引用:

原帖由 緋村飛影 於 2007-7-19 13:42 發表

講小左樣
原來血魔都跟埋金羅漢去搵金如來..
唔知點解我覺得血魔會比白路殺死

放心啦﹐憑身法血魔實走得甩﹐相信佢點都會留到一嘆氣番去見無敵。

引用:

原帖由 Colortiger 於 2007-7-19 15:10 發表
睇完今期真期真係媽媽聲，金羅漢用第9關就一個打5個，黑龍8關對住條冇乜內功嘅東條功就死死吓，條東條捱咁多野8關重擊都冇事，仲話要俾人監生打爆黑龍，唔通黑龍嘅第8關又係假野???

個個將金 ...

個東條話晒都係元老之一﹐先前仲當住三皇面前話要當面吊邪神一餐﹐簡直就巴閉到不得了。而黑龍一直以來都當老邪神阿爺咁看待﹐咁聽到個東條話要吊自己老豆之後就梗係會對佢有所顧忌﹐所以出招就無可避免必須留有七分力。

[ 本帖最後由 金拿督 於 2007-7-20 22:18 編輯 ]

引用:

原帖由 kincs 於 2007-7-19 15:31 發表
如果玉郎重記得自己講過o既野
咁下期金如來必勝
金如來贏左 金羅漢又點走得甩呢?

邪神終於都要一個面對泰國全部高手
好緊張ar~

所以我就話金羅漢哩獲衰梗個喇。個過程可能會係咁﹐首先金如來就引佢去一個灌滿印度神油oi既池塘﹐然之後金如來就用天佛降世將佢打落個池塘道。結果金羅漢就響全身僵硬動彈不得o既情況下無奈被擒﹐然之後就被俾白鷲運番日本。

[ 本帖最後由 金拿督 於 2007-7-20 22:16 編輯 ]

引用:

原帖由 小小力 於 2007-7-20 10:04 發表


白骨會唔會未死，被邪神收買左去對付通天呢??

白骨廢左老邪神o既武功﹐差唔多就等于毀左半個羅殺教咁﹐沒理由邪神會饒佢一命。

引用:

原帖由 金拿督 於 2007-7-20 21:55 發表


所以我就話金羅漢哩獲衰梗個喇。個過程可能會係咁﹐首現金如來就引佢去一個灌滿印度神油oi既池塘﹐然之後金如來就用天佛降世將佢打落個池塘道。結果金羅漢就響全身僵硬動彈不得o既情況下無奈被擒﹐然之後就被 ...

用左神油可能硬到上十四關...

引用:

原帖由 borborichijo 於 2007-7-20 22:15 發表


用左神油可能硬到上十四關...

得個硬字冇用架﹐四肢都"郁"唔到。可能運去日本之前金如來會將金羅漢擺o係個齋堂道俾人參拜供奉。跟住﹐就有個信徒無意中發現尊"佛像"嘴脣上撇鬍鬚會長長﹐而轟動左整個印度社會。

引用:

原帖由 小小力 於 2007-7-20 09:18 發表


憑鬥志,咬住邪神隻腳唔放!!

緝私犬???????

各位巴打,舊註中邪神見過痴尤未呀??

引用:

原帖由 小小力 於 2007-7-20 10:27 發表


唔知會唔會有一日唔識內功既谷次郎打贏邪神黑級呢??
同練金鐘罩,黑龍比金羅漢低幾班。以前o個個金鐘邪僧(小虎呀爺收佢皮o個個) 得金鐘罩七關都打片大江南北無敵手，今日黑龍八關連一個唔識內功既呀伯都差D打 ...

其實初中期既黑龍都好fit，初出場就一條友挑左北角七羅漢，跟住拍住小虎砌低有六關金鐘罩既鱷太歲；中期經典一戰：以慢打快，將當時取代銀鷹銀謢法位置既無影居士收皮；後尾又用分肩爪將仇千鶴重創。

但唔知點解，自從小龍upgrade後，黑龍表現就有D跌watt，唔通一定要小龍變番廢柴黑龍至醒番????

引用:

原帖由 休谷客 於 2007-7-20 16:58 發表


唔係掛??? 火雲邪神單人匹馬, 可以打贏哂由老天尊押陣既通天教??  

「火雲」話百年大典只是邪神的「表演舞台」,老天尊佢地算得什麼?
不過如果邪神打打下,跌左個「極道羅剎」面具,就肯定死梗!

引用:

原帖由 大力士PK 於 2007-7-20 22:56 發表
各位巴打,舊註中邪神見過痴尤未呀??

未見過!!!

引用:

原帖由 天下無敵老祖宗 於 2007-7-20 14:46 發表




為左令通天百年大典呢場大戰更布A老天尊在內，即係表示佢已經去到一個近乎神o既境界。

所以，無敵 + 金聖老打埋一份的話，就正好考驗下邪神係咪真係咁堅 !

以當日澳門聖邪大戰既戰績看，無敵+金聖老win硬邪神喎!!

引用:

原帖由 a1771550 於 2007-7-20 23:25 發表


以當日澳門聖邪大戰既戰績看，無敵+金聖老win硬邪神喎!!

現在我們不能用常理來諗,帶住「極道羅剎」面具極道邪神的實力!

[ 本帖最後由 喜歡足球 於 2007-7-20 23:34 編輯 ]

引用:

原帖由 小小力 於 2007-7-20 17:03 發表


睇趨勢應該係喎!! 老天尊話火雲邪神�龠簪襲馧茼悃葛�!!
但第一次見面,..又話老天尊五十年功力勝過邪神多多聲???
點解呢???

因為面具囉!! 老黃D書，奸角戴左面具後會特別有霸氣同勁D，況且家陣邪神戴既係"極道羅殺"面具，老祖宗上身咁勁呀!!

引用:

原帖由 天下無敵老祖宗 於 2007-7-20 17:05 發表


咁又真係離譜左 d ! 咁計法老天尊咪連金羅漢都不如？佢已經叫做係成個通天教入面最勁果個，咁都一野被震開？咁通天教不如提早執笠好過，無謂丟人現眼。

老天尊同舊著時差好遠，舊著時勁好多，40  ...

記得當日老天尊40層天初成，仲搵埋王小虎黎"驗貨"，硬食左小虎既超必"霹靂狂龍"一D事都無!!

引用:

原帖由 天下無敵老祖宗 於 2007-7-20 10:50 發表


嘩，咁火雲邪神現時黎講咪即係天下無敵？

妳覺得係咪連無敵，老天尊都唔再夠佢打呀？

奇了﹐哩幾期我睇左又睇﹐邪神只不過瞬間打死左個藍浪遮﹐我唸聖上o既小霹靂同老天尊o既電掌要做到同樣效果一D都唔難o窩

引用:

原帖由 亞佳佳 於 2007-7-20 22:53 發表


緝私犬???????

靈犬文殊萊西!

[ 本帖最後由 金拿督 於 2007-7-20 23:55 編輯 ]

引用:

原帖由 小小力 於 2007-7-20 11:56 發表


金羅漢已經練成金鐘罩11關咁當然合理喇,我都希望係咁!!
但如果東方無敵認為金羅漢既10關金鐘罩可以壓下金如來,...
咁同五魔差不多,...值唔值三千萬美金呢??
另外,東方無敵知道粒舍利子幾多錢被人買左,再 ...

老實講啊﹐如果無敵真係帶識得班齊人馬過印度滅左金如來﹐同理﹐邪神亦都一早班齊馬滅左中華武館啦。

引用:

原帖由 a1771550 於 2007-7-20 23:38 發表


記得當日老天尊40層天初成，仲搵埋王小虎黎"驗貨"，硬食左小虎既超必"霹靂狂龍"一D事都無!!

嘩﹐咁耐你都仲記得﹐真係好野。但﹐想請問下點解老天尊當時冇幫二郎神報仇?

哇~攪乜9呀?!

我己停買幾年!咁難得用王風雷引返我買;
買左幾期,越睇越火!!!
甚麼東條重打得內過老列火同劍妖???!!!!!!
而且重有小龍小虎重未打完..咪可以打半年.....

羅剎滅亡篇係咪就係講三皇點樣折左呢個基地大廈呀????!!!
係咁拖係咁拖......

開兩本黎做乜呀??
好彩冇中計買火雲.........

下期重新CUT書!!!!

買老龍.聽捉蟲
買火雲.頭都痕


[ 本帖最後由 kinniku 於 2007-7-21 01:36 編輯 ]

引用:

原帖由 金拿督 於 2007-7-21 00:43 發表


嘩﹐咁耐你都仲記得﹐真係好野。但﹐想請問下點解老天尊當時冇幫二郎神報仇?

金兄你仲好野啦!! 呢個大漏洞都俾你捉到!!

引用:

原帖由 a1771550 於 2007-7-21 01:32 發表


金兄你仲好野啦!! 呢個大漏洞都俾你捉到!!

唔好誤會啊﹐舊著D野我唔係記得好清楚﹐我剩係記得老天尊一出關就見到文殊o既屍體﹐然之後就夾埋凶星去打老祖宗。佢俾老祖宗打傻之前係未真係同小虎打過啊?

引用:

原帖由 金拿督 於 2007-7-21 02:25 發表


唔好誤會啊﹐舊著D野我唔係記得好清楚﹐我剩係記得老天尊一出關就見到文殊o既屍體﹐然之後就夾埋凶星去打老祖宗。佢俾老祖宗打傻之前係未真係同小虎打過啊?

我都唔係好記得到底老天尊有無同小虎揪過喎(試招唔計)...金庫之戰就係小虎一對4，打得都幾激，最後仲送左二郎神上西天，之後小虎就講左句"獵犬終須山上喪.將軍難免陣中亡"，激戰中的眾人都不期然有呢種共鳴，呢段萬有寫得真有一手。但最後因蚩尤趕到，老天尊好似無法即時同小虎打幫個仔報仇(個陣仲有個未變奸既龍貫天在場，所以場交打唔成)...好似係咁...

here I am her

引用:

原帖由 a1771550 於 2007-7-21 03:08 發表


我都唔係好記得到底老天尊有無同小虎揪過喎(試招唔計)...金庫之戰就係小虎一對4，打得都幾激，最後仲送左二郎神上西天，之後小虎就講左句"獵犬終須山上喪.將軍難免陣中亡"，激戰中的眾人都不期然有 ...

蚩尤趕到與老天尊開戰, 小虎vs陳傲雲,陳傲雲戰敗偷走, 小虎雙目中毒; 蚩尤同老天尊戰個平手, 最後放晒人去;
老天尊40層天只同小虎打過一招, 再見小虎已經係臨死前.