前輩講大同汽水，記得，但好少飲。自己一個根本冇可能有能力買汽水，包括二毛子一支的細哥喇。那時多數都係雪條，雪糕都冇可能了，三毛子一個蓮花杯，仲貴過支汽水。
兒時成日有踩住單車的雪糕佬，賣既野有雪條、雪糕，仲有甜筒，搵既時候要搵個電筒去照。


有時未必一定要食呢類野，反而幾鍾意佢地既雪木瓜、雪李仔、一毛子一包。
安利雪糕、安樂園雪糕、牛奶公司....
安樂園雪條都好豪華，要賣二毛子一支，那時賣個阿伯知道好多人買唔起，就將一支切開四件來賣，用牙簽篤住，斗零有交易。
後來出到孖條，一毛子，又可以兩個人食。

引用:

原帖由 mygo 於 2010-7-30 20:05 發表
前輩講大同汽水，記得，但好少飲。自己一個根本冇可能有能力買汽水，包括二毛子一支的細哥喇。那時多數都係雪條，雪糕都冇可能了，三毛子一個蓮花杯，仲貴過支汽水。
兒時成日有踩住單車的雪糕佬，賣既野有雪條、雪 ...

d 雪條通常是家姐買比我。記得 有 1 隻是白色的，跌落地時，我問家姐，雪係咪咁樣。

蓮花杯是看完牙醫後，阿媽會買比我食，安慰我。

有鄰居是賣硬雪糕的，5 仙有交易。仲有得轉輪盤，贏左可以有大杯 d。不過亞哥話個輪盤有古惑。

引用:

原帖由 suewong 於 2010-7-30 22:09 發表 d 雪條通常是家姐買比我。記得 有 1 隻是白色的，跌落地時，我問家姐，雪係咪咁樣。 蓮花杯是看完牙醫後，阿媽會買比我食，安慰我。 有鄰居是賣硬雪糕的，5 仙有交易。仲有得轉輪盤 ...

真幸福，有牙醫睇。仲有蓮花杯食。


記得細個換牙，老媽子捉住個頭係咁搖，D牙就會甩，跟住喊餐死。大左至今只補過牙及洗牙，其他都未幫襯過牙醫了。

引用:

原帖由 mygo 於 2010-7-30 23:46 發表

真幸福，有牙醫睇。仲有蓮花杯食。


記得細個換牙，老媽子捉住個頭係咁搖，D牙就會甩，跟住喊餐死。大左至今只補過牙及洗牙，其他都未幫襯過牙醫了。

你就好啦。我試過拔智慧齒，杜牙根。飯票食完飯，唔擦牙, d 牙比我健康。

引用:

原帖由 suewong 於 2010-8-1 17:55 發表 你就好啦。我試過拔智慧齒，杜牙根。飯票食完飯，唔擦牙, d 牙比我健康。

自少懂事之後比較懂得保護牙齒，早晚必定刷牙，近十年改用電動牙刷，效果會好好多。
其實，牙齒亦都睇遺傳既，當然後天保養都有一定功效。

托賴，今日，汽水、雪糕、冰水呢D野，尚未難倒小弟，算是好彩。

大家講開雪糕
以前去大球場睇波
會有個小販賣雪糕同甜筒
牌子係 倫敦
青一色 芒果雪糕
好好味
好似以前去海運戲院都係有這牌子雪糕賣
好回味啊

最鐘意食孖條，哥啦同燈汁一樣咁正。

引用:

原帖由 36D 於 2010-8-3 14:15 發表
最鐘意食孖條，哥啦同燈汁一樣咁正。

覺得孖條無普通雪條咁好味。

引用:

原帖由 suewong 於 2010-8-3 17:32 發表 覺得孖條無普通雪條咁好味。

其實孖條比較唔好食係因為只有幾種味，如橙汁、青檸等，其他如紅豆等係冇孖條的。

橙汁、青檸雪條，用口一啜,，幾過癮下，好甜，但淨下來的，味道已啜走，只淨下白白色的雪，淡而無味，當然冇咁好食了。

SUE姐有冇執過青島啤酒酒樽蓋？那時青島酒樽蓋可以換錢，大支既蓋可換一毛，細支(紅色蓋)可換斗零。執完又可買雪條。兒時爛左既膠拖鞋、燒左既電燈胆、甩左手腳既洋囡囡、開左食完既罐頭，都唔會掉，留番。有個阿伯，每兩日推車仔經過，就可用這些廢物換麥芽糖，比較值錢既都係電燈胆，可能尾部係銅既關係，換支麥芽糖可以有兩塊梳打餅夾住，而拖鞋只有淨麥芽糖。

[ 本帖最後由 mygo 於 2010-8-3 19:53 編輯 ]

引用:

原帖由 mygo 於 2010-8-3 19:52 發表
SUE姐有冇執過青島啤酒酒樽蓋？那時青島酒樽蓋可以換錢，大支既蓋可換一毛，細支(紅色蓋)可換斗零。執完又可買雪條。兒時爛左既膠拖鞋、燒左既電燈胆、甩左手腳既洋囡囡、開左食完既罐頭，都唔會掉，留番。有個 ...

反而好細個時，跟過家姐，拎 d 啤酒樽 / 汽水樽 去雜貨店 (應該係家姐係街執番黎)，回樽。我記得雜貨店好惡，話 d 啤酒 / 汽水唔係個度買，唔肯收。

家姐成日都話，佢地個輩，大半世都要挨。

我覺得佢係要挨，但是  都有個桔，其實比下有餘囉。

引用:

原帖由 mygo 於 2010-8-3 19:52 發表
SUE姐有冇執過青島啤酒酒樽蓋？那時青島酒樽蓋可以換錢，大支既蓋可換一毛，細支(紅色蓋)可換斗零。執完又可買雪條。兒時爛左既膠拖鞋、燒左既電燈胆、甩左手腳既洋囡囡、開左食完既罐頭，都唔會掉，留番。有個 ...

點解咁值錢 ？考起 !!!

引用:

原帖由 mygo 於 2010-8-3 19:52 發表
SUE姐有冇執過青島啤酒酒樽蓋？那時青島酒樽蓋可以換錢，大支既蓋可換一毛，細支(紅色蓋)可換斗零。執完又可買雪條。兒時爛左既膠拖鞋、燒左既電燈胆、甩左手腳既洋囡囡、開左食完既罐頭，都唔會掉，留番。有個 ...

SUE姐點會執過青島啤酒樽蓋，佢邊有我地咁老，
樽蓋除了可換錢外，好似加埋幾個仲可以換酒杯添。

所以個陣時我地小朋友成日爭住同大人賣啤酒。

[ 本帖最後由 理魯竇 於 2010-8-4 00:33 編輯 ]

引用:

原帖由 suewong 於 2010-8-3 21:04 發表 反而好細個時，跟過家姐，拎 d 啤酒樽 / 汽水樽 去雜貨店 (應該係家姐係街執番黎)，回樽。我記得雜貨店好惡，話 d 啤酒 / 汽水唔係個度買，唔肯收。 家姐成日都話，佢地個輩，大半世都要挨。 我覺得 ...

邊敢欏去錢？要牌仔架。買汔水，你欏走，就要俾多兩毛子按樽，仲要俾個牌仔你，証明係佢度按既，要連牌仔同樽一齊先換到錢架。

引用:

原帖由 理魯竇 於 2010-8-3 23:18 發表 SUE點會執過青島啤酒樽蓋，佢邊有我地咁老，樽蓋除了可換錢外，好似加埋幾個仲可以換酒杯添。所以個陣時我地小朋友成日爭住同大人賣啤酒。

其實我都唔知點解可以換錢，人換我又換。但換杯就唔多記了。