上次唔知點解真係覺得[葉問]幾好睇, 所以最近(1個月前)同幾個中坑朋友又入場睇續集[葉問2]. 睇完之後R爆頭…點解套戲咁[西]片??幾乎可以講得上百無一用.

先講文戲, 今次呢個來咗香港既葉問, 除咗[打]同[收學費]之外, 做過d乜野?佢同老婆,佢個仔有乜發生過, 佢除咗識睇住任達華之外,點解一d都唔識幫佢?到最後係當華哥個病有好轉識得認人定點呢? 樊少皇既香港生活係如何?葉問既門徒係乜野背景?葉問話最後訓練自己, 係訓練d乜野?佢對詠春拳有冇自己既見解?當時詠春拳在廣州拳壇一直有名,而葉問更係直系門人, 點會香港冇人識?唔好講得咁複雜, 記得之前上編劇堂, 阿sir教過劇本基本; 係主角在故事結尾時佢既角色會有不同既改變…但[葉問2]既葉問好似連這基本都冇.

再睇番[打]戲就特別冇料到, 詠春拳既打法同上集一樣,冇新意冇特色…三個層次既詠春,[小念頭],[尋橋]同[標指]見唔到…八斬刀同六點半棍,似有實冇…洪拳唔似洪拳, 在茶樓一場, 有邊個知道羅莽打既係猴拳定大聖劈掛? 馮克安打既原來係[八卦掌]? 點解葉問次次都打贏人? 其實詠春拳有利有幣, 不利於空擴既環境作戰, 呢d野冇人講…最尾葉問仲扮晒野同人講[尊重],我睇完之後真係有少少想嘔,

呢部戲同[霍元甲]一樣, 攞咗人地個招牌就亂打飛機,成部戲幾乎冇做好任何資料功夫, 如此電影就幾千萬票房,當係我本人唔識貨,  編劇先生唔好以為老豆係半個老闆就好巴閉…你知唔知個[醜]字點寫?

你當一套動作片黎睇會唔會冇咁嬲?

仲想出葉問3？

唔好期望甘大，自然就唔会甘失望啦∼∼其实打戏仲ok啦

唉...動作片都應該有要求啩, 唔通求其有人在片中拳來腳往就可以唔理有冇劇情?...而家係睇電影唔係睇3仔, 就算睇3仔都希望男既搏,女既索...做人點都要有要求同底線...

[ 本帖最後由 runaway 於 2010-6-21 16:47 編輯 ]

thanks c-hing sharing ~~~~~~~~~~~~
你當佢只不過係另外一套港產爛片黎睇會唔會冇咁嬲？

还是第1部经典 续集一般都不咋地

叶问2武打场面明显没有第一部好看！