尋日我早上帶阿B(今年2歲)去沙田探朋友.中午時候就走,臨走時,我朋友俾咗好多衫我阿B,分成3大袋,基本上如果要我一次孭晒上身係孭唔到,我就將兩袋掛喺士的車上,我自己孭一袋.
去到巴士站等車時,(我當時係喺隆亨邨搭88K去沙田市中心).我係排第3,4個,我後面又有2,3個人.
巴士到站,我見架巴士上冇咩人.(上層只有一半人,下層大約仲有3份1座位到,而且有輪椅位,我就諗住上咗車先收BB車)排到我上車時,我就托起BB車準備上車(我搭巴士如果帶埋BB車,都係托咗上巴士先收BB車).
點知去到車門,個司機好大聲同好惡膯大對眼咁指住我喝我..(好似便衣差人捉到扒手咁)
司=司機
司:你唔好上車呀!!!!我唔撚准你上車!!!(當時佢膯大雙眼,指住我,我都打個突)
我:吓
司:係呀!!你唔好上車呀,你收咗車仔先准上!!!
我:上咗車先收車得唔得呀?
司:唔撚得!!!你要收咗車仔先上得.
於是,我就行返上路邊,諗住收咗先上車啦~點知佢又好大聲彈一句
司:大把人上車呀~你驚死你冇得上呀???你咪收好車仔先上車囉~
當時D人都差唔多上晒車,當然...排我後面D人都已經上緊車啦~~
其實我當時都好氣頂,而且.....其實要我收起車仔,攞住車仔,拖住阿B同孭住3大袋嘢先上車,真係幾吃力,如果可以上咗巴士先收車,會好好多...但我當時冇理佢,一心諗住收好車仔上車就算,而且我係約咗另一朋友,所以諗住嗱嗱聲上到車,搭幾個站去到目的地就算......
我就抱阿B落地先,然後收車....點知阿B幾乎衝出馬路,好彩排我後面個好心阿叔幫我捉返阿B,原來佢一直都未上車,諗住幫吓我手.....
我捉返阿B時,我已經望到成車人係望住我,因為個司機不停咁話我.....(我聽唔清楚佢話我咩,當時我喺車外)
個阿叔見我抱返阿B,佢就幫我托咗架BB車上巴士,我同佢講等我收咗車先啦~
個阿叔就話:上咗車先啦~你又要顧住個細路,點收到車呀,佢衝出馬路仲大件事呀!!!
上到車,好心阿叔就同司機講:上咗車先收啦,個細路幾乎衝出馬路呀~
我當時快手入咗錢,個司機見到,又鬧:叫咗你收咗先上車,你係咪唔聽呀?!
我:不嬲搭巴士都係上咗車先收車架啦~
我一路講一路行去輪椅位度.佢就唔開車,仲要回頭加重語氣鬧我.
司:邊撚個話可以上車先收車呀???你遇著嗰D司機係咁做,我唔係咁做,唔係每個司機都係咁,個個咁做唔代表我都係咁做,我而家就係偏唔撚俾你咁做!!!!
我忍唔住同佢講:咁你想點呀而家,我都上咗車啦,我咪收緊車囉!!!
唔知點解佢仲火,總之我回一句,佢就大火一點...我唔出聲,佢就仲要鬧...
司:咁點呀????你收撚咗架車先拖個細路啦!!!
其實..我本身都唔係踩到埋嚟唔出聲D人,我如果還擊都幾大鑊吓,但係我約咗人,加上當時係返學時間,而且我又唔係搭好遠,只係幾個站,而一路又有位好心阿叔幫我.(佢一直都陪我行,主動幫我收車,有位佢都唔坐)我唔想影響到其他人,所以我盡量唔出聲.但佢見我唔0出聲就不停咁鬧我!!!
個好心阿叔終於出聲,但佢都係想息事寧人囉~~
阿叔同我講:算啦算啦~唔好理佢啦,我拖住你小朋友,你收好車先啦...
到我摺埋晒車仔同擺好幾袋嘢後,(終於)開車,行唔夠3秒,佢又停車.
個司機又出聲:你唔好理架車仔啦~你理掂你個仔先啦,你抱起佢啦~
其實當時仲有一對母女同我一齊企喺輪椅位,佢個女睇落同我個B差唔多大,個B女係自己企,扶住扶手,而我個B都係扶住扶手.
好~~~我又抱起阿B啦,個阿叔就幫我扶住架車...佢可能唔抵得阿叔幫我,架車開前咗一段,佢又停車..
佢又兇我:你自己架車自己睇返啦,你唔好掛住理個細路啦~你架車拍落嚟整親人我就同你計!!!!
我真係火都嚟:咁你想點呀!!!!!!!我個仔自己扶住你又話唔得,抱住個仔你又叫我放返低,而家我搭車啫,唔係要俾你點呀???車我都收好咗啦,你仲有咩要鬧呀????
當時都有其他乘客話:收咗車咪得囉.......顧小朋友安全緊要嘛~
個司機聽到,
又喝我:你架車仔有個鈎架嘛~你咪將個鈎鈎住扶手囉!!!!
我話:我架車邊有鈎呀?有鈎我都鈎咗啦,使你教?!
佢:架架BB車都有個鈎係俾人搭車時鈎車架啦....你架車個紅色鈎呀!!你唔好以為我睇唔到啦,你同我講撚笑呀??
佢所指嘅紅色鈎,只係士的車摺起時用嚟扣埋車身個鈎仔...
我:呢個鈎係用嚟扣住架車,唔係鈎扶手架~亦都鈎唔到扶手啦!!!!
佢仲惡:你話鈎唔撚到呀??
我:係呀,我就唔知點鈎喇...你鈎到嘅唔該你幫我鈎吖!!!
佢:得!!!你話鈎唔到嘛~~你話架!!!!咁你唔好鈎囉!!!
阿叔:得啦,而家擺好咗喇,架車唔會郁啦~佢抱好個細路就得啦~
之後佢冇聲出,當時架車係停喺隆亨邨消防局個位..由上車到消防局,佢已經鬧咗我咁多次....
跟住後面D乘客讓位,佢地都叫我坐好先,我就坐喺樓梯後第一排電視機下面個位.
當時我見到阿叔同其他乘客都已經望住個PK,然後擰擰頭--->
好心阿叔就幫我將成架車托起鈎喺扶手上,過咗兩個站,阿叔落咗車.
我已經咁就冇事啦,點知佢每停一個站,就搵D嘢又嚟鬧我一次.
阿叔落咗車下一個站,有個男人拖住行李上車,佢企喺輪椅位.
個司機又出聲:你睇住你架車整到人呀,你攞開架車俾位人企啦~
(其實當時嗰度都好多位,而之前對母女已經唔係企嗰度)
我想起身,好彩有兩位好心太太,佢叫我坐好,佢地行去幫我扶住車仔.
又到下一個站,
佢又無啦啦話我:你呀~~抱好你個仔呀!!!!唔好俾佢周圍走騷擾到人呀!!!!
嘩!!!我真係覺得佢係搵嘢嚟鬧囉~~我全程抱住我個仔坐,都費事俾阿B坐隔離位,費事佢又鬧我唔抱仔,而且我個B一早已經俾我地D嘈交聲嚇親,郁都唔敢郁,好乖咁坐定定,就連佢平時好鍾意想按鐘,都唔敢搞....
期間,我朋友打電話俾我,問我係咪俾個司機鬧,我都O咀,點解佢會知,原來我朋友話我可能揩到個電話打咗俾佢,佢一路都聽到個司機係咁鬧我....
短短十分鐘車程,我受盡刁難...我真係想喊出嚟!!!!
都咗落車,有好多乘客都好好心過嚟幫我攞嘢落車.佢地都好睇唔過眼,只係敢怒不敢言......
我落車JOIN咗我朋友之後,我即刻打去九巴客服度投訴,我都同職員講,其實每次上巴士,D司機都會叫我收車仔,多數係好好禮貌,有D都會唔係幾客氣,但見我收車之後都唔會再出聲.....我都算數.
但係我今次真係好嬲好委屈囉~我真係第一次俾司機咁樣刁難我,當我好似犯咁鬧....
我都係客嚟,唔使咁鬧呀???
我要求九巴跟進呢件事,我要得到個司機親身向我道歉,而九巴方面話會調查,十個工作天後有結果..
我亦反映我今次一定要追究到底,如果十日後佢地俾唔到滿意答覆我,我會從其他途徑去追究....
但我真係愈諗愈慶....我真係好想好想揚出嚟,而家等緊佢地答覆期間,我應唔應該去信報館或者搵區議員投訴呢?????
請大家俾D意見!!!!
P.S:我都好好彩,遇到咁多位好心人!!
我真係要好多謝好多謝尋日喺巴士上幫過我嘅好心阿叔同其他乘客!!!!!
雖然佢地都敢怒不敢言...但係我知道佢地都係睇唔過眼,而且,我都唔係想大家幫我出聲鬧個PK司機,我知道大家都係企喺我嗰邊,同有心幫我就得喇~~~
我真係好感激咁多位雪中送炭~~~大家萍水相逢,我無以為報,只能衷心向大家講一句:多謝~無言感激!!!!!!
Anna：【個人感受覺得好過份，絕對有針對同歧視成份！作為一個巴士司機係應該對客人有禮貌，但係上述司機唔單止態度差，仲對乘客講粗口，我覺得唔可以原諒~依嫁我朋友等緊九巴回覆，如果九巴唔積極處理，我朋友會將事件email到各大報館同所有討論區。】
[
本帖最後由 AV327_HM165 於 2010-4-7 10:24 編輯 ]
