白生我真係頂你唔乜順，外國大部份馬已經怕左我地隻超級馬王閒話一句，好多都唔敢跑國際盃，係因為知道閒話一句既利害，但係我真係估唔到你真係渣到呢，比人封位出唔到，你老味你真係叻到，我係呢個版因為隻閒話一句受盡各方當我傻，國際賽證明左我所知既野係正確，係一件開心事，閒話一句係各人心目中應該夠資格做馬王啦呱，但係你將我隻馬王跑成咁，你真係叻，呢隻馬只要係最後六百有空位根本就唔駛擔心，打比個場你就識抽出去，仲識用兩段力，呢隻馬有八百米衝刺力，你怕咩呀，依家返黎越追越近，你真係...............我冇野好講只係講過服字，我原本唔讚成比你跑國際賽，騎閒話一句，但係大摩係都要比，我只係小股東，沒有辦法同黃良柏及其他有份既馬主要求換人，如果我係大個份一早飛左你，用都用法國大騎師跑。上年對你都有點寄望，但係今年你返去訓啦。激到我成晚訓唔到，明明贏都變輸，你真好野。另外只能同老友柏兆雷講聲恭喜，今次你贏人唔係贏我隻馬，咁我賽後都問過蘇大少，佢話比佢跑贏左啦，又收到幾個老友電話，比佢地跑都贏，柏兆雷都話閒話一句深不可測，只要有好騎師，一定會發揮到其勁既潛能

閒話一句最後六百所受既影響根本唔大,
睇返重播,
好清楚睇到閒話一句係同萬千景象同一時間發力,
而萬千景象係一路head住佢過終點.

現場睇大電視，都同熊魔鬼兄一樣見解，閒話一句都唔夠萬千景象後勁好，好難反先。　

引用:

原帖由 HJ2127_ATR1 於 2009-12-15 09:19 發表
現場睇大電視，都同熊魔鬼兄一樣見解，閒話一句都唔夠萬千景象後勁好，好難反先。　

閒話一句根本就冇一步係迫近到萬千景象,
換句話講,
萬千景象一路都係keep住差唔多既距離到終點,
即係睇住佢黎跑.

地硬 ...

如果閒話一句唔係被困住其實係可以入直路就先上前 比萬千景象早一點發力 就到萬千景象追唔到 大家未段爆炸力都差唔多先透出嬴面就大一點啦

引用:

原帖由 chrysanthemum 於 2009-12-19 05:32 發表
如果閒話一句唔係被困住其實係可以入直路就先上前 比萬千景象早一點發力 就到萬千景象追唔到 大家未段爆炸力都差唔多先透出嬴面就大一點啦

我又唔覺得閒話一句係受困喎,
佢只係跟住好先生個股屁,
所以白德民就將隻馬抽入好先生既右邊上,
如果睇直鏡,
閒話一句抽出好先生右邊之後,
係有成個空位俾佢衝,
如果你再睇返重播,
佢抽出空位上既同時,
仍然係同出面既萬千景象距離差唔多,
如果用圖片中跑道上果條300M線做比較,
可以清楚睇到萬千景象並冇比佢率先發力,
整場賽事柏兆雷都係一路睇住閒話一句黎跑,
一副成竹在胸既姿態贏馬!

引用:

原帖由 熊魔鬼 於 2009-12-19 11:10 發表


我又唔覺得閒話一句係受困喎,
佢只係跟住好先生個股屁,
所以白德民就將隻馬抽入好先生既右邊上,
如果睇直鏡,
閒話一句抽出好先生右邊之後,
係有成個空位俾佢衝,
如果你再睇返重播,
佢抽出空位上既同時,
...

師兄，你用柏兆雷既級數同白德民比，即係香港對巴西者，人地既假想敵我地未來香港馬王閒話一句，用個咁既騎師跑，係人都空有成竹啦，咁同一世界，鳥語花香呢，隻閒話一句用蘇大少呀，睇下柏兆雷有冇咁老定，堅嫁，成個馬圈都係話白德民有問題，我又唔係唔認同你睇法因為各人睇既唔同，但係我重新我對閒話一句比你地任何人都熟，閒話一句有八百米最後爆發力，萬千景象都冇，閒話一句係一匹深不可測既怪獸，所以如果有一個好騎師比佢，佢真係可以發揮得好好，如果你有買今期冷門馬經，幾編都係鬧白德民，我都係照返分析。

引用:

原帖由 dennle 於 2009-12-21 22:24 發表
師兄，你用柏兆雷既級數同白德民比，即係香港對巴西者，人地既假想敵我地未來香港馬王閒話一句，用個咁既騎師跑，係人都空有成竹啦，咁同一世界，鳥語花香呢，隻閒話一句用蘇大少呀，睇下柏兆雷有冇咁老定，堅嫁，成 ...

<你用柏兆雷既級數同白德民比，即係香港對巴西者......>
個人認為賽馬最重要係馬匹實力既角逐,
騎師只係輔助,
而且投注閒話一句之前,
大家都好清楚係白德民騎,
作為一個聰明既投注者,
投注果陣應該考慮埋騎師配搭值唔值佢既賠率,
認為值得至去落注,
既然明知白德民級數唔及柏兆雷,
咁就更加唔應該投注大熱門既閒話一句啦,
點解又要買, 輸左又要鬧呢?
輸左一場馬就一定係騎師既錯?
唔可以係練馬師功力輸俾人架咩?



<閒話一句係一匹深不可測既怪獸......>
我只係講返我眼睇到既野,
佢係咪深不可測我就冇乜興趣理,
因為我一向都只係鍾意賭馬,
冇興趣做任何馬匹,騎師,練馬師既fans.



<所以如果有一個好騎師比佢，佢真係可以發揮得好好，如果你有買今期冷門馬經，幾編都係鬧白德民，我都係照返分析。>
我賭左咁多年馬,
見唔少寫馬佬搵騎師做箭靶,
以前都會好鍾意睇呢d文章,
不過而家睇完只係會得啖笑,
因為我信自己眼睇到既野.