引用:
原帖由 醉臥天涯 於 2009-6-27 03:42 發表 
戒仔一定一招就無貨賣!唔通話勇哥一代火雲邪神俾個靚仔打低,
我有預感, 普陀法王&戒仔既助攻會令邪神受傷, 因而令功力有損, 之後邪神再鬥三皇, 過程中雖然破了三皇的陣法, 但已內傷不輕, 三皇中黑龍因為係陣法中的 key man, 傷得也是最甘; 小龍激光傷未復下, 鬥邪神傷上加傷; 雙皇已無力再戰, 而小虎在契老豆老黃加持下, 最後神勇踢出由大霹靂中蛻變出黎既 "九陽霹靂裂頭腳" 鋤落邪神個頭度, 做成永久傷害(例如額頭有個大傷疤之類, 好似舊龍結尾時天武英明咁).
但小虎出完呢招新超必後已腳軟, 而邪神一身超神功力力保不死, 但因腦傷太重而影響視聽覺, 無法準確出招, 更甘的是已呈瘋癲態勢. 老邪見勢色不對而落場救邪神, 已是強弩之末的三皇, 眼甘甘睇住老邪帶走邪神, 羅剎終戰就咁結束...
勇哥腦部因硬食九陽霹靂裂頭腳而傷得太甘, 一身終極功力全部湧到腦部與九陽霹靂氣勁對抗, 不單瘀血壓住腦部中樞神經, 更因腦神經在九陽霹靂及易筋黑級一間功力互鬥下, 終於令到腦部無法正常運作, 於是 short 左, 同時亦失去視聽兩覺, 即使功力高如老邪亦對勇哥咁重既腦傷束手無策.
而呢個時候通天教已開始趁虛而入, 華九公趁羅剎教亂走人, 就咁, 勇哥在無良醫治理下, 變成廢人, 霸氣盪然無存, 老邪見勇哥咁既下場, 認為 "羅剎轉生" 終究只是傳說 (又或者認為小虎砌低邪神係應左 "老虎乃羅剎尅星" 既傳說), 心灰意冷下, 就用黑級功力, 將勇哥功力鎖死, 然後將無反抗能力既勇哥交俾首相, 力保羅剎教.
意興欄柵的老邪有永遠退出教務念頭, 但教中不可一日無主, 兼且要力抗通天教, 在教中已無心腹下(白鷲只算係邪神心腹), 唸起哎也契仔黑龍, 於是向黑龍講左堆 "水可載舟, 亦可覆舟" 既誘詞, 兼且以替黑龍治傷為由, 趁機將黑龍推上十一關半, 就咁黑龍在欠下老邪一大人情及"兼善天下"的想法下, 被說服做左羅剎新主, 應左之前夢境既預言, 仲聯同龍記手足力抗通天, ...
另一方面, 勇哥過左一段人生中最低潮既日子後, 老祖宗搵 "福星" 搵上門, 用九死穹蒼兩大神功化去勇哥腦門瘀血及九陽霹靂氣勁, 但九陽霹靂氣勁被化去同時, 與之糾纏的黑級一間功力亦遭化去, 勇哥雖因而傷痊, 但也功力全消, 與當年因功力大進而出現的飛昇氣象南轅北轍, 老祖宗大怒下, 重掌擊下欲殺勇哥洩憤, 誰知此時邪神體內突然湧出一股較易筋一間更雄渾的功力 --> 諸法空相, 空中無色; 五蘊皆空, 究境涅槃: "真。易筋終極。無間" 大成. 邪神浴火重生, 此乃後話...
[
本帖最後由 a1771550 於 2009-6-27 14:40 編輯 ]
