重有無人記得以下店舖（已執笠）：
新界酒樓（即力生廣場）
嘉年酒樓（寶石樓對面）
金喜茶樓（即沙咀道麥當奴）
金龍茶樓（滿樂大廈地下）
宏大國貨（大河道，二樓有個大魚缸）
川龍街之排檔（即河背街至沙咀道一段）
周迎合超級市場（現搬至二坡坊）
眾安街大快活（大快活集團第一間快餐店）
雄姿體育用品（路德圍）
東方體育用品（大河道）
甄沾記（路德圍）
漢豐唱片（眾安街）

周迎合超級市場正黑店，以前（1984年前）賣埋晒過期貨，而家就唔知仲係咪咁。70年代有親戚來拜年，順路係呢間野買罐已包好花紙的danmark cookie，之後開來食，原來過左半年期。 鄰居也上過當，買來的Van Houten Chocolate　已生蟲。有年年近歲晚，朋友阿媽見呢間新裝修幫趁買野，檢查過貨品冇過期，畀１０００蚊紙找回七百多，再去第處購物，用從周迎合找回的５００蚊，點知經收銀員一照燈原來係假野，回頭去周迎合交涉，條肥婆當然死唔認，慶到朋友阿媽成晚　目訓　唔著。
甄沾記我喜歡食椰子雪糕　
講起茶樓，七、八十年代還有宏大國貨鄰近的民天酒樓，係路德圍的青葉酒樓，行多２步的總督、禧年、金城酒樓。

Me remembers also!

有無老友行過元荃古道?
風景好靚嫁.

引用:

原帖由 dynmv 於 2010-9-21 21:34 發表
有無老友行過元荃古道?
風景好靚嫁.

此乃元朗與荃灣間之古道. 起點於荃灣廣安醫院經石龍拱至元朗大裳村或南坑排終點. 走畢全程約4個小時, 沿途依山傍溪, 風景雅緻. 另可撰擇從大帽山荃錦公路田夫仔或甲龍作起點, 半途登入古道.

[ 本帖最後由 老搜 於 2010-9-23 13:02 編輯 ]

我係荃灣大，冇行過呢度；15歲時從城門水塘行去TaiPo 就試過2次。
試過幾次係新界酒樓門口搭夜班51號巴士入元朗，再從元朗搭乘同車回家，皆因荃錦公路夠巔坡，加上夜巴沿途客少，司機揸到飛咁快，上到山架單層巴係崎嶇不平的山路上彈下彈下，有次仲彈到成車人（約10個）彈晒起身，我仲彈到個頭頂撞到天花，自己跟同車的一班元朗仔笑到不得了。
想起都仲笑梗

嗰時屯門公路重起緊,沿地盤車路踩單車去九咪半游水.

七十年代去游水，多數去近水灣，貪人少同順便挖蜆，間唔中去麗都灣或九咪半。

七十年代，石梨貝有巴士去荃灣西約，三毫子由石梨貝搭31A去到筌灣西約就係近水灣，當年好多人都在近水灣游水。