有好多粵長片唔知點解做過一兩次之後，就幾十年都冇再做過既呢？好似有齣「女賊金燕子」係陳寶珠、曾江、石堅做既，已經三十幾年冇做過了，記得七幾年好細時做過一次，另一套係「香羅塚」由吳君麗、任劍輝做既，又係幾十年冇做過，但有些粵語片卻做完唔夠幾個月或一年左右又會重做。
唔知會唔會因為版權問題呢？粵語片既版權會唔會有限期？但而家仍做緊既版權又點傾呢？

而無線凌晨既「民間傳奇」就係經典，幾十年如此，不停翻做，如果版權問題唔方便播外國片集或外購片，咁無線自己都大把劇啫，點解只鍾情於「民間傳奇」呢？

"而無線凌晨既「民間傳奇」就係經典，幾十年如此，不停翻做，如果版權問題唔方便播外國片集或外購片，咁無線自己都大把劇啫，點解只鍾情於「民間傳奇」呢？"

如果唔係幾十年不停咁翻播，點樣做成呢個民間傳奇嘅民間傳奇呢？

香港法例是出版後 50年才受版權保護，所以已鮮有機會看1960年以前的電影。因為電影公司不會做賠本生意。

经典。。。。。。。。。。。。。。。。。。。。

引用:

原帖由 mygo 於 2010-5-23 20:11 發表
有好多粵長片唔知點解做過一兩次之後，就幾十年都冇再做過既呢？好似有齣「女賊金燕子」係陳寶珠、曾江、石堅做既，已經三十幾年冇做過了，記得七幾年好細時做過一次，另一套係「香羅塚」由吳君麗、任劍輝做既，又係 ...

除左阿伯的答案之外還有一些原因的。
五、六、七十年代的香港電影產量多，但當年人們對於保護版權的意識可謂十分低，加上當時大部份拍片的電影公司往往經已消失，而本來買起版權的公司，又會因為各種原因而結業和轉手，即使仍存在也好，不少粵語電影可能只剩一至兩個拷貝，甚至剩下不能復修的底片，它們輾轉數十年流落巿面，就此消失都不足為奇。

以現時粵語長片的版權來說，不少重覆又重覆的長片都是電視台早年以極低價錢買下，然後用錄影帶複製，十分超值，但都買少見少了。

至於無線播「民間傳奇」，事實上「民間傳奇」在73-77年間，拍了不止於數十集，按照故事性來講，應該是歷久不衰的，坦白講，難道播「真情」或者「季節」嗎？這些肥皂劇安排在午間播，效果會更佳。

引用:

原帖由 bobbystar2100 於 2010-6-7 11:46 發表 除左阿伯的答案之外還有一些原因的。五、六、七十年代的香港電影產量多，但當年人們對於保護版權的意識可謂十分低，加上當時大部份拍片的電影公司往往經已消失，而本來買起版權的公司，又會因為各種原因而結業 ...

我唔係好明白上面師兄所講的那句：香港法例係保護出版左50年既作品，同而家好少看到1960年代前既作品。
我想問：到底係保護50年就唔保，定係出版左50年後先至受保呢？
如果咁，而家新拍D電影，咪全部都冇版權囉。

你講得冇錯，上次聽到，有人在馬來西亞檳城街頭上拾到大量廢置既粵語電影菲林拷貝，聽講仲有相當數量係關德興主演的黃飛鴻電影。實在暴殄天物了。

在檳城有個親戚，細個時在街上玩，見到一個垃圾籮，細路仔好奇下就去欏入面D野黎玩，解開其中有一幅畫，原來係觀音像，該親戚自小上契觀音，家人亦拜觀音。見到觀音像，心想：呢個咪契娘？點解丟響街呀？細路仔自然習慣膜拜，膜拜完之後，於是拾回家中收好，幾十年冇拿出來，直到搬屋先再發現，搵人查左一輪，比對印鑑，先發現原來係明朝某名家手筆，有些人實在太浪費了。

好多電影，我見香港電影資料館都有，但就收埋，好少公開放，我上面所講既兩齣電影都係一樣。
講番民間傳奇，我記得係有好多，但唔知點解，播來播去都係個幾集，如四進士、荊釵記等，不到兩三個月又翻做，其實。民間傳奇仲有好多，如黃允財及汪明荃的帝女花等，但都未見做過，所以先覺得奇。

六十年代香港法例到底有否保障版權方面的條例就不得而知。

而小弟的知識所得，
現有的《創作版權條例》有分幾類，但就電影類而言，版權的期限在導演、劇本作者、對白作者，特別為影片創作並用於影片中的音樂的創作人中最後死亡的人的死亡年份起計50年為止。

至於受保問題，則要視創作人會否於死前於法律上宣佈公開版權，否則無論怎樣，當創作人死後50年期限屆滿，無論所有持有者（包括創作者委托之公司、或後人）手持該作品，亦不能繼續以版權收取任何費用，換言之，其創作之作品必須公開。

聽講當年仍有不少粵語電影流落巿面、或有公司持有，可惜當年保養技術極差，加上濫拍形象實在太差，就算七十年代的電視台都未必肯買。好像現時的電影資料館內有不少拷貝仍在等候科技再進步時才修補，可想而知，比如《關公大戰外星人》般，如非彭導幸運都不能重見天日…

至於無線的重播劇集的確「怪雞」，比如「狂潮」只是播了一次，但「家變」卻足足放了三次；好些如「大報復」、「強人」、「大亨」更從來未曾在翡翠台重播（收費經典台例外）…

至於「民間傳奇」，據一些前輩講述，聽說有些底片因為年代問題變得殘舊，不能播放…

引用:

原帖由 bobbystar2100 於 2010-6-7 17:38 發表 六十年代香港法例到底有否保障版權方面的條例就不得而知。而小弟的知識所得，現有的《創作版權條例》有分幾類，但就電影類而言，版權的期限在導演、劇本作者、對白作者，特別為影片創作並用於影片中的音樂的創 ...

哦，明白了，咁即係版權保護最多50年，就如維基差不多，作者死後50年可任意轉載使用了。六十年代版權都應當是有的，睇老夫子漫畫都有版權所有，不得翻印的字眼了。 這點同硬件又不一樣，記得以前用zip driver，好似係保5年的。所以後來就有各種不同牌子的zip driver賣了。不知是否中國人如此，不懂得珍惜及保存，我們的粵語片拷貝，從來就只有花花碌碌的，有的甚至在菲林上打交叉，打圈圈等。照理無線應不會搞到D片花晒吧？理應有專人保存，就如邵氏的片一樣，如傾國傾城、七十二家房客等，不是保存的很好嗎？當然跟外國比，實在差太遠了，早年在美國及日本購了雌雄神探及猛龍特警隊DVD回港，人家保存實在要借鏡。我們十幾年前的DVD已差不多不能忍受了。我的問題反而有興趣想知一般片集都不會重播的原因，尤其外購片集。

[ 本帖最後由 mygo 於 2010-6-7 21:54 編輯 ]

引用:

原帖由 bobbystar2100 於 2010-6-7 17:38 發表
聽講當年仍有不少粵語電影流落巿面、或有公司持有，可惜當年保養技術極差，加上濫拍形象實在太差，就算七十年代的電視台都未必肯買。好像現時的電影資料館內有不少拷貝仍在等候科技再進步時才修補，可想而知，比如《關公大戰外星人》般，如非彭導幸運都不能重見天日 ...

to the best of my memory -

李怡都有提及，他爸爸是電影人，家中儲有不少拷貝，因香港天氣潮濕，限於資金，都毀壞了。

引用:

原帖由 mygo 於 2010-6-7 21:40 發表
哦，明白了，咁即係版權保護最多50年，就如維基差不多，作者死後50年可任意轉載使用了。六十年代版權都應當是有的，睇老夫子漫畫都有版權所有，不得翻印的字眼了。 這點同硬件又不一樣，記得以前用zip driver，好似 ...

1. 打圈圈交叉只因當年技術人員剪接「mark片尾」用白筆一劃「求其」就算，不像外國用嚴謹方式處理（用隱形筆之類），但事實上當年的技術實在有限，落後一點都沒辦法。

2. 當年粵語片公司的器材和技術跟邵氏、國泰、電懋三大投資又是天淵之別，這點就是為什麼邵氏電影得以保存至今的答案。查過不少舊書所知，當年邵氏應該為國片第一代用「新綜藝孤形闊銀幕」，但粵語片呢？六七年的「詩禮傳家」跟六三年邵氏國片「傾國傾城」就是分別所在了。

3. 現時電視流行的betamax制式都是七十年代未、八十年代初的事，未有sony beta的年代，保存電視錄影帶的就要用上像pizza般巨大的舊代「sony3/4" U-matic」甚至RCA的「大餅帶」，聽前輩所述，上一代磁帶保存較差，有次深夜無意看到「民間傳奇」，發現一些畫面突然出現跳線，便屬一例。

4. 好些七十年代的經典劇沒有播這點真的難考究，或許是尺度問題比較大，畢竟好些舊年代的片集對白夾雜不少廣東俗語和粗口，但卻諷刺地在今日的標準下是不容許的…

5. 《猛龍特攻隊》之類的外購劇到現在都有版權的，要重播就要收費，以現時大台的作風，會播實屬奇蹟。

[ 本帖最後由 bobbystar2100 於 2010-6-8 15:31 編輯 ]

引用:

原帖由 bobbystar2100 於 2010-6-8 05:56 發表 1. 打圈圈交叉只因當年技術人員剪接「mark片尾」用白筆一劃「求其」就算，不像外國用嚴謹方式處理（用隱形筆之類），但事實上當年的技術實在有限，落後一點都沒辦法。2. 當年粵語片公司的器材和技術跟邵氏、 ...

係哦，而家想睇番D鍾意既粵語長片，都已經冇方法，響CD舖賣既，都已經有晒，唯一來源，只有望電視台播，但好多又播來播去，有些又永遠冇再重播，實在可惜。

唔知點解，個人只喜歡細個時既粵語片，大都在五六十年代，至於七八十年代既，就十分反感。
可能以前既片，做得黎有寫實感，例如新馬仔、鄧寄塵等，至於點解討厭七八十年代既片，可能係第一彩色差，第二，那時代流行工夫片，D人個個留長頭髮，例如黃元申、梁小龍等，但背景又在民初年代，十分不協調所致。

引用:

原帖由 mygo 於 2010-6-10 19:25 發表


係哦，而家想睇番D鍾意既粵語長片，都已經冇方法，響CD舖賣既，都已經有晒，唯一來源，只有望電視台播，但好多又播來播去，有些又永遠冇再重播，實在可惜。

唔知點解，個人只喜歡細個時既粵語片，大都在五六十 ...

me too...

細個亞媽做 part-time, 留下我在家，家姐湊我，就是看電視d 粵語片。以前覺得粵語長片老套，覺得 d 男 /女 主角又醜樣。
大左，覺得 粵語長片其實教化左我 哩代 / 上 1 代，e.g. 勤奮 / 問心無愧 / 憐恤貧困 / 不欺善怕惡/ 不欺貧重富 etc. 而家 d 傳媒，反而宣揚相反的價值觀。
而且覺得有d 男 /女 主角，靚得好有味道。

引用:

原帖由 suewong 於 2010-6-10 20:51 發表 me too...細個亞媽做 part-time, 留下我在家，家姐湊我，就是看電視d 粵語片。以前覺得粵語長片老套，覺得 d 男 /女 主角又醜樣。 大左，覺得 粵語長片其實教化左我 哩代 / 上 1 代，e.g. 勤奮 /  ...

係哦，唔知點解，我細個時，覺佢地好醜樣，但而家反而覺得甚有風采，好多女明星如是：如梅綺、周坤玲、麗兒、鄭碧影等。

舊粵片係老套，但個種教人向善、孝、忠並冇改變，反之今日，殺人放火先係英雄，實在太大諷刺。

引用:

原帖由 mygo 於 2010-6-11 00:18 發表


係哦，唔知點解，我細個時，覺佢地好醜樣，但而家反而覺得甚有風采，好多女明星如是：如梅綺、周坤玲、麗兒、鄭碧影等。

舊粵片係老套，但個種教人向善、孝、忠並冇改變，反之今日，殺人放火先係英雄，實在太 ...

有品味, 因為同我 D Taste 1 樣...