站長親自到現場支持澳港杯！　 　

日期時間：大約 2009 年 4 月 12 日上午 9 時半到晚上 9 時左右。

全程費用包埋投注冇盈利：約 900 元。　

詳細資料或所見所聞，得閒再漫談。　

站長星期六晚就調教定鬧鐘，驚訓過籠同埋知道都幾多人過關，要預時間，朝早約十時出門口，十點幾到達中港碼頭，點解唔去信德中心，因為之前試過係上環果邊買澳港杯馬仔套票，竟然話賣晒 ，為左慳幾十元，又知道而家中港碼頭經明星旅行社都有得買，所以就係九龍呢邊出發，點知就出事了 ，有機會都係在上環出發好過。　

去到買馬仔套票，係有，可惜出船飛最早係 12:30 ，咁站長咪要等成 2 個鐘先落到船 ，第 1 場係跑 14:00 ，隨時趕唔切，都冇法，照要啦，多謝 398 元， 　包來回船飛 + 150 元現金劵 + 10 元飲食劵 + 馬牌 1 個值 20 元 + 澳門馬經一份約 3 元，回程飛而家係比張回程換票劵，成 4 個月有效，好過以前限時限刻。　 　

大約可以慳幾十元：假日船飛來回日航 148 元 + 夜航 168 元 + 150 元現金劵 = 466 元 - 398 元 = 慳 68 元。　 　都唔計咩馬牌，飲食劵，馬經之類。　

買完飛之後，去新渡輪賣飛窗口睇睇，又真係賣緊 12:30 船飛喎，冇法啦，唯有睇下有冇後補排，排住先等運到，當時未夠 11:00 ，正班入閘係 11:15 ，睇下個水牌呢班船的型號，心知道呢班係舊船，即是油麻地小輪果種船，只不過翻新過下咁解，時間要成 75 分鐘兼呢種船好拋的，好易暈船浪。 到差唔多 11:15 時，後補飛可以跟隊落船，又有位喎，咁就落啦，明知又慢又拋都冇法。　 　差唔多成 11:30 先開船，真係唔掂當，遲左成 3 個字，站長已經避搭新巴，新渡輪都要避搭舊船 ， 差唔多 12:45 先去到澳門港澳碼頭，當時都暈暈地 ，好在仲頂得住，未嘔。　

[ 本帖最後由 茶水站站長 於 2009-4-14 16:36 編輯 ]

引用:

原帖由 茶水站站長 於 2009-4-13 09:48 發表
站長親自到現場　 　

日期時間：大約 2009 年 4 月 12 日上午 9 時半到晚上 9 時左右。

　

4月12日，我朝１１晚１１都係馬交，撞你唔到ｇｅ　　

講漏一樣野，原來班船有好多係國內自由行，唔通點佢地搭班舊船。　

香港過關，冇問題，唔使等，即入即過。　

到落船等過關，可能冇去澳門同搭新渡輪好耐，而家新渡輪落船係左手邊落。　

出到去等過關， 超多人，真係人山人海，或者太多加班船同時到，話時話，站長搭班舊船，隨時 11:30 班新渡輪都到左啦。　
仲有上環信德又密又快的船，加加埋埋，成個澳門出境等過關的人都塞滿晒，站長要成 45 分鐘先出到關。　

出到關都 13:30 ，之後驚今晚冇船回港，所以又要即刻上上一層，換今晚飛，去到睇到新渡輪窗口寫住，今晚全部爆滿 ，之後再睇番原來站長換票劵係另一個地方換，行到最尾地方，果度又可以出到飛喎。　 　出飛之前，問 19:30 係咪新船先，唔係就出過第個時間。　 　售票員當時回答：係。　 　

攪掂之後，又落番下一層，去趕搭免費馬場車，而家原來唔使過馬路搭，係巴士總站後面有得搭。　

不過架車冇冷氣，咁慳。　 仲要等左兩三個字先開，去到馬場都成 13:55 ，仲有 5 分鐘開跑第一場。　

待續................

引用:

原帖由 chanpowing$ 於 2009-4-14 16:54 發表


4月12日，我朝１１晚１１都係馬交，撞你唔到ｇｅ　　

你又唔出聲，係我就唔走住，找你食好野。　

搭舊船, 跳埋落海游過去可能仲快

引用:

原帖由 茶水站總管 於 2009-4-15 11:46 發表
搭舊船, 跳埋落海游過去可能仲快

站長都唔識游水，跳落海，渣到冇埋。　

以前一到澳門馬場，一落車，報紙檔就會問買唔買報紙兼問買唔買馬牌，有馬牌上二樓就有冷氣，原價要 20 元，係度買 10 元就得，個馬牌係同顏色，但唔同日期，日期已經過期。　

佢地都係上 2 樓每次問ｄ熟客拎的。　

但今次去，一來冇咩人入場，二來報紙檔都冇去 sell 人買野，水淨河飛。　


待續............

站長之前都有睇廣告，13:00 馬場有禮品汽水同現金劵派，只可惜站長搭慢船兼過關擠塞，遲晒大到，錯過左呢次機會。　

再問下馬會職員，幾時會再有禮品送，得知原來 14:30，16:30 仲有 2 次機會派禮品，再問在那裡派，原來在地下右手邊。　

到下午 14:05 左右，o岩o岩跑完第一場，眼見已經有人開始排隊，唯有快快手，跟.......... 　

好在今年澳港杯入場人數唔算多，禮品有站長份 ，到 16:05 又再排多次。　

每次有：禮品係小型裝餅 2 個，其中一個係杏仁餅，另一個就唔識，可口可樂汽水一灌，可惜唔凍 ，仲有現金劵一張 ，站長 2 次都係 30 元。　 聽講原來有 30, 50, 100 元不等，站長起碼見到前面一兩個人有 50 元。　 　亦有其他馬迷話上次抽到 100 元，因排隊時大家都有係度吹下水，講下澳門馬由以前都幾多人投注到而家冇人投注現象。　

又要待續...............

上回講到站長差唔多要成 13:55 先去到馬場，在搭免費車途中，聽到人打電話投注落飛 ，可能個馬迷驚趕唔切入場買，佢都犀利，仲有投注戶口 ，站長以前都有，不過自從被香港政府封殺之後，都冇用了，唔知仲用唔用得呢？　

入到馬場之後，趕住亂咁買馬，之後可以有得睇跑馬，就用最熱拖 3 隻啦 ，10 元連羸及位置Ｑ 60 元買，站長習慣左好似香港飛咁劃，就出事了 ，唔記得澳馬投注系統係用緊香港 N 年前果個，唔可以同一張飛劃晒，Q 同 QP 。　 　另外，澳門馬飛，而家要加多項規條，就係要先揀港澳賽事或星馬賽事先。　 詳情請睇以下張圖。　 　仲有澳門已經取消左孖Ｑ同孖Ｔ好耐了。　

最後站長都趕唔切買第一場了，跑完第一場之後，睇睇賽果，原來中了 Q 同 QP ，加埋有成 200 元，站長真冇運。h:" />

到第二場開跑前，見到人開始排隊拎禮物，又要跟......... 站長為有買孖寶全餐射第 3 場澳港杯 (10) 超群生輝，(13) 太陽無敵，你見到以下張圖，都知道站長冇錢收了。　

又要待續................

[ 本帖最後由 茶水站站長 於 2009-4-17 16:18 編輯 ]

站長昨日提及過第 1 場劃錯飛事件，第 2 口孖寶唔中，到第 4，5 場先中番條熱門 2x1 Q 派 402.6 ，第 6 場又要去排隊拎禮物，今次買全餐 W 博爆，點知開左隻爆料出黎，派 18.7 元 ，第 7 口孖寶射尾關 2 隻，又唔肯買柏寶隻熱門旭日之光，條孖寶派成八百幾元 ，第 10 場最後一擊玩指定位置三重彩，咁 o岩又調轉左名次，見財化水。　

　全文完，多謝八卦收看。　

引用:

原帖由 茶水站站長 於 2009-4-18 11:07 發表
站長昨日提及過第 1 場劃錯飛事件，第 2 口孖寶唔中，到第 4，5 場先中番條熱門 2x1 Q 派 402.6 ，第 6 場又要去排隊拎禮物，今次買全餐 W 博爆，點知開左隻爆料出黎，派 18.7 元 ，第 7 口孖寶射尾關 2 隻 ...

乜柏寶有喺澳門策騎咩?

老老實實, 專程過馬交淨係跑馬仔?   起碼都食番餐飯玩番兩手啩?

引用:

原帖由 Air Supply 於 2009-4-30 00:32 發表

乜柏寶有喺澳門策騎咩?

老老實實, 專程過馬交淨係跑馬仔?   起碼都食番餐飯玩番兩手啩?

果日係跑澳港杯，柏寶策騎香港代表威武雄獅跑第二，另外可以策騎其他場次的，其中一場跑第一。　

咁要睇同咩人去啦，唔同人唔同玩法，果日自己即慶去，所以跑完馬就走了。　

引用:

原帖由 茶水站站長 於 2009-4-30 09:22 發表


果日係跑澳港杯，柏寶策騎香港代表威武雄獅跑第二，另外可以策騎其他場次的，其中一場跑第一。　

咁要睇同咩人去啦，唔同人唔同玩法，果日自己即慶去，所以跑完馬就走了。　

下次預埋我....攞到牌嘅話~