其實,那些地產商比港共政府及香港人更有遠見
1.地產商係上市公司,樣樣走高檔､美化路線,業積才會靚,你們才會買佢股票,股價自然升,自然搵得多。
2.佢地早就知道香港人､內地人購買能力在那裡,近年在內地招人到香港買樓都有,整得靚,買得貴,邊個買得起?
3.香港本身地少,而且官家唔敢介入,只要地產商買地買得低,就貴極都有限,反而,就想平都難。
4.香港依家階級愈來愈鞏固,愈來愈難一朝富貴,換言之,愈來愈少人可以買到樓,反而內地富人愈來愈多。
上述四點,地產商比起我們,睇得更透。
我們日日要求增加土地供應､免息､起更多單位,其實都係向地產商投降。
我們應該爭取什麼呢?就是建更多公屋,令更多人入住公屋,擴大租樓市場,改變香港人必須置業觀念,還原五､六年代,個個都係租客.大家才儲到錢,才會富。

冇錯
去同班 80後講
成日牙痛咁聲話樓貴買唔起
買條毛樓咩
去申請住公屋咪得囉

其實唔係唔想住公屋，係冇資格住∼
鬼唔知公屋正咩!但係好難囉∼中產真係弱勢一群，一家三口搵萬多二萬住公屋，好過中產住私樓∼果時我計過∼依家唔記得∼但係只記得稍多錢都入唔到公屋∼但係啲錢多到又賣起私人樓∼要供都要監粗供∼供呢∼閑閑地供你一皮嘢都唔係乜嘢豪宅∼剩番雞碎咁多自己用，又要比車費生活開支伙食燈油火燭∼仲有個個月總有特如其來的支出∼生活唔見得比住公屋好∼住公屋租二千銀左右仲有大把錢剩，二者生活質素唔差好遠，如果你住公屋但係之後搵到，根本係嘆記∼根本冇壓力，但係中產個工作壓力大好好多多倍，中產冇乜著數，咁大生活壓力有時真係想問為乜∼
最慘係兩公婆搵二萬多三萬，公屋冇你份，私樓又貴得滯，唯有硬供一係租∼供完剩返二板嘢左右∼唔好得過住公屋班人∼

中產好似社會的孤兒仔∼每日都被政府同社會上上下下上下其手抽水∼
社會最嘆係果班未到中產階層∼但係又唔係窮困批∼社會有好多資源比佢哋，佢哋又唔窮∼二者加埋真係嘆∼搵錢唔算多，相對工作壓力細∼勁舒服∼ＫＥＹ摩之∼
中產又名冚包散∼