抗議立法會政棍唔行減薪

屍屠華

元老用戶組

Rank: 6 Rank: 6

帖子: 3682
積分: 31749
金錢: 13255
註冊時間: 2008-4-6

1^# 大中小發表於 2009-6-21 21:25 只看該作者

[隱藏廣告]

抗議立法會政棍唔行減薪

政情：議員講減薪變晒縮骨遮余若薇搞唔清薪酬機制自由黨唔敢再次提減薪

on.cc
有言「官」字兩個口，議員都一樣，一個鬧官，一個食飯，偏偏少咗一個嚟話自己。特區問責班子減薪百分之五點三八，有泛民議員嫌唔夠，要求減夠一成，甚至兩成半，本來大快人心，可惜輪到議員講自己減薪，就個個變晒縮骨遮，話要跟機制走，公文袋余若薇（Audrey）尋日更加話，議員薪酬六萬幾元，未達需要減薪嘅高級公務員水平，暴露咗佢連高中低級公務員嘅基本薪酬機制都唔熟讀，認真脫離群眾。
立法會議員平日義正詞嚴，狠批高官表現縮骨、脫離民眾，但輪到佢哋回應減薪問題，就人人放軟手腳，推莊卸力。專業會議何鍾泰、民建聯陳鑑林、經濟動力林健鋒、職工盟李卓人同勞聯李鳳英，全部都話跟機制行事，白鴿黨主席何俊仁尋日仲叫大家，做嘢唔好為一時即興贏掌聲。金融海嘯之下，普羅打工仔凍薪、減薪，社會要求高官、議員減薪，與民共度時艱，醞釀已久，點會係一時即興？如果等到今年十月先至跟機制檢討議員薪酬，港府預測會通脹百分之一，議員咪變相逆市加人工？

余若薇搞唔清薪酬機制
最離譜係Audrey。佢話議員嘅人工唔高，未到高級公務員嘅水平，相比之下，議員只係等於凍薪嘅中、低級公務員。我哋問佢會唔會帶頭建議減薪？Audrey話，都係跟機制好啲。Audrey平日批評高官脫離民眾，其實，佢尋日呢番話，簡直連最基本嘅ＡＢＣ都搞唔清。低級公務員嘅定義，係月薪一萬五千七百幾元，中級公務員每月亦搵唔多過四萬八千元。相比之下，議員月入六萬五千二百六十元，兼有每月工作實報實銷津貼十二萬八千元，仲有每年兩萬五千元醫療津貼、交通津貼及任期四年後攞到嘅四十七萬元任滿酬金，點會等如中低級公務員呀？可能Audrey唔將錢銀放在眼裏啩。

自由黨唔敢再次提減薪
本身係上市公司主席嘅「ＩＴ豪」譚偉豪，就心水清得多，尋日話同意議員跟高級公務員睇齊減薪百分之五點三八，仲好快噏得出議員都係減人工三千幾蚊啫。

自由黨主席劉健儀就最直，自爆自由黨喺○三年沙士時主動提出減薪一成，與民共度時艱，但當時同僚有微言，依家佢哋都唔敢再提主動減薪，都係跟大圍走。人同此心，心同此理，○三年有立法會議員唔妥自由黨主動減薪，六年後嘅今日，議會內呢類人大有人在；咁縮骨嘅表現，同平日被佢哋口誅筆伐嘅特區高官有咩分別？

愛國不等於愛黨愛民主不等於愛民主黨
支持北愛爾蘭獨立
支持蘇格蘭獨立
支持威爾斯獨立