"校園驗毒"對香港吸毒問題有否幫助"??
如有..有何幫助?
如否..為何?
如發現該同學有陽性反應,,應如何應對??"
"校園驗毒"是否侵犯人權??

考試題目咩??????????????

吾系呀..我想睇下大家既意見點姐,,"   發表下啦/__\

派隻跟美狗去查仲實際啦,美國佬啲跟美狗好叻��,最好去舔吓学生啲尿有冇毒,一舔就知有冇毒

[ 本帖最後由 屍屠華 於 2009-8-9 19:44 編輯 ]

引用:

原帖由 雞爺_dcsd 於 2009-8-7 20:04 發表
"校園驗毒"對香港吸毒問題有否幫助"??
如有..有何幫助?
如否..為何?
如發現該同學有陽性反應,,應如何應對??"
"校園驗毒"是否侵犯人權??

Q1: 有幫助，起碼可以阻止學生濫藥的風氣/習慣再延續下去。

Q2: 這問题由政府、學校、專業社工、医生等來答會係恰當點。就個人而言，那方面才是整個計劃的核心。

Q3 學校/教師有合理的懷疑，父母/監護人的同意，政府提供服務(含後繼支援)， 既合人情、法理，我看不到有何不妥。

些少題外話，在計劃開展前，大家一齊看看果D所謂名校如何去洗太平地、粉飾校園吧。

引用:

原帖由 西南風 於 2009-8-10 10:20 發表


Q1: 有幫助，起碼可以阻止學生濫藥的風氣/習慣再延續下去。

Q2: 這問题由政府、學校、專業社工、医生等來答會係恰當點。就個人而言，那方面才是整個計劃的核心。

Q3 學校/教師有合理的懷疑，父 ...

1.  宜修訂法例對軟性毒品的刑罰；

2. 最好例子是"酒精測試"，如果對駕駛人可以，為什麼對學生不可以？

>>>宜修訂法例對軟性毒品的刑罰

       青年人嘛，還是「宜教不宜罰」。

[ 本帖最後由 西南風 於 2009-8-11 20:43 編輯 ]

的 佢 地 去 驗 毒 啦
話 侵 犯 人 權 果 D 人 拍 得 太 多 High 上 腦
驗 酒 精, Check ID 果 時 佢 地 唔 講
講 人 權 唔 通 俾 D 學 生 係 學 校 食 煙 打 手 提 呀
根 本 班 人 權 人 仕 就 short Q 左

agree la.. should be tested

不如擴展到"藝能界/娛樂界"驗毒, 什至全港有身份證既都要驗啦

把驗毒推行成為一種如測酒精的普及化 Kmy 認為是好事，有效壓止毒品泛濫。

引用:

原帖由 雞爺_dcsd 於 2009-8-7 20:04 發表
"校園驗毒"對香港吸毒問題有否幫助"??
如有..有何幫助?
如否..為何?
如發現該同學有陽性反應,,應如何應對??"
"校園驗毒"是否侵犯人權??

問題根源是學生太易得到毒品，價錢又平，加上後生仔女梗係有好奇心，唔識死，乜都想試吓∼∼加上做人冇目標，向老豆老母要錢又唔難∼∼咪做出一班毒學生囉∼∼
你唔好笑呢班後生仔不知所謂呀∼∼六七十年代成年人，大部份都有食毒品，唔見得時下後生仔比上一輩差。
一班社工講得正確一點係：驗毒會標櫼一群學生，令他們脫離社會。驗到出來又如何呢∼∼
我個人唔否定社工的講法，但係問題係校園毒禍太快太深，問題好大，要做的不是要解決標櫼問題，現階段是要用最快最有力的方法去控制毒禍，你冇理由因小失大。如果唔去鐵腕即時控制，最後會連一班冇吸食習慣的人都去吸，吸毒人數會愈嚟愈多。你冇理由為救一小掫會被標櫼的人而放棄一班人數更多的有潛在可能的吸毒學生，你當下仲唔即刻凶著個毒禍，唔知仲有幾多學生會受害。

非常時期用非常手段，眼見自己隻帥被人將軍，你梗係保著隻帥先啦∼∼仲諗著點食對方棋，白痴咩∼∼

仲有唔想標櫼吸毒學生的社工同學校，唔想搞驗毒，其實係無用腦諗過∼學校反對亦根本存有私心，怕自己學校被驗出有毒，影響校譽。

驗毒，起碼使學生有所避忌，怕自己被驗出吸毒而唔去吸，販毒學生都會減少，毒品唔易得到，毒禍自然減少，當然還有一班人寧願逃學都要吸毒，但起馬凶到大多數學生唔吸毒。起馬控制到毒禍。

至於標櫼問題，之後先算啦∼面對毒禍撗行，吸毒問題日益加劇，標櫼問題只是一個細問題。

再講如果標櫼係一個問題，咁唔好捉人去坐牢啦∼∼釋囚都會被人標櫼啦∼∼
依家唔去鐵腕控制，到個個學生都吸毒果陣，標櫼效應煙消雲散果陣(因為個個都吸毒仲邊有標櫼)，後悔太遲了。

講到私穩
嬰兒一出世，老豆老母會幫佢換片，乜都睇哂，邊有私穩呀？你細路所有嘢你都要知，你為咗保護你細路，你唔會要求細路講私穩，亦唔會比佢有太多私穩。
細路冇能力保護自己，仲學乜人講私穩，年青人一樣，部份思想未成熟，某程度都係唔曉保護自己，唔曉保護就由思想成熟的人去保謢，要人保護仲講乜私穩，人哋唔知你啲嘢，點保護你呀∼∼至於思想成熟的後生仔嘛，Sorry¬¬要犧牲你哋啦∼∼因為太多思想未成熟的後生仔啦∼∼
私穩條例有時我覺得太走火入魔∼∼自由、人權、私穩都係，做得走火入魔就好有問題∼∼美國佬自由，係好自由，咪成日校園搶擊囉∼∼隨時攞支炮仔周街走∼∼直頭白痴∼∼
個人絕對唔認同絕對的自由人權同私穩∼∼要有個中庸。
驗毒是私穩問題？幹他娘！想法子避過去吧∼∼殺毒禍高於他媽的私穩。

非常時期用非常手段

驗毒是私穩問題？幹他娘！
痛快！

[ 本帖最後由 masuk 於 2009-8-13 08:00 編輯 ]

多謝各位支持我的出位言論!承讓承讓!

引用:

原帖由 無神論狂徒 於 2009-8-13 11:47 發表
多謝各位支持我的出位言論!承讓承讓!

100% 支 持!!!!
不 過 想 講 多 少 少
我 覺 得 60, 70 年 代 主 力 吸 食 既 係 大 麻, 家 下 係 K
(當 然 果 時 都 有 海 洛 英, 不 過 吸 食 既 多 數 係 軍 人 同 二 十 打 後 既 人 為 主)
In other hand 大 麻 引 頭 同 副 作 用 都 冇 K 咁 利 害, 當 時 食 既 都 冇 咁 細 年 紀
重 有 香 港 吸 食 係 唔 犯 法 藏 有 先 犯 法  
驗 到 根 本 都 唔 會 俾 人 拉 我 根 本 都 唔 明 D 友 識 唔 識 法 律

[ 本帖最後由 Jeff9394 於 2009-8-13 14:29 編輯 ]

引用:

原帖由 Jeff9394 於 2009-8-13 13:59 發表

100% 支 持!!!!
不 過 想 講 多 少 少
我 覺 得 60, 70 年 代 主 力 吸 食 既 係 大 麻, 家 下 係 K
(當 然 果 時 都 有 海 洛 英, 不 過 吸 食 既 多 數 係 軍 人 同 二 十 打 後 既 人 為 ...

15分鐘疴一次不如死 lor ...

我都覺得解決方法係應該從根源着手...
大力打擊貨源及重重的罰罪犯...

攪乜野驗毒,如果成行,
卑你驗到成大班人有毒引,又點樣..
開多幾間正生呀？定送去監房呀？
都只係治標方法,
亳無用處！

[ 本帖最後由 khadafy 於 2009-8-14 03:09 編輯 ]

引用:

原帖由 khadafy 於 2009-8-14 03:05 發表
我都覺得解決方法係應該從根源着手...
大力打擊貨源及重重的罰罪犯...

攪乜野驗毒,如果成行,
卑你驗到成大班人有毒引,又點樣..
開多幾間正生呀？定送去監房呀？
都只係治標方法,
亳無用處！ ...

治本唔係唔好，唔單止好，直頭係最理想的解決方法∼∼找出貨源，斷佢貨源∼∼
但係如果係得，真係可以斷到佢貨源，而且重罸罪犯係有效的話，依家校園根本唔會有毒禍，毒品也不能流入香港∼∼因為政府一早已做咗。
人類幾千年歷，成日都話要和平唔要戰爭，用好多方法去禁止戰爭∼∼唔係唔好，但係理想歸理想，在理想未到時，治標係唯一方法∼∼
斷一兩個毒販，仲有大把毒販，就算比你斷哂所有貨源，捉哂所有毒販∼∼仲有成千上萬人渣會加入去搶呢舊肥肉∼∼冇可能斷到貨源∼∼
永遠有人投機，以機會主義去販毒，以為自己唔會被捉到∼∼所以永遠都有貨永遠都有毒販∼∼
就算比你治到本，都可能講梗N年後，到時都唔知有幾多學生哥成為老酮咯∼∼

我唔係唔讚成你套方法，但係治本前治咗標先∼∼如果唔係仲有無數學生會落入毒網∼∼
乜都假∼∼當下控制咗個情況先。

引用:

原帖由 khadafy 於 2009-8-14 03:05 發表
我都覺得解決方法係應該從根源着手...
大力打擊貨源及重重的罰罪犯...

攪乜野驗毒,如果成行,
卑你驗到成大班人有毒引,又點樣..
開多幾間正生呀？定送去監房呀？
都只係治標方法,
亳無用處！ ...

販毒利潤高得驚人
以困擾發達國家多年嘅海洛英為例
四號海洛英由金三角 "出廠" 價為 2,000 美元一公斤 (多年前聯合國資料, 近年冇留意)
經過重重轉折運到美國紐約, 批發價已經去到 20萬美元一公斤 !
其中產生嘅驚人利潤足以吸引唔少人去博老命
" 高檔"嘅可卡因亦一樣
由其是南美呢 D 國家買通官員更容易
可以買通嘅官員就買, 買唔通又阻頭阻勢嘅就殺
哥倫比亞毒販甚至有自己軍隊, 裝備比政府正規軍更先進
K 仔, 冰一類軟性毒品原料比海洛英更容易搞到手, 製作更容易
要消滅源頭談何容易
分拆去賣, 拆家手中數量唔多, 被擒亦損失唔大
香港刑罰更加笑料
嚇吓 D 養尊處優二世祖或者可以, 爛命一條亡命之徒會怕晌香港踎監 ?
笑話

[ 本帖最後由 飛毛腿 於 2009-8-14 17:54 編輯 ]

家陣做學生惡哂
大模狗樣返學校索 K 啪丸
啪到賴嘢, 學校仲唔敢責罰, 又話要輔導又乜又七 (輔條毛, 你俾錢幫補買 K好過)
話要搞個驗毒計劃
果然即刻一群腦殘白癡跳出嚟鳩噏一大堆廢話
私隱呀, 標籤呀, 人權呀 BLAHBLAHBLAH ....
個食屎屙飯私隱專員話父母冇權代表 18歲以下子女同意驗毒
呵呵
班抖糧鳩噏過日子廢柴官心諗無謂俾班刁民吊, 你 D 仔女索到腎虧關我能事
於是話驗毒都要個學生自願, 咁即係驗條毛
到今日止, 我好肯定晌地球上最白癡腦殘嘅人類就係聚集於香港

呢堆索 K 啪丸索到壞腦嘅學生過得十年八年後
就係一大大大堆冇任何謀生技能, 做鬼都唔靈嘅社會 " 弱勢社群" , 攤大手等救濟
到時班社會救世主又吠政府冇足夠資源令" 弱勢社群" 活得有尊嚴又舒適...
香港唔香真係天冇眼  h:" />

[ 本帖最後由 飛毛腿 於 2009-8-14 18:14 編輯 ]

引用:

原帖由 無神論狂徒 於 2009-8-14 13:35 發表


治本唔係唔好，唔單止好，直頭係最理想的解決方法∼∼找出貨源，斷佢貨源∼∼
但係如果係得，真係可以斷到佢貨源，而且重罸罪犯係有效的話，依家校園根本唔會有毒禍，毒品也不能流入香港∼∼因為政府一早 ...

如果話打擊完 A君後,B君又黎做,又打擊完B君後,C君又黎做.....
所以話做打擊都係多餘 o旣,而唔去做.....呢種講法...
真是似是而非的道理....

至於毒販是人的組織...怎可能大過國家級別的政府呢！
只要將型罸加到最最重的話,應該可起到作用！

引用:

原帖由 khadafy 於 2009-8-15 10:15 發表


如果話打擊完 A君後,B君又黎做,又打擊完B君後,C君又黎做.....
所以話做打擊都係多餘 o旣,而唔去做.....呢種講法...
真是似是而非的道理....

至於毒販是人的組織...怎可能大過國家級別的政府呢！
只要 ...

我意思唔係唔做捉毒販的工作，做就一定要做，冇可能停，因為一停，肯定有大把毒販嚟香港搵食∼∼
但係我信，就算你把販毒刑罸加到死刑，就算以酷刑如五馬分屍，淩遲處死，炮烙，都一定有人去販毒，因為世界上仍行死刑的國家都有好多，但係唔見得其罪案率低，例如美國紐約，美國都有死刑，但係其罪案率仍然高企∼∼係出名的罪案之城∼∼
我仍相信，重賞之下必有勇夫∼∼只要有錢，大把亡命之徒去做∼∼有些衰到無可再衰的人，生活處境和死冇分別，這些人一定不會介意去博一舖，輸咗咪最多死，對佢地來說死可能仲益咗佢，如果舖掂咗，對佢地係Bonus∼∼老虎蟹都博啦∼∼

但係你話加重刑罸應該有效，我都認為會有啲效，應該有人怕而唔去做，毒販少咗都有可能，但係敢做的毒販仍然有，肯做的毒販仲要多謝政府加重刑罸，因為市場需求不變，但係少咗人做，即係個餅少人分，毒販咪最多想法子運多幾轉囉∼∼賺多啲仲好∼∼

而且想治本的話，打擊毒販都只係治標，因為這個經濟世界，有需求就有供應，問題出在人有需求，而再深入去了解，人點解有這個需求，你會睇到是心理需要為導向，上癮後就是身理需要加心理需要，要治人心才能解決需求問題，冇需求才可解決供應問題∼∼
你要知一個人的心理問題都唔係咁易糾正，要為全港有吸毒及有可能吸毒的學生解決心理問題，唔講得笑∼∼而且我總相信，永遠有人鐘意沉淪，要輔導一個人積極進取已經難，但要引誘一個人沉淪好易，因為人類普遍鐘意向負面思考∼∼要治療大部份人的人心，個人主觀認為無可能，人到末日一天都冇可能見到這個理想∼∼
但係我仍然Buy你果套治本的方法，治本應該是一個處事大方向，只是治標止咳都係有需要∼∼
明知咳水有可待因，係一種精神科藥物，有麻醉功能，但係明天你有個重要Presentation要做，你唔飲咳水止咳，你可能失咗幾千萬生意，呢個情況下，止咳都要啦∼∼飲啦老友∼∼

[ 本帖最後由 無神論狂徒 於 2009-8-15 12:42 編輯 ]