被燒光了
被分到榕光里
一間木屋分十户,每户8X8呎
煮飯在門外用燒柴的
後來才用火水
曾不小心打返隔鄰煲湯而燙傷
住加護病房15天
好不容易才撿回一命
木屋環境髒亂
什麼虫都生過
迴虫繞虫.....
痀了不少虫在蕉園的厠所
有讀過培華1年
又在大坑東下午小學畢業
最記得是張榮發老師
他送我很多鉛筆
因家窮.小1開始做藤器手工
有時無藤器做就拿塑膠花來穿
也有撿破銅爛鈇來賣
小3有去雙喜茶樓打工賣點心
1963制水,4天供一次水.救世軍排隊到香島才拿兩桶水
蕉園那口井也有去擔水,也有跳下去游泳
跛腳佬常有幫襯
旁邊小路有賣早點.
5仙一小碗白粥,一毫子是大碗
發記和字花都很熟
生病發燒老媽會去榕樹頭潮州佬雲吞麺買3毫子剩河給我吃
5座的診所常去看病,天主堂也有去看病過
常拿著個兜去分牛奶飲,也有分麺條和小米
小4開始去工廠做毛衣
1969就是邊做毛衣邊看人類登陸月球
小學畢老媽要我出去工作
哭了好久才給我去大同中學讀
但一年後就休學去打天下了
做了4年工作
曾在跑馬地一士多工作送貨
董驃,簡而清都很熟
跑馬地雲台有一天仙般漂亮少婦對我說
想往上爬就要讀書
所以又回大同從中3下學期讀起
邊工作邊讀書
阿良當然認識
華人茶樓是讀書時中午吃飯的地方
618水災搬遷到石梨貝15座
中學後來台灣
轉眼又30年了
下星期要回港
希望有空去九龍仔看看

引用:

原帖由 1149 於 2011-7-1 20:01 發表
大家好.
小弟1955年出生於廣東番禺
1956年因飢荒逃到香港
1957住在蕉園那兩間厠所對面
1958or1959火災,家當被燒光了
被分到榕光里
一間木屋分十户,每户8X8呎
煮飯在門外用燒柴的
後來才用 ...

thank you for sharing. Looking forward to seeing your posts that enlighten us with the past in the near future.

引用:

原帖由 1149 於 2011-7-1 20:01 發表

小弟...1957住在蕉園那兩間厠所對面..1958or1959火災,家當被燒光了 ...

1149兄您好！

多謝你咁詳盡與大家分享往事，老兄應是小弟之大坑東官立下午小學師弟了，請問是那年畢業呢？

原來老兄亦識大同中學之阿良(=呂Ｘ良=呂四娘)我同屋隣居，請問有否他近况？

希望老兄今次回港可盡興而歸，若有大坑東舊相，不妨放上來與大家分享喔！

我住黃大仙細個時常到呢個九龍仔公園雷達站玩,並用了二天由頭到尾拜讀本貼也發覺有很多共鳴處也學了很多東西,謝謝你們啦!在此也向各位打過招呼.

小弟再向各位請安
我1969大坑東官立下午小學畢
阿良無聯絡SORRY

小時赤貧,不可能照相
豬油撈飯是家常便飯
有外國人到九龍仔參訪
看到我如獲至寳
拚命照相
因我外號''馬騮頭''
皮膚黑如焦炭
骨瘦如柴
極度營養不良
飢民之最佳樣板也
小3在嘉頓後面九龍道一天台工廠當鉄工
把尼龍床的鉄架搬上搬下
樓梯昏暗
有一次嚇倒一婦人,跌坐地上
事後她罵我在樓梯只剩兩顆眼睛
嚇死她了
小學時,又一村是騎單車之所在
也常去猛鬼湖裸泳,神不知,鬼不覺
小時雖窮,但很快樂

引用:

原帖由 理魯竇 於 2011-6-16 18:51 發表
下面這張照片同火災有沒有關連？

ne 張相與火災冇關連. 後面排屋係花墟道.告示牌後水坑, 上通小西湖, 下去到東樂戲院轉暗渠.

街坊 1149 ,

歡迎光臨！


去九龍仔重拾當年情, 乘地鐵九龍塘站C2出口,過對面桃源街落大坑東比較方便.

引用:

原帖由 1149 於 2011-7-2 20:23 發表

我1969大坑東官立下午小學畢..阿良無聯絡SORRY ...

我就稱1149兄為學弟好了，因我早你數屆，於1962年大坑東官立小學下午校畢業！

老兄文筆抵死風趣，樂天知命，full of sense of humour，是長壽之癥！  

引用:

原帖由 老何 於 2011-7-2 21:02 發表

ne 張相與火災冇關連. 後面排屋係花墟道.告示牌後水坑, 上通小西湖, 下去到東樂戲院轉暗渠.

請問老何兄，遠處那山仔是窩仔山抑或九龍仔山呢？


現附上舊地圖一張，可否圈出婦人企位？

呢幅地圖好funny，圖上方左右皆出現九龍仔山！