引用:

原帖由 mtpen 於 2012-1-24 11:19 發表


至於胡生方面，睇定啲先啦，我都開始疏遠佢，冇以前行得咁埋嘞，留番啲彈藥落阿習度，始終都係人去茶涼嘛！  

我已叫老妻學定聲樂，到時同習太都臭味相投啲吖！

筆兄果然識時務

引用:

原帖由 flowingwater 於 2012-1-24 12:22 發表
【明報專訊】本報翻查本港三大「玄學天王」，包括蘇民峰、麥玲玲和楊天命，過去5年針對股市、樓市的預測，發現三人的「命中率」只有五成。有學者指五成「命中率」，實無異於用擲毫做預測，提醒市民別把玄學家的預測視 ...

多謝水兄提醒，以後多加小心。最大鑊是小弟還有一班二流分析員老友，舊年雖然一齊損手，但我出雞翼尖，佢出豉油。希望在明天啦

引用:

原帖由 mtpen 於 2012-1-24 14:26 發表


水兄呢段嘢真係發人深省！

所以人蠢真係冇藥醫，physically跌倒就傷身，mentally跌倒就傷荷包！

莫講要咁重皮，唔使錢免費贈我两句我都唔會信呀！

其實風水佬、睇 ...

筆兄，能否昅到大獵物時通知一聲，無論結果如何，只感謝不怨。港股及外幣優先，謝謝

引用:

原帖由 mtpen 於 2012-1-24 15:16 發表


咁就係，餵孔狗狗食咁矜貴嘅好嘢，呢亭粗人乃牛𡁻牡丹，都係留番芋兄識飲識食嘅老雀約埋小弟一齊去嘆好啲！

我原先咁醒佢，係諗住老兄帶佢去俾啲高麗妹妹糟質吓佢咁 ...

筆兄，抱歉，首爾我只去過仁寺洞那間，其他熱點就孤漏寡聞。不過那間是集團式，有酒吧，K,及黃土桑拿。吃完飯筆兄尚未完全洩憤，可將條友繼續折磨。由小弟及侍者執刑。

影張飯桌算啦，都話殘廢，邊有工夫影呀？

引用:

原帖由 mtpen 於 2012-1-24 15:32 發表


芋兄急電，我剛同胡生開年，佢單聲我，財經乃温總搞，佢no say，温生春節要去鄉下拍戲，春節後才返！

不過佢單多我聲，都係睇定啲好，等李克勤個大佬坐定再攞料，免嘥彈藥 ...

拜託筆兄同影帝單聲，節後谷一段先好嗎？好！出發袋鼠國，過兩曰再聊，筆兄保重

引用:

原帖由 Tarocake 於 2012-1-24 19:34 發表


拜託筆兄同影帝單聲，節後谷一段先好嗎？好！出發袋鼠國，過兩曰再聊，筆兄保重

望兄能於黃金海岸掘幾桶金番嚟！  

有乜海鲜魚蝦蟹美食即管放上嚟！

祝一路順風，stay in touch, okay?

引用:

原帖由 mtpen 於 2012-1-24 20:17 發表 望兄能於黃金海岸掘幾桶金番嚟！   有乜海鲜魚蝦蟹美食即管放上嚟！  祝一路順風，stay in touch, okay?  

筆兄，今次只往悉尼，最多去Hunter Valley,黃金下次掘給你。會拍幾張金塘的馳名海鮮及我鍾情的越南粉。等上機，悶！！

玩得開心D!!
機場呢個時間多人嗎?

引用:

原帖由 flowingwater 於 2012-1-24 22:42 發表 玩得開心D!!機場呢個時間多人嗎?

多謝水兄，人不算太多

安抵悉尼，但整天下雨，有點掃興。往後幾個帖分享一下金唐美食

生炒鮑片，選中它

上桌賣相

姜蔥蟹，選中它

上桌賣相, 好掂.XO醬炒蜆，沒一粒沙，水準可以

Cloudy Bay , 小弟佐海鮮其中一支最愛

小弟下榻酒店，不知所謂，給芋嫂芋仔齊串，無引

倦極，明天再聊

引用:

原帖由 Tarocake 於 2012-1-25 20:00 發表

Cloudy Bay , 小弟佐海鮮其中一支最愛

芋兄你就好喇，日日炒蝦擦蟹，佳肴美酒！

恕我市儈，呢餐要多少港銀？

又大鄉里問吓，澳洲是否興英國咁，白飯以人頭計，任添不再加錢？

引用:

原帖由 Tarocake 於 2012-1-25 20:06 發表

小弟下榻酒店，不知所謂，給芋嫂芋仔齊串，無引

冇乜唔妥吖，夠濶落，又有露台，想點呀？

祝各位龍年身體健康;世界和平.
另外想問: 被筆兄與竿兄痛罵的孔某人,究是何人?

引用:

原帖由 老街坊 於 2012-1-25 21:33 發表

另外想問: 被筆兄與竿兄痛罵的孔某人,究是何人?

很抱歉我們用太多醜化名稱去描述最近紅爆嘅北京大學名教授孔慶東，致令老街坊兄迷失！

阿筆我原本正職係小丑，不幸經此教授一比之下，頓覺失色，唯有改做狂人為我正職，兼職小丑好了！

原來發生在上週, 恰巧小弟不在香港,至今天才一睹孔叫獸之風采,實遺事也!

引用:

原帖由 mtpen 於 2012-1-25 20:19 發表 芋兄你就好喇，日日炒蝦擦蟹，佳肴美酒！  恕我市儈，呢餐要多少港銀？ 又大鄉里問吓，澳洲是否興英國咁，白飯以人頭計，任添不再加錢？  

筆兄，早上好。袋鼠國海鮮穩陣啲。呢餐盛惠4舊零。AUD早年換落，無而家咁高。白飯任裝，而且米好靚

引用:

原帖由 mtpen 於 2012-1-25 20:24 發表 冇乜唔妥吖，夠濶落，又有露台，想點呀？  

原本是訂JS,咁芋仔咪有點privacy,唔知邊個錯，無JS,只有這間較大加床。兩母子仲唔食著上，丙我辦事不力。後來用最簡單解決方法，每人送一禮物。

引用:

原帖由 老街坊 於 2012-1-26 00:07 發表 原來發生在上週, 恰巧小弟不在香港,至今天才一睹孔叫獸之風采,實遺事也!

老街坊兄好，龍年萬事如意，身體健康。我絕對跟從筆兄指示，對孔叫獸作出應有的文攻或武鬥。