09決賽湖人魔術賽後評-[危險]
魔術踏入季後賽系列,隊內將帥及時冰釋前嫌,而魔術教練史坦雲根迪在系列賽中排陣及賽事進行中轉換球員的確比騎士教練略高一籌,魔術尤其在系列賽中第三節更加令騎士一籌莫展,而外圍着火,Hedo Turkoglu、Dwight Howard嘅出色表現打垮虎頭蛇尾嘅騎士,騎士占士其實在系列賽中各埸表現係水準之上,可惜騎士其他球員大賽經驗淺薄,逆境波下更覺心慌,主埸戰敗神畫幻滅打擊信心影響至大,眼見騎士其他隊員未能在緊張關頭配合占士,已經顯露出騎士下季應該要招攬一啲得分球員幫輕占士.正如湖人後奧尼爾時期,拜林、加素、奧當都能夠分擔高比拜仁嘅得分和防守任務,主將有足夠時間作陣上喘息回氣,係球隊爭勝嘅致勝其中一大關鍵,費沙、奧當嘅經驗更加係不可多得,不燥火之餘又可發揮湖人控球策劃及後備得分作用,加強板凳深度.其實自己有妙想,希望騎士能招攬艾佛遜呢類肯衝又有經驗嘅得分球員幫輕占士,占士如能在策動角色上加強力度,對騎士效益更大,艾佛遜呢類球員對占士嚟講係另一種掩護.
湖人今早決賽第一仗大勝魔術25分,積遜教練佈署成功,用車輪戰術干擾魔術侯活,減低超人侯活嘅殺傷力,拜林、加素今仗又夠搶鏡,當然吾少得高比仔,8藍板、8助功、得40分,仲要第三節已經令魔術呈敗像,贏得清風送爽,好似當年嘅精英大師咁有氣勢.
危Sir喜愛積遜禪師多年,當年球王Michael Jordan喪父之痛都係由禪師作平復,Jordan得以再放異彩,壞孩子洛文出名係野馬,積遜話一洛文吾敢講二,仲有將三角戰術玩得出神入化,當時爵士馬龍、史托頓善用Pick & roll,一樣畀遜禪以法破法攪掂,真係--堅!
睇番拜仁有段時間曾扭計跳草衫裙舞,積遜只用二日時間便將拜仁講服,而近兩年積遜教化高比拜仁應打聰明波減少浪射,加強自身策劃能力,如果教練冇料吾夠威信,想星級球員聽自己支笛都幾難!加素08年加盟湖人之初,積遜已經睇出加素弊病,除加操重點加強加素背藍對抗性之餘,仲教導轉身埋藍作射波嘅起手式,各位可以對比加素加盟湖人前後在藍底嘅企位及步法起手,就知係出自積遜禪師嘅調教.
8-6-09湖人主埸對魔術,魔術教練史坦雲根迪可用之前火箭對湖人嘅打法,嚐試利用[擋]為侯活騰出多啲空間,始終認為侯活有陣法配合在湖人內線係有得打,既然外線失火力,係時候變陣望作客搶回一勝仗.
自己認為湖人第一仗早段已經佔有先機,魔術未能逼出湖人真正功力,作為球迷希望8-6-09魔術頭兩節上半埸勿被湖人拋開太遠,下半埸發揮後勁逼湖人駛出真夫,睇波望對攻,咁先精彩.
相關搜索目錄: 魔術
