http://www.ismoke.hk/index.php/2009-11-01-09-16-19
我唔係煙民，亦極之討厭食煙的人，原因係食煙的人從來只會顧自己，對於別人食自己二手煙，可以一啲唔好意思都冇，簡單講極為自私∼∼，成日在商場、商店、餐廳、波樓、機舖、各室內的廁格、升降機都有呢班人的臭味∼∼
煙民來來去去都係果幾個論點，但係冇一個經得起反駁∼∼
一．冇科學證據證明食煙同二手煙係食死人∼∼：煙民呢個駁斥只係抄煙草公司的技倆，事實係有無數數據證明，食煙者中肺癌同心臟病的人數明顯比唔食煙的人高，而經常食二手煙者都係比唔食一二手煙者中肺癌同心臟病的人數多；事實勝於雄辯，呢個論點根本狗屁不通∼∼

二．飲酒一樣有醉駕，點解政府要加煙草稅而唔加酒稅∼∼：呢個又係狗屁不通的論點，每年因食煙而支出的醫療公帑有幾多，仲有未計因為食煙而導致的經濟捐失有幾多（例如因病不能工作），相比起飲酒的醫療支出同經濟捐失，根本係無得比∼每年因食煙而死及飲酒而死的人，根本無得比∼再講飲酒本身冇問題，並不會危害別人，但係飲酒醉駕才會影響別人，反觀吸煙呢個行為本身已經危害別人，所以政府一路在飲酒問題上只針對醉駕，因為飲酒本身沒有構成第三者危險∼∼呢班煙民根本係食煙食到個人矇哂，柒吓柒吓山草葯口嗡得就嗡，思路混亂∼∼把食煙和飲酒扣上同一頂帽不知所謂

三．既然政府成日加煙稅迫人唔好食煙，不如一了百了立法禁煙囉∼∼：如果政府真係立法，我肯定佢比人小得仲甘，一定有班政棍加煙剷日吠夜吠要求政府禁煙要漸進式∼∼

四．加煙稅只會助長私煙，而不能禁煙∼∼：第一我肯定已經有不少煙民因為煙貴已戒煙，事實勝於雄辯；再講私煙係另一回事，白粉會害人，立了法禁毒，還不是有人偷運白粉入境，根據呢班不知所謂的煙民邏輯，難道要香港大開中門讓白粉合法入境乎？私煙是犯法行為，交由警方跟進，如未能禁絕私煙即係法例未夠嚴厲，你試吓走私煙等同走白粉吖嗱，睇吓仲有幾多人夠膽走私煙∼∼

五．我有食煙自由∼∼你有食煙自由啫，但係你冇自由迫人食二手煙架大佬！更冇理由deprive別人得到健康的自由呀！呢個論點煙民好明顯係顯得冇腦加白痴，思路錯得太明顯喇∼如果呢套邏輯行得通，林過雲當年就唔洗入獄啦，一句我有殺人自由就乜都洗得一乾二淨啦∼講得出呢啲說話的煙民，你都無謂同佢多講，因為講唔會聽，聽唔會明，明唔會做，做會做錯，錯又唔認，認又唔改．．．．．．．

但係唔係所有煙民都係野蠻不知所謂，只係想指出不少煙民反駁論點理據薄弱，冇深入思考，只自顧自地食煙，行為極端自私自利∼∼加煙稅我絕對贊成，最好加到一千銀一支，每次見到有杏加橙拿著支煙入七仔或店舖，我真係好想桶佢幾刀；一行入廁所或升降機，一大陣煙味，好想去食蕉房睇錄影帶，捉個扑街出嚟打∼∼

[ 本帖最後由 無神論狂徒 於 2010-2-12 12:28 編輯 ]

其實呢班煙民，如果食煙完全不會影響別人，∼∼我絕無異議，你們食飽佢啦∼∼
但這是沒有可能，煙民永遠會在不合適的地方吸煙影響別人∼∼個人認為吸煙者及非吸煙者的利益永遠是對立的∼∼

十分同意
最惡頂還有..D煙鏟上巴士呀,入室內呀之最后一口,跟住成車,成屋臭晒
吳知香港政府點解要禁售口服煙草
起碼尼班煙民可頂引生cancer責任自負與人無尢
又例如閣下有興趣食狗屎我無異議
不過吳好塭人陪食便可

港燦自以為是的思維.

引用:

原帖由 維圓阿伯 於 2010-2-12 14:52 發表
十分同意
最惡頂還有..D煙鏟上巴士呀,入室內呀之最后一口,跟住成車,成屋臭晒
吳知香港政府點解要禁售口服煙草
起碼尼班煙民可頂引生cancer責任自負與人無尢
又例如閣下有興趣食狗屎我無異議
不過吳好塭人陪食便 ...

啱咀形喎~~GOOD~
個人嚟誁都係架~~你生癌唔好累街坊~~
雖然口服煙草話比食煙仲毒,所以政府禁入口云云,但係比起非吸煙者的得益,班煙鏟食口服煙仲好,但係政府唔會啦~~表面上政府都有責任保持煙民的健康~~所以禁入口~~
最鐘意見到目光一致的討厭吸煙人士,好~~

引用:

原帖由 owths 於 2010-2-12 15:42 發表
港燦自以為是的思維.

講嘢一舊舊,你講乜鬼呀~~又好似唔認同,又講唔出點唔認同~~
你係咪路過呃Post博入咸網咋~~你入唔到咩?!

嘩, 已經起我老底..

引用:

原帖由 owths 於 2010-2-17 12:12 發表
嘩, 已經起我老底..

底就未起，但係睇穿你動作啫∼∼
你肯認就得喇∼∼
小心大版主睇到你呃POST，封你艇呀∼∼到時唔好話咸版，入都入唔到呀∼∼

絕對支持狂徒兄論句......

果D扮花旦.自私到無人有,

佢地理得理人地感受....最緊要就係自己有得食...

願D扮花旦,食完煙後,快快就食香.........

真係好杏加橙 食煙搞到人右搞到自己

如果你遇到煙民話我有食煙自由

你可以咁答：係呀！所以政府都有加煙稅的自由，擴大禁煙區的自由，嚴打違法吸煙的自由∼∼

自從食肆禁煙之後,
d煙民要"呢"o係屎坑,
對住d屎屎尿尿黎煲煙,
搞到其他人一入廁所就聞到好大陣煙味唔散,
真係難為d負責清潔廁所既大叔們.

引用:

原帖由 全軍盡 於 2010-2-20 11:47 發表


食肆未禁煙前個個都擔住口煙大解架喇！你真係...

明明係小左人晌廁所吸煙你就講到好似多左咁，仲忽然同情起日夜都對住屎屎尿尿既呀洗塔叔黎，你真係....  

其實最難抵係煙昧阻礙佢老兄入廁所享受原本應有嘅......
屎屎尿尿味     

引用:

原帖由 全軍盡 於 2010-2-20 11:53 發表


被煙害網想症！？

你祖上幾輩通街都任由吸煙，吸煙害人勁成咁理論上香港人應該已經死得七七八八，你仲點會出世先....

人手一煙既中國亦應該早已經被煙所滅族....

當年白粉鴉片仲毒過煙仔，中國人都冇死得七七八八∼∼人口都係咁升，咁依你咁講法，係咪唔應該禁鴉片呀？！香港係咪要開放毒品市場，跟著電視廣告見到劉德華做雙獅地球牌的代言人，啊容祖兒拍戲追龍上電∼∼

引用:

原帖由 全軍盡 於 2010-2-20 23:56 發表


根據熊對人類食肆衛生間既陌生陳述之後，我懷疑佢一向開大開細都係晌戶外露天操作....

即係呢，習慣晌大貨車轆邊解決果d呢....

煙民本身對煙味既臭覺同厭惡度,
一般有別於常人,
所以你未試過入食肆廁所果陣感覺到大陣煙味並唔出奇,
至於貨車轆邊開大,
相信係你至會有舖咁既癮.

引用:

原帖由 飛毛腿 於 2010-2-20 15:26 發表


其實最難抵係煙昧阻礙佢老兄入廁所享受原本應有嘅......
屎屎尿尿味     

你覺得廁所既屎尿味係你入屎坑應有嘅享受?
原來你鍾意入屎坑做吸味果,
唔怪得你日日蒲公廁,
吸吸埋埋咁多精華,
把口練到 咁臭啦!

引用:

原帖由 全軍盡 於 2010-2-20 11:47 發表


食肆未禁煙前個個都擔住口煙大解架喇！你真係...

明明係小左人晌廁所吸煙你就講到好似多左咁，仲忽然同情起日夜都對住屎屎尿尿既呀洗塔叔黎，你真係....h:" />  

查實一邊開大一邊食煙,
係咪會寧舍暢快d架?

引用:

原帖由 熊魔鬼 於 2010-2-21 01:54 發表


查實一邊開大一邊食煙,
係咪會寧舍暢快d架?

克淫頓都有叫佢情婦用Gap Gap食雪茄~~

引用:

原帖由 全軍盡 於 2010-2-20 23:50 發表


每次見到有杏加橙拿著支煙入七仔或店舖，我真係好想桶佢幾刀；一行入廁所或升降機，一大陣煙味，好想去食蕉房睇錄影帶，捉個扑街出嚟打∼∼



點都好，總之有以上想法經常盤旋腦間既人就一定要去睇睇醫生 ...

以前我在這個xocat的宗哲版打躉，註冊都係為了宗哲版，好耐好耐之前寫了一篇：臭屁反駁原理
披露一些詞窮理乏者無力反駁者，會用甚麼方式反駁，其中一個就是在主戰場外圍燒炮竹放煙花，因為自知無力入主戰場肉博，唯有在附近放吓炮竹，扮反擊∼∼
你呢種反駁手法，在宗哲版和我文章戰上，被我駁到口啞者，這招基本是必定會用的∼∼見慣不怪∼∼Anyway在時事版還是頭一次∼∼