其實好明顯，早排日本放船長係一個軟的表現∼而且放得好急∼
但近日又硬返∼而且美國仲宣佈同日本搞軍演，針對釣島被奪，要搶軍奪回釣島∼
明顯係日本被美國打了一針壯陽藥，搞到日本仔硬哂∼
中國應該唔會亂咁出兵∼因為一出兵個問題複雜化，打經濟戰才是不戰而屈人∼上策∼
但個問題係，我去查過釣島的主權的問題∼中國又的確對釣島有段時間不聞不問，日本仔會以逆權侵佔為口實收歸日本，而且仲有其他日本仔有主權的主張∼
中國在歷史上和國制法上理應有主權∼但日本在其他角度睇又可以辯稱有主權∼依家係口同鼻拗，個人認為國際法庭可以比到中國一個立足點，取得法庭的認可，就算聯合國冇實際權力，但起碼中國取回釣島及對島有主權，變得合法，在日後取回島，會減少障礙∼起碼聯合國唔會搞中國∼而且中國亦出師有名∼唔出兵，在其他動作上都出師有名∼
對於其他有領土糾紛的國家都應該知美國佬係想找馬前卒，有心把戰爭推向別國，明眼人都睇到美國有心搞亂你亞洲，你亞洲愈亂愈好∼東盟同日本仔冇理由白痴到做美國爛頭卒吖∼如果佢哋平心想想∼應該知道保持現狀最合自身利益∼中國又唔會走去打你，中國一路都只係宣稱有主權∼你走去搞中國，中國先發火啫∼
你唔搞中國，大家冇事∼主權之爭咪擱置先囉∼其實放一百年二百年都冇所謂∼東盟比美國剔撥下就甘心做美國走狗∼日本又係，寧和中國作對都唔同中國合作∼大白痴∼
東海係值好多錢∼但比起中國市場及同中國合作賺的錢一定更多無數倍∼南沙亦同一道理∼
只有泰國最清醒∼不想做美國走狗∼老美成日搞剔撥，招數老套，寧做美國棋子做其打手∼白痴∼

諗諗吓都係有問題~
如果由國際法庭審，南沙群島會可能被東盟搶走∼

由錢其琛至許肇星至現任楊部長，中國的外交未見成功，亞洲就只係有北韓緬甸，
呢D極權國家，其他的都係親美，搞左咁多年都係咁

引用:

原帖由 無神論狂徒 於 2010-10-4 13:59 發表
諗諗吓都係有問題~
如果由國際法庭審，南沙群島會可能被東盟搶走∼

國際法庭 ?
美國佬點解唔去國際法庭告伊朗發展核武 ? 唔告北韓 ? 唔告拉登 ?
阿根廷唔去告英國霸住福克蘭群島 ?
你梗係聽班口水佬吹得多﹐真係以為法庭係上帝開嘅
法官就係上帝

你好似未睇得明成個局已經變到翻天覆地
釣魚台算條毛
如果中國肯同日本傾﹐話你俾番個釣魚台過我
其他所有舊債一筆勾消﹐兩不相欠
我保證日本佬仆到還番個釣魚台出嚟  ~~~ 不過
佢契爺美國佬就即刻同佢整鑊政變出黎﹐又要換首相
釣魚台係美國佬塞俾日本佬一個炸彈
初頭 ( 70年代時) 都未見有咩大害﹐因為台灣不足掛齒﹐大陸窮到燶
但整整吓﹐到今時今日架佬就唔識笑
話唔要又唔得 - 對國內簡直係政治自殺﹐對外點過美國佬呢關 ?
想要 ? 啃得落咩 ?

幾十年嚟﹐從來只有中國人喊保釣
今日竟然搞到美日聯合軍演保釣
以往美國佬指吓個鼻邊個都退三步﹐話你唔聽就經濟制裁﹐再唔聽就調動多國聯軍、北約喊打喊殺
今日要身水身汗軍演嚇人
仲只係得隻跟美狗 - 日本 ﹐嚇鬼都唔死

成個局勢變成咁
你都睇唔出 ?

引用:

原帖由 KMY89 於 2010-10-4 16:42 發表
由錢其琛至許肇星至現任楊部長，中國的外交未見成功，亞洲就只係有北韓緬甸，
呢D極權國家，其他的都係親美，搞左咁多年都係咁   

東盟 10 +1 自由貿易區果個 ( 1 ) 係咩 ? 係美國 ? 日本 ?
西藏鐵路伸延去尼泊爾
巴基斯坦瓜達港軍民兩用﹐係大陸投資興建同使用
尼泊爾、巴基斯坦係極權國家 ?
美國佬狂吠要人民幣升值
到今日你聽過歐盟出過聲未 ?
菅直人話今次去到亞歐峰會要向歐盟哭訴釣魚台事件
你聽過歐盟講過半句關於釣魚台糾紛未 ?
日本佬有米嘞啩 ?
睇吓去到亞歐峰會敢唔敢講撐歐元 ?
溫家寶昨日已經晌希臘講咗會買希臘國債
部份外匯儲備會用歐元作儲備

弱國無外交
弱嘅意思唔一定係窮
沙地阿拉伯、科威特、瑞士有錢啦﹐日本佬都闊過幾十年
晌國際上講嘢有邊個聽 ? 有邊個啋佢地 ?

飛毛腿兄:
情況我看不如你想像中樂觀呀.......
中國能鬥得過日+美嗎??

個人認為美國佬應該唔敢同中國嚟硬~佢打中東佬都可能好輕鬆~
中國唔講得笑~窮的年代都冇一個西方國家可以完全收服中國~作殖民地~今日更冇可能在中國國土上佔到半點便宜~
但係中國要面對美日聯手,的確唔好搞~
最後結果雙方會面對慘痛結果∼日本更係戰爭中的最大輸家∼因為中國未必有能力遠洋打美國，亦未必敢∼日本嘛∼怕你有牙乎？
美國佬亦會損兵折將∼
我信擺吓姿勢尚可∼真刀真搶∼美國佬未必肯∼除非硬到冇彎轉

成 單 野 點 玩 開 唔 開 波 有 數 果 個 都 係 美 國
中 國 如 果 要 訓 身 打 (核 戰) 架 仔 一 定 唔 夠 打
不 過 釣 魚 台 呢 單 野 玩 大 左 都 係 打 局 部 地 區 海 戰
海 戰 我 地 祖 國 D 船 除 左 數 量 同 年 紀 大 個 架 仔 之 外
由 科 技 噸 位 速 度 冇 樣 野 好 過 人
打 出 個 2 次 甲 午 就 唔 好 啦
我 覺 我 小 心 D 好
唔 知 各 位 高 人 點 睇

屹立世界民族之林，本就是求生求存的斗争。
百几年来中国由受尽欺凌，近乎任列强宰割的殖民地半殖民地，发展到今天世界上具影响力的国家，
任谁都不能忽视眼前的事实，尽管中国千疮百孔，还有很多未尽人意之处，但到底是中国站起来了。
作为其中的一分子，与有荣焉之感油然，在情在理是正常不过的事。
与此同时，历经蹂躏的中国还是伤痕累累，因此清醒审时度势韬光养晦也有必要。
今天中国已经取得的辉煌，其实还只是前进步伐上的起步点。
不过，无庸置疑的是，中国站起来是我们这群人，在滔滔历史潮流中前进的方向。
相反妄自菲薄，诸多挑剔，纠缠不清的人，真该自省立场，是站在哪一边看中国的站起来。

諗諗吓~中國下一步要斷美國及其盟友的關係，因為美國盟友多，對中國的影響力會大打折扣∼中國應該要放低主權之爭，擱置唔理∼努力拉近鄰國關係，尤其美國盟友國，如日本南韓東盟等，以斷美國對呢啲國家的影響力∼或最好成為盟友∼
如果中國和這些國家搞對抗，美國一定會借勢介入，而且呢啲國家亦只有向美靠攏才能和中國抗衡∼中國和這些國家修好∼減少美國介入的借口，而呢啲美盟亦會不想得失中國而投鼠忌器，對美國的聲音亦未必會言聽計從∼而且來臨天下會是中國的天下∼全世界都知∼埋中國身有著數∼美國佬已經沉緊∼只要中國唔抗對抗∼有望打斷美國及其盟友的關係或減低美國的影響力∼
今日中國和日本見面∼係好事∼只要中國要求日本不要和軍演，一切要和平為重∼有可能削弱美國對日本的影響力∼日本亦樂得見中國一個大市場在眼前關放，放棄美國的盟友關係∼

引用:

原帖由 Jeff9394 於 2010-10-5 03:06 發表
成 單 野 點 玩 開 唔 開 波 有 數 果 個 都 係 美 國
中 國 如 果 要 訓 身 打 (核 戰) 架 仔 一 定 唔 夠 打
不 過 釣 魚 台 呢 單 野 玩 大 左 都 係 打 局 部 地 區 海 戰
海 戰 我 地 祖 國 D 船 除 左 數  ...

無人夠膽開第一槍嘅
日本唔敢, 中國唔會
美國係第三者, 只要唔係中國開第一槍
佢嘅角式只係靠邊站嘅小丑
淨係打經濟戰, 美日都有排頭痕

引用:

原帖由 monalisa 於 2010-10-5 02:13 發表
飛毛腿兄:
情況我看不如你想像中樂觀呀.......
中國能鬥得過日+美嗎??

我冇樂觀
我冇話中國可以打低美國
我只係講出客觀存在嘅現實 :
中國係聯合國五個常任理事國之一
中國係核武國家
中國已經超越德國成為世界第一出口國
- 當然出口多係有利有弊
中國係擁有最多外匯儲備國家
中國嘅國債比美、日等國低得多
-- 你知道國債沉重代表咩 ? 每年還息都還到嘔血 ！
- 你去睇睇美國國債﹐計算吓每年要俾幾多利息 -- >  http://www.usdebtclock.org/

而日本
除咗我講嘅仲有幾分家底之外
政治﹐軍事上有咩實力 ?
核武時代唔同 70 年前抗日戰爭年代
唔可以靠咩神風突擊隊﹐大和軍魂乜乜七七一腔熱血去硬撐
美國佬屙兩隻原子彈落日本﹐日本佬即刻收皮就證明一切

所以你憂慮嘅美 + 日唔成立 -  因為日係廢柴
你會擔憂日本都可以短時間內發展核武
得﹐首先要問吓美國佬﹐其次俄國佬﹐再然後南北韓佬
仲有東南亞曾經俾日本皇軍侵略過嘅如菲律賓﹐馬來西亞、緬甸....

然後就係美國
冷戰時期美蘇年年月月撐到衡
幾時真係調動軍隊準備埋身肉搏 ?  - 除咗古巴導彈危機果次劍拔弩張
唔好當美國佬個個係 RAMBO
二戰後美國佬郁手打嘅戰爭無一例外都係以強凌弱
美國佬唔會打無把握嘅仗
1950年 中國打咗八年抗戰然後國共內戰
打到人都殘﹐武器又落後 - 飛機都唔多架
美國佬都要聯同 21國共 22國聯軍打北韓
終於都係打唔贏中共撐嘅韓戰
打到美國佬心驚肉跳
搞到後來打越戰時心慌慌﹐唔敢去河內狂炸
-   驚唔覺意炸到中越邊境惹起北京反彈﹐又搞出個韓戰翻版
呢 D 唔係我吹出嚟
係越戰時 ( 甘迺迪 -詹森總統兩個任期內) 國防部長麥南馬拉寫嘅越戰回顧講

所以﹐美國佬唔係受到到亡國威脅下
唔會無厘頭發動跟中國同歸於盡嘅戰爭
為咗日本 ? 為咗台獨 ?
俾著你做美國總統會唔會咁做 ?
就算美國總統肯﹐都要國會班老爺肯
更加要美國班選民同意跟一國核大國開戰  - 仲要唔係本土受到入侵喎

引用:

原帖由 netvigator 於 2010-10-5 14:07 發表


無人夠膽開第一槍嘅
日本唔敢, 中國唔會
美國係第三者, 只要唔係中國開第一槍
佢嘅角式只係靠邊站嘅小丑
淨係打經濟戰, 美日都有排頭痕

邊個開第一槍唔係問題
盧溝橋可以老翻
上兩個月以色列同黎巴嫩為咗一棵樹都可以開火
美國佬樂於見你地中日兩個打餐死
打殘邊個對佢都有利無害
打經濟戰只有日本頭痕
美國笑淫淫等住去收割日本  - 可參考亞洲金融風暴

謝賜教
可能我睇得d大陸憤青討論網多,得悉日本海軍力量及先進性都不差於中國,一旦開戰,勝負實未能料吧

引用:

原帖由 飛毛腿 於 2010-10-5 14:46 發表


邊個開第一槍唔係問題
盧溝橋可以老翻
上兩個月以色列同黎巴嫩為咗一棵樹都可以開火
美國佬樂於見你地中日兩個打餐死
打殘邊個對佢都有利無害
打經濟戰只有日本頭痕
美國笑淫淫等住去收割日本  - 可 ...

飛哥, 點睇琴日溫家寶突訪德國同默克爾會晤呢個動作? 係俾signal美國叫佢地唔好再係釣魚台事件上扇風點火還是為重新定立世界秩序(亞歐經濟結盟孤立美國)做準備?

等你既分析!!

冇錯,等飛蛇見解~

引用:

原帖由 monalisa 於 2010-10-6 02:11 發表
謝賜教
可能我睇得d大陸憤青討論網多,得悉日本海軍力量及先進性都不差於中國,一旦開戰,勝負實未能料吧

兄弟你問道於盲
我係軍事白癡 ﹐對軍事問題連半桶水都冇
我只知道大陸海軍實力一向都係短腳
中國從來未做過海洋霸主
當年西班牙﹐葡萄牙、大陰帝國因為要向外掠奪殖民地
所以發展海上武力不遺餘力
到今日美國要保護自己全球利益 – 其實咪又係到處打殺燒搶
亦係保持住超強大海上軍力
日本佬明治維新後亦想做一方霸主進而成為世界一強
所以亦建立強大海軍力量
因此日本海軍力量比中國強一 d 都唔奇
海軍力量係顯示出一種外向進攻型力量
以之前中國國力同國策
唔會亂掟錢落海軍建設上
晌財力有限嘅前題下﹐花錢要花得精明
同人競賽海軍實力就係以己之短攻敵之長﹐笨實到極
所以就有導彈打航空母艦嘅構想
大陸憤青就稱航空母艦變成海上流動棺材咁講
細節你去大陸軍網就見好多呢種討論

純以保衛國土角度考慮
以往外國嘅船堅砲利優勢晌今日導彈技術面前變成殘廢
而近海保衛方面﹐大陸仲有一種抵食夾大件武器叫做火箭砲
呢種火戰砲唔係導彈﹐打擊精確度可能講緊幾十公呎誤差
不過勝在夠平﹐據講千幾蚊人仔一枝
試想以數千枝火戰砲射出去
駛叉講精確度﹐直頭係地顫式轟炸

火箭砲介紹  --> http://news.xinhuanet.com/mil/2010-09/18/c_12583029.htm

講返日本﹐就以釣魚台為例
佢離大陸浙江溫州只有 356公里
據講大陸嘅火箭砲發展到射程 400公里
如果日本海軍佔領釣魚台
大陸由溫州岸邊射一萬發火箭砲過去……睇你走得去邊 ?
千幾蚊一發砲彈﹐打一萬砲都係千幾萬人仔
人地美國佬一隻戰斧巡航導彈都過百萬美元

我講過比如東海都係得 360海里闊 – 大概係 660公里
等你日本軍艦進入火箭砲射程內
萬幾二萬發火箭砲打出去
打你唔沉都打成殘廢 – 仲未出到短程導彈

我唔係軍迷
上面講嘅係我想當然狗噏﹐以最慳皮方式打殘日本海軍

引用:

原帖由 Manics 於 2010-10-6 08:57 發表


飛哥, 點睇琴日溫家寶突訪德國同默克爾會晤呢個動作? 係俾signal美國叫佢地唔好再係釣魚台事件上扇風點火還是為重新定立世界秩序(亞歐經濟結盟孤立美國)做準備?

等你既分析!!

目前世界只有一種貨幣有力威脅美元
就係歐元
呢個對手一定要剷取而後快
一個四分五裂嘅歐洲
永遠冇辦法挑戰美國霸主地位
美元嘅地位係靠超強軍力維護 - 超強軍力靠天文數字軍費去支撐
天文數字美元靠搏命印出嚟
印出嚟之後要搵人要 - 中東油佬 ﹐賣石油只准收美元
沙地阿拉伯 - 伊拉克 - 伊朗 已經壟斷全球大部份石油產量
打低伊朗後就呢個世界霸主地位就打風都打唔甩
要打伊朗就由阿富汗、伊拉克包圍
伊拉克冇問題﹐只剩阿富汗
但阿富汗係兵家必爭之地﹐卻又窮山惡水
當年蘇聯帝國就係咁折戟沉沙﹐最後成個蘇聯帝國歸西
美國佬金融上竭力打殘歐盟
軍事上又要靠北約幫手增兵阿富汗
德法兩國側側膊死唔肯增兵
俾你拿下伊朗﹐歐洲永無翻身之日

希臘瀕臨破產邊緣時
德國最初死都唔肯拯救佢
但法國力迫德國 - 唔救希臘就引起骨牌效應﹐歐盟最後肯定陷包散
德國無奈只好同意拯救
溫家寶昨日晌亞歐峰會講明撐希臘 - 亦支持歐元
如果越南、印度講就冇人信
但手揸萬億美元債劵嘅中國講就唔同份量
昨日睇新聞見到溫家寶會見法國薩科齊
默大媽唔知老溫同法國老薩有咩密斟﹐容乜易有好嘢漏咗自己果份

另外德國默大媽可能有 d 嘢要同老溫得到共識
你睇前日有單莫名其妙古怪新聞 - 美國對歐洲發出旅遊警示
無厘頭話有咩恐怖襲擊歐洲嘅威脅
唔通美國受恐怖襲擊威脅就細過歐洲  ?
擺明就係要打擊歐洲旅遊事業
更可能跟住又要再借西班牙、葡萄牙、愛爾蘭債務問題再狂踩歐盟經濟
我認為默大媽聞到 d 味 - 可能自己亦係被金融攻擊目標之一

引用:

原帖由 飛毛腿 於 2010-10-6 14:24 發表


目前世界只有一種貨幣有力威脅美元
就係歐元
呢個對手一定要剷取而後快
一個四分五裂嘅歐洲
永遠冇辦法挑戰美國霸主地位
美元嘅地位係靠超強軍力維護 - 超強軍力靠天文數字軍費去支撐
天文數 ...

奇就奇在瑞典同美國一齊向歐洲發旅遊警告...佢自己都係歐盟成員之一...點解無厘頭會搵石頭DUP自己隻腳咁得意? 之前一直都唔覺美國响歐洲除英國外養多咗一隻狗..

今日無線新聞又係做中日美海空軍對比,條分析員都無計到有導彈呢樣野

美媒：中国反舰能力"相当骇人"
美国《新闻周刊》10月4日刊登题为《中国的航母杀手》文章，以下为全文：

http://news.xinhuanet.com/world/2010-10/06/c_12632634.htm